ဗီုလဵုဂွံဟီုအရေဝ်ရော 🤗🤗🤗🤗🤗🤗🤗🤗🤗🤗🤗🤗🤗🤗 ညာတ်ကေတ်က္ဍိုပ်လိက်ဏအ်တုဲ "ဟီုအရေဝ် ဟီုကဵုပါၚ်ရ မုဂွံကျာတ်ရော ညးလ္ၚဵုသ္ဂးကၠုၚ်သာ်ဏအ်နွံဏောၚ် ထေၚ်ကေတ်ရ။ ဍာံပြလောန်ရ အရေဝ်ဂှ် ဟီုကေတ်နကဵုသၟန်ပါၚ်ဟေၚ်ရ။ ဆ္ဂး ဇၟာပ်အရေဝ်ပိုဲမဟီုပ္တိတ်ဏာနူပါၚ်ကဵု ဂွံကိတ်ညဳကုဗီုဒဒှ်မဆက်စပ်တအ်မွဲမွဲ ဟီုဟွံလောဲသွာပုဟ်ဂှ် ကၠိုဟ်ဏောၚ်ထေၚ်ကေတ်ရ။ မုဟိုတ်ရောဟီုမ္ဂး လဆောဝ်အရေဝ်ပိုဲမဟီုပ္တိတ်ဏာမွဲပါၚ်ဂှ် ညးမွဲလ္ပာ်စိုတ်ဒးဂိခအံၚ်အာကီု ဟိုတ်နူအရေဝ်ဇကုမွဲပါၚ်ဂှ် ညးမွဲလ္ပာ်အထေၚ်သောဲအာဇကုကီု ဟိုတ်နူအရေဝ်ဇကုဂှ်တုဲ ညးမွဲကုမွဲဒေါသတိတ်အာညးသ္ကံကီု ညးမွဲကုမွဲဒှ်အာသၞဝဲညးသ္ကံကီု ဗီုဗီုတအ်ဏအ်ဒးက္တဵုဒှ်ကၠုၚ်နွံတဴမံၚ်ဗွဲမဂၠိုၚ်ဂှ် အရေဝ်ဏအ်ဟီုလောဲမံၚ်ဏောၚ်ဂှ် စၟတ်ထောံဟွံဂွံရ။ ၜိုန်ဂှ်လေဝ် ပိုဲမၞိဟ်တအ် ပ္ဍဲမွဲဘဝလၟေၚ်လၟေၚ်တ္ၚဲဂှ် အကြာညးမွဲကုမွဲ ဂွံဆက်စၠောံညးသ္ကံဂွံဂှ် ဒးသ္ပလဝ်ဒဒန်ကဵုအရေဝ်တုဲ ဟွံဂွံပိုတ်သ္ကုတ် ဒးဟီုမံၚ်အရေဝ်ညးသ္ကံဖအိုတ်ရ။ ဒှ်သာ်ဂှ်မ္ဂး ဗီုလဵုဂွံဟီုအရေဝ်ရော ၁။ အရေဝ်ဂှ် အခေါၚ်ဟီုနွံမှ ဟီုညိ။ ၂။ အရေဝ်မဍာံပြဂှ်ဟေၚ်ဟီုညိ။ ၃။ ဗွဲမစှ်ေကဵုသဘဴဓဝ်ဂှ်ဟေၚ် ဟီုညိ။ ၄။ အရေဝ်မဒှ်ဂုဏ်ဖဵုဂှ်ဟေၚ် ဟီုညိ။ ၅။ အရေဝ်မဒှ်သ္ဍိုက်ဆာန်ညးသ္ကံဂှ်ဟေၚ် ဟီုညိ။ ၆။ လအီစွံဂတတုဲ ဟီုညိ။ ၇။ ညံၚ်ဟွံဂွံဂၠိၚ် ဟွံဂွံဂၠေံ ချိၚ်ချတုဲဟီုညိ။ ၈။ အရေဝ်မွဲမွဲ လွာဲဂှ်လ္ပက္လေၚ်ပလန်ဟီုညိ။ ၉။ ဆက်စပ်မ္ဂး ဂလာန်မကေၚ်သုၚ်စောဲလဝ်ကၠာတအ်ဂှ် ဟီုသုၚ်စောဲညိ။ ၁၀။ ဗွဲမချိုတ်ပၠိုတ် ပိုတ်သ္ကုတ် ဗုဗုအးအးဂှ်ဟီုညိ။ ညးလ္ၚဵုတအ်ဂှ် ဟွံဂွံဆေၚ်မုက်ဆဵုကဵုအလဵုမၞိဟ်မွဲလန်ဏီ ၜိုတ်မိၚ်ပရူညးကၠးကၠးဂှ် ဒ်ှမၞိဟ်ဒးရှ်ေသှ်ေ ဒးအထေၚ်ဇၞော်ခိုဟ်မွဲကီုလေဝ် ဍာံဍာံကာလဒးဆေၚ်မုက်တက်ကျာဟီုအရေဝ်ညးသ္ကံဂှ် မုလေဝ်ဍာ်ဒ္ကေဝ်ဟွံမွဲ ကေၚ်ညာတ်ကၠုၚ်နွံရ။ လဆောဝ်မ္ဂး (ဥပမာ) ဟီုပရူကၠောန်ပရေၚ်ပိုန်ဂြပ်မွဲ ကိစ္စလ္ၚဵု ဟိုတ်နူဟီုအရေဝ်ဟွံပြေပြံၚ်ညးသ္ကံတုဲ သီုၜါလ္ပာ် မုဟွံဂွံကၠုၚ်ဂုဏ်ဖဵု ဗီုဏအ်လေဝ်နွံတဴဗွဲမဂၠိုၚ်ရ။ ညးလ္ၚဵု အရေဝ်ဟွံမွဲကဵုၚ္ၚုဟ်မး အရေဝ်ဟွံဒှ်သတ်တအ် ဟီုဏာဟီုနၚ် ဣဏအ်ဂှ် ဟွံစွံသတိ ပ္ဍဲအရာဟီုအရေဝ်ရ။ ပူဂဵုမဟီုအရေဝ်ဂၠိုၚ်တအ်ဂှ် ၁။ အရေဝ်ဟွံဍာံဂှ် ဟီုတိတ်အာလေပ် ၂။ အရေဝ်ဖဍာတ်ကတောဝ်တအ် ဟီုတိတ်လေပ် ၃။ အရေဝ်ကြံၚ်မ္ၚိုဟ်တအ် ဟီုတိတ်လေပ် ၄။ အရေဝ်မထေၚ်ခယျတအ် ဟီုတိတ်လေပ် ၅။ ဟိုတ်နူဟီု ချိုတ်တုဲမှ ဒးစှ်ေအပဲါ ဂှ်ဒှ်လေပ်ရ။ ပ္ဍဲဏအ်ဝွံ ကုညးမဟီုစောပကတအ် ဒးစွံသတိရ။ ညးမတ္ၚအ်ကဵုဟီုစောပကပရူညးတၞဟ်ဟွံခိုဟ်ဂှ် ညံၚ်ရဴဇကုဒုဟ်ဟွံမွဲ ညံၚ်ဇကုဒှ်ဒုဟ်ဟွံလေပ်ထေၚ်လဝ်ရ။ အကုသဵုဟီုဂှ် အခိၚ်ကၠောန်ပတုဲမံၚ်ဂှ် ညံၚ်ရဴမုဟွံသေၚ်ကီုလေဝ် ကာလဍေံကဵုကၠုၚ်ဖဵုမ္ဂး ဒှ်အာစၟတ်သမ္တီဇၞော်ဇၞော်မွဲဏောၚ်။ သ္ဍဴဉာဏ် လှာဒကှ်