သၟတ်ဂျပါန် ကဵု သၟတ်မန်ပိုယ်
ပ္ဍဲသက္ကရာဇ် ၁၉၄၁ ဂိတု ဒဳဇြေန်ဗာ ၇ ဂှ်
နူဒပ်ပၞာန်ဍာ် “ဂကောံပၞာန်ကျာအေကရာဇ်ဂျပါန်”
က္ၜၚ်ကျာ ဗၞတ် ၃၅၃ ဖ္ဍိုက် တအ်
ကၠုၚ်ဂြာတ်ထောံဖျေံ ဗောမ် (Bomb)
ပ္ဍဲ သၞေဟ်က္ၜၚ်ပၞာန်ဍာ် မၞုံယၟု ဗၠဲ (Pearl Harbor)
အမေရိကာန်တအ် အခိၚ်ဂယး ၇:၄၈ မိနစ်ဂှ်
ကောံကဠောံ ကၠုၚ်ဂြာတ်ဖျေံဗောမ်ကီု
တုဲပၠန် ဒၞဲါ ဗဒိုပ် ဒပ်ပၞာန်ကျာ
ဒၞဲါ စွံက္ၜၚ်ကျာပၞာန်အမေရိကာန်တအ်လေဝ်
က္ၜၚ်ကျာဂျပါန်တအ် လုပ်ဂြာတ်ဗောမ်
ပလီုပလာ်ဏာဖအိုတ်ရ
သီုဟွံလလောၚ်ပၞာန်မွဲသာ်ရ…
လုပ်ဗတိုက်ဗီုပလီုပလာ် ၜိုတ်ထေက်ကြိုက်တုဲဟေၚ်
တ္ၚဲယး ဒဳဇြန်ဗာ ၈ ဂှ် နူကဵုဍုၚ် တိုခယျိုဝ် (Tokyo)
လလောၚ်တြးပၞာန်ကဵုအမေရိကာန်တအ် ဗွဲသၞောဝ်ရ…
ဟိုတ်နူ လုပ်ပ္တိုက်အဠေတ်သာ်ဂှ်တုဲ
က္ၜၚ်ကျာပၞာန် အမေရိကာန် ၁၈၈ ဖ္ဍိုက်ကီု..
မၞိဟ် ၂၄၀၃ တၠ ဒးဒုၚ်ပူဇဴဏာလမျီုကီု
မၞိဟ် ၁၁၇၈ တၠ ဒးဝပ်အိုတ်ရ..
ၜိုန်ဂှ်လေဝ် ဒၞဲါကိစ္စဇၞော်
မပ္တံ ဒၞဲါစွံကၠေၚ် ဒၞဲါစွံလွဟ် မကမ်တအ်ဂှ်
ဟိုတ်နူ အမေရိကာန်တအ်
ကၠတ်ဒေပ်စွံ ကၠောန်လဝ် ဗွဲနယ်ဓလုက်တုဲ
ဟွံတီဒၞဲါ တုဲ ဂျပါန်တအ် ဟွံဒှ်ဂြာတ်ဗောမ်အိုတ်ရ…
အပ္ဍဲပေဲါပၞာန် ဂျပါန်
ဂြာတ်ဗောမ်ကုသၞေဟ်က္ၜၚ်ဗၠဲ အမေရိကာန်ဂှ်
နူဂျပါန်တအ် က္ၜၚ်ကျာ ၂၉ ဖ္ဍိုက် က္ၜၚ်ဗၠိုပ်ဍာ် ၅ ဖ္ဍိုက်
ကောန်ပၞာန် ဆ ဗၞတ် ၆၄ တၠဟေၚ်
ဒးဒုၚ်ဆောံလေၚ် ဒးဒုၚ်ချိုတ်အာရ…
တ္ၚဲဂျပါန် လလောၚ်ပၞာန်ကဵု
အမေရိကာန်တုဲဗက် တ္ၚဲဂှ်ပၠန်ဟေၚ်
အမေရိကာန်တအ် ကလေၚ်ပၠန်
လလောၚ်ပၞာန်ကု ဂျပါန်တအ်ရ…
လအ်ဂွံ ၃ တ္ၚဲ ဒဳဇြေန်ဗာ ၁၁ ဂှ်
ဂျာမနဳကဵု အဳတလဳတအ်လေဝ်
လလောၚ်ပၞာန်ကု အမေရိကာန်တအ် ဂြုဂြုအိုတ်ပၠန်ရ…
ဟိုတ်ဂှ်ရ အမေရိကာန်လေဝ်
ထပ်ကလေၚ် လလောၚ်ပၞာန်ကု ဍုၚ်ၜါဍုၚ်ဂှ်ပၠန်ရ..
(အခိၚ်ဂှ် ဂျာမနဳ အဳတလဳ ဂျပါန်တအ်ဂှ်
ပံၚ်တောဲတုဲ သွက်ဂွံတီတိဍာ်
အလုံမွဲဂၠးတိဏံ ဖျေံလဝ်အစဳဇန်တုဲ ဟေတ်တဠာ
ညးမဒှ် က္ဍိုပ်သ္ကိုပ်ဂျာမနဳဂှ်လေဝ် မိက်ဒှ်မံၚ် သၟိၚ်စက္ကစဝ်ရ)
ဖဵုဂြာတ်ထောံဗောမ် သၞေဟ်က္ၜၚ်ဂှ်
ပ္ဍဲသက္ကရာဇ် ၁၉၄၅ ဂိတု အဝ်ဂေတ် ၆ ဂှ်
နူအမေရိကာန်တအ် ကလေၚ်ပၠန် ဂြာတ်ထောံဗောမ်
ပ္ဍဲ ဍုၚ်ဟဳရိုဝ်ယှဳမာ (Hiroshima) ဂှ် ဗၞတ်မၞိဟ်
အကြာ ဒစိတ်ဠက် (၉၀၀၀၀) ကဵု မွဲကိုဋ်ၜါဠက် (၁၂၀၀၀၀) ဒးချိုတ်အာတုဲ
ဂွံပိတ္ၚဲပၠန်ဂှ် ပ္ဍဲ ဍုၚ်နာဂါသကဳ(Nagasaki)
ထပ်ထောံဗောမ်နျူကလဳယျာ မွဲမပၠန်တုဲ
ဗၞတ်မၞိဟ် အကြာ (၆၀၀၀၀) တြဴဠက်ကဵု ၇၀၀၀၀ (ထပှ်ဠက်)
ဒးချိုတ်အိုတ်ပၠန်ရ…
မၞိဟ်ဟွံချိုတ် ဒးလဝ်ဘဲဒဏ်ဗောမ်တအ်ဂှ်
စဵုကဵုလၟုဟ် ဟိုတ်နူ
ဘဲဓာတ်ရေဒဳယိုဝ်
နူဗောမ်ဇီုကပိုက်လဝ်ခန္ဓ (biological effects of radiation)
ဂှ်တုဲ
အဝယ်ဟွံခံၚ် ပရေၚ်ခန္ဓကာယ
ဒးဆောတ်ယောၚ်အာ စဵုကဵု မွဲအာယုက်ရ..
လ္ၚဵု..သီုကဵုဟွံချိုတ်
ဟိုတ်နူဒးပယျးဘဲဗောမ်ဂှ်တုဲ ဖျုန်ဇကုလေၚ်စှ်ေ
သှ်ေမံၚ်ဆဇုတ်သၟး
သ္ဒးလရိုအ် ဒးဒုၚ်ဘဲ
စဵုကဵုချိုတ်လေဝ်နွံ….
လ္ၚဵု ဟိုတ်နူဒုၚ်ဘဲဟွံမာန်
ဂစိုတ်ဏာ ဇကုဇကုလေဝ်နွံ…
လ္ၚဵု ကောဒေံ မိဿဟာဲဇကု
ဒးမံၚ်ဘဲ လရိုအ်မံၚ်တအ်ဂှ်
ဒုၚ်စသိုၚ်ဟွံမာန် မ္ဒးဗာ်ဂစိုတ်ကဵု
မဒးပန်ဂစိုတ်ထောံ ညံၚ်ဂွံဟဲဇးအာလေဝ်
နွံကၠုၚ်ဗွဲမဂၠိုၚ်ဂၠၚ်အိုတ်ရ…
ဟိုတ်နူဒးဘဲဂိဓဇောတ်သာ်ဂှ်ရ..
ဂျပါန်လေဝ် လလောၚ်တြးဒဒှ်ရ ကျပၞာန်တုဲ
ပေဲါပၞာန်ဂၠးတိ ဒုတိယဂှ် တုဲဒှ်အာအိုတ်ရ…
ဟိုတ်ဘဲပၞာန် ဘဲဗောမ်ဂှ် အလုံဍုၚ်ဂျပါန်ၜါ
(ဍုၚ်ဟဳရိုဝ်ယှဳမာ (Hiroshima)<> ဍုၚ်နာဂါသကဳ(Nagasaki) ဂှ်
သှ်ေဆ ဗွဝ်ပတေၚ်ဟေၚ်ရ…
အဳတဠဳ. ဂျပါန်.. ဂျာမနဳတအ်
ဟိုတ်နူကျပၞာန်ဂှ်ရ ဒးလေဲကဵုၚုဟ်ပၞာန်ဗွဲမဂၠိုၚ်ဂၠၚ်အိုတ်ရ..
ဂျပါန်ဂှ် သီုဒးကျပၞာန် သီုဒးလေဲ ၚုဟ်ပၞာန် ဍုၚ်တၞဟ်ဟ်ဂှ် မူစိကေတ်ဟွံဒး
ဒးကဵုဍုၚ်ဗမာဂှ် ဗၞတ် US 200 Million တုဲ
ရံၚ်လ္ပာ်ဍုၚ်ဇကု ပၠန်လေဝ် သှ်ေ ဆ ဗွဝ်ပတေၚ်ဟေၚ်ရ….
ၜိုန်ဂှ်လေဝ် လအ်ဂွံဗၞတ် ဆၜိုတ် ၄၀ သၞာံဂှ်
ဍုၚ်ဂျပါန်ဂှ် ကလေၚ်ဒှ်ကၠုၚ်
ဍုၚ်ကွတ်စက်မွဲဖောအ်ဗြေဝ်တဴတက်မွဲပၠန်တုဲ
တၞီလုပ်လၟိဟ်ကၠုၚ် ပ္ဍဲဍုၚ်လောဲအိုတ်မွဲပၠန်ရ…
နူဗွဝ်ပတေၚ် ဂွံကလေၚ်ဒှ်ကၠုၚ်
ကဆံၚ်ဏံပၠန်ဂှ် ကၠုၚ်နူ “စိုတ်ဓာတ်” ဟေၚ်ရ…
ပ္ဍဲ သက္ကရာဇ် ၁၉၄၅ ဂှ် သၟတ်နွံအာယုက် ၂၅ စိုပ် ၃၅ တအ်ဂှ်
ဇကုညးတအ် ညးတအ်စၟတ်ထောံ
တၞောဝ်ဒတောဝ် ဒုၚ်စေက် ဒးခဳသွက်
ဂကူဂျပါန်ညးတအ်တုဲ ဂစာန်ကၠုၚ်ကမၠောန်အိုတ်ရ…
ဇၟာပ်ပ်ကမၠောန်ညးတအ်ကၠောန်ဂှ်
ဒှ်သွက်ညးတအ်ဟွံသေၚ် ရန်ကဵုသွက်တၞောဝ်ဒတောဝ်
ကောန်ဗွဲကြဴစဴဗွဲဂတတေံဟေၚ်အိုတ်ရ…
ညးတအ်သ္ပအဓိက ကဵု သၞောတ်ပရေၚ်ပညာတုဲ
ကလေၚ်ဒက်ပတန်ကၠုၚ် ဍုၚ်မိတိမညးတအ်မွဲအလန်ပၠန်ရ…
ယဝ်ရဒးဟီုတှေ် အခိၚ်ဂှ် ဟိုတ်နူ ကျပၞာန်တုဲ
သွက်ကောန်ဍုၚ်ဂျပါန်တအ်
တၚ်ရန်တၟံဟီုဂှ် ဒှ်အာညံၚ်ပုံမွဲယျဏောၚ်…
ဘဲပၞာန်လေဝ် ဒးဒုၚ်ကၠုၚ်လဝ်
သီုဂိသကေဝ် သီုဒးဒုၚ်ကျပၞာန်
ဍုၚ်၂ဍုၚ်လေဝ် ဒှ်အာဗွဝ်ပတေၚ်…..
ယဝ်ရ စိုတ်ဓာတ်ဒးစှ်ေမ္ဂး
စှ်ေမံၚ် စဵုစိုပ်ဘုံနရက်တေံဏီရ....
ဆဂး သၟတ်ဂျပါန်တအ် စိုတ်ဓာတ်ဟွံစှ်ေ
ယွံယှအ်ဇဲလောဲလောဲအိုတ်ရ…
ဗက်လက္ကရဴ က္ဍိုပ်သ္ကိုပ်ခိုဟ်ညးတအ်တုဲ
သွက်တၞောဝ်ညးတအ်ဗွဲကြဴ ဂွံခိုဟ်စဂှ်
ဒးစေက် ဒုၚ်ကၠောန်ကၠုၚ် အလုံမွဲဘဝညးတအ်အိုတ်ရ…..
ယွံ…. မန်ပိုယ်လေဝ် နူလက်ထက်
သၟိၚ်ဗညာဒလတေံရ…
ဒးဒုၚ်လေၚ် ဒးဒုၚ်စံၚ်ပၠေၚ် ဒးဒုၚ်သှ်ေဆဗွဝ်ပတေၚ်ဂှ်
လောန်ကၠုၚ် ၂၆၀ သၞာံပြၚ်အာပၠန်ယျ…
အကြာဂှ် နနယ်နာနာ ဗီုပြၚ်နာနာ
ၜတ်တ်ကြံၚ်ၚ် ညံၚ် ဂွံအိုတ် ညံၚ်ဂွံကၠက်ဂှ်
ဒးဒုၚ်ဖန်ဇန် ညအ်တအ်ဂစာန်ကဠက်ကၠုၚ်ကီုလေဝ်
ဟိုတ်နူ နယ်ဍေံတအ် ဟွံခိုဟ်ဟာ?
ဟိုတ်နူပိုယ်ကေက်ဟာ?
ကေတ်ဟွံဒး ဂကူမန်ပိုယ်ဂှ် စဵုကဵုလၟုဟ်
သှ်ေဇးမံၚ် ဗၞတ် ၜိုတ် ၜါကဵုမွဲသ္ကုတ်ဏီဖိုဟ်ရ….
ၜိုန်ဂှ်လေဝ်…
တၞောဝ်ဒတောဝ်မန်တအ်ဏံ
ကၠာဲကၠုၚ် ကၠေံကၠုၚ် ကၠက်ကၠုၚ်မံၚ်
သိုက်က်တုဲ စဵုကဵုလၟုဟ်
အိုတ်စှ်ေမံၚ် ပြဳပြဳ ပြးဇးအာမံၚ်
သိုက်က်တုဲ နူဍုၚ်သရက် စိုပ် ရးတနၚ်္သဳဂှ် လ္ပဟီုမအရေဝ်ဇၞော်ဇၞော်ဏီ
အပ္ဍဲတွဵုရး မန်ဏံလေဝ် သှ်ေဇးမံၚ် ဟွံဂၠိုၚ်ဂၠၚ်အိုတ်ရ…
ဗွဲမဂၠိုၚ် ၜိုန်ဒှ်မန်ကီုလေဝ်
စိုတ်ဓာတ်ဟွံဇြိုဟ်နက်ကဵု ပရေၚ်ဂကူတအ်ရဂှ်
နူပေဲါရုဲမာဲ ၂၀၂၀ တုဲကၠုၚ်တေံဂှ် သွဟ်ဍေံတိတ်မံၚ်တုဲတုဲရ…
တုဲပၠန် ဇဝ်တၟိ ချူလိက်ပရေၚ်ဏံဂှ်
ခံၚ်မံၚ်ကဵုဘာသာဗမာရ
လိက်ပရေၚ်ဘာသာဗမာလေဝ် ချူကၠုၚ်မံၚ်ရ ဆဂး
(ကျွန်ုပ်သည် များသောအားဖြၚ့်
ဆောင်းပါးများကို မြန်မာဘာသာဖြင့် ရေးသားရခြၚ်းကို နှစ်သက်
လေ့ရှိခဲ့သော်လည်း
ကျွန်ုပ်တို့ မွန်လူမျိုးများအား မွန်ဘာသာဖြင့်သာ
မွန်တို့၏ အရေးကို သိစေချင်သောစိတ်ရင်းဖြင့် ယခုကဲ့သို့
မွန်ဘာသာဖြင့်သာ ရေးသားရခြၚ်းဖြစ်သည်)
လတူနူ ဗှ်လိက်ဗမာတုဲ တီပရေၚ်မန်ဂှ်
ချူနဘာသာမန် ညးဗှ်လိက်မန်တုဲ
တီကေတ်ပရေၚ်မန်ဂှ်
သာတုဲ ဇြိုဟ်နက်ဂၠိုၚ်ဏောၚ်
စှ်ေစိုတ်ပေၚ်ၚ်တုဲ သ္ဒးချူပတိုန် ဗတ်မန်ဟေၚ်ရ....
ဂကူမန်လေဝ် ကၠေံကၠက်ကၠုၚ်မံၚ် သိုက်က်
လိက်မန်လေဝ် သှ်ေဆ ပ္ဍဲဘာလေံကျာ်ညိညဟေၚ်
လၟုဟ်မ္ဂး ထပ်ကၟဝ်ကၠုၚ် နူဘာကောန်ဂကူညိည
နူဂှ်မွဲကဆံၚ် နူဂကောံမှာဇန်တအ်
သုၚ်စောဲကၠုၚ်ပြဳပြဳ ၜိုန်ဒှ်ကီုလေဝ်
ဒၞဲါသုၚ်စောဲလိက်ဂၠိုၚ်အိုတ် လတူ Facebook ဂှ်
နလိက်ဗမာဟေၚ် မန်ပိုယ်ကေတ်မံၚ်ဂုဏ်စရာဲ ကေတ်မံၚ်ဒၞဲါတုဲ
ညးလေပ်လိက်မန်ပိုယ် ၜိုန်နွံမံၚ်အိုတ်ကီုလေဝ်
ဟွံဂွံဒၞဲါ ညးတအ်ဟွံသုၚ်စောဲ ဟွံချူအိုတ်ဂှ် ထေက်ကဵု ဒးအောန်စိုတ်ရ
ပိုယ်ဒးဒုက်ၚိတ်ကဠက်မံၚ် ဒးဒုၚ်လေၚ်ကၠုၚ်မံၚ် ဆဍုၚ်သၟးဟွံသေၚ်
သီုလိက်ပတ်လေဝ် ဒးဒုၚ်ၚိတ်မံၚ်သိုက်က်ယျဏောၚ်
ညးကၠိုဟ်ခၠၚ် ညးတီညာတ်တအ်
ၜိုန်ဂစာန်ရုန် ညံၚ်ဟွံဒုၚ်ၚိတ်အိုတ်ကီုလေဝ်
အလုံသၟတ်မန်ပိုယ်ဂှ်
မိပ်လဟိၚ်မံၚ်ကဵု ပေဲါသဘၚ်အိုတ်ဏောၚ်
လိက်ပတ်ဟီုဂှ် ၜိုတ်ဆအခိၚ်တိုန်စအခန်ကၞာညိညဟေၚ်
ညံၚ်မၞိဟ်ဂွံအထေၚ်ဇၞော်ဂှ်
ဗှ်လိက်မန်ညိ ချူလိက်မန်ညိ သာ်ဝွံ
ဟီုမြော်ကဵုပ္ဍဲလဒေါဝ်ဝိုၚ်ညိညဟေၚ်ရတုဲ
ကာလစိုပ်သ္ၚိ မံၚ်အာအတိုၚ်တြေံ
သုၚ်စောဲအာလိက်ဗမာ အတိုၚ်တြေံ
လ္ၚဵုညးကဆံၚ်သၠုၚ်တအ်
သုၚ်စောဲမံၚ် အေန်ကလိက်မွဲဘာသာဟေၚ်အိုတ်ရ
ရံၚ်ကဵုအကာဲအရာတ္ၚဲဏံမ္ဂး လိက်ပတ်မန်
ညံၚ်ဟွံဂွံဇၞော်မောဝ်တိုန်ဂှ် ဒးဒုၚ်ဍေက်လဝ် တၞုၚ်
ဒးဒုၚ်ပၠောန်လဝ်စိုတ်ဓာတ်တုဲတုဲမံၚ်ရဏောၚ်
တုဲပၠန် သၟတ်မန်တအ်လေဝ်
စိုတ်ဓာတ်ဂွံသ္ကာတ်မြဟ်
ဂွံဒုၚ်စေက်ကဵုဘဝ ဗီုသၟတ်ဂျပါန်တအ်ဂှ် လ္ပချပ်ဏီ
ကွာန်လဵုသဘၚ်နွံ
ဗီုလဵုဂွံကောံတုဲ ဂွံသုၚ်တၞးဘိၚ်
ဗီုလဵုဂွံသုၚ်ဂဥုဲချေံ ဗီုလဵုဂွံ လဟိၚ်ကဵု ice ဂဥုဲဝိဝိၚ်ဍာ်ကဠောံရောဂှ်
ပရောမိပ်လဟိၚ် ဝိဝိၚ်တအ်ဂှ်ဟေၚ်
ရေၚ်တပ်ကေတ်လဝ်ဒၞဲါ
အပ္ဍဲဂၞါက္ဍဟ်သၟတ် သီုမၞိဟ်ဇၞော်က္ဍိုပ်သ္ကိုပ်မန်ပိုယ်တအ်အိုတ်ဂှ်ရ…
သွက်မန်ဂွံတဴတက်
သွက်ဍုၚ်မန် မန်ဂွံပိုၚ်ပြဳဂှ် နွံဆ ပ္ဍဲဒွက်ဟေၚ်ရဏောၚ်…
မန်ပိုယ်မိပ်မံၚ်ကဵုဒွက်
“ဍုၚ်မတ္တမလေဝ် ဍုၚ်မန်ရ…”
“ဍုၚ်ဖာသီလေဝ် ဍုၚ်မန်ရ”
“ဟံသာဝတဳလေဝ် ဍုၚ်မန်ရ..”
သာ်ဝွံ ဒွက်ချူလဝ် ဒုၚ်သဇိုၚ်ကဵု ကာလအတိက်တေံဟေၚ်တုဲ
အခိၚ်လၟုဟ် ဒေသတအ်ဂှ်
ဒှ်မံၚ်ဗီုလဵုရောဂှ်လေဝ်
ထေက်ကဵုဒးလဴထ္ၜးကဵုသၟတ်မန်ပိုယ်ထေက်ကီုရောၚ်စှ်ေစိုတ်ရ…
သၟတ်မန်ပိုယ်
နူကဵုဘဝ ဒးလပအ်မံၚ် ဇာတ်အတိက်..
ဝၚ်အတိက်ဂှ် ၚုဟ်က္တဵုအိုတ်တုဲ..
နူဂဝၚ်ဂဥုဲၜူမာဲဏံ
ဗွဲမပြဟ် ကဵုဂွံတိတ်ဗၠးအိုတ်တုဲ
နကဵုပရေၚ်ပညာပစ္စုပ္ပန်ဏံ
ပညာဂတာပ်ခေတ်လၟုဟ်ဏံ
သွက်ဍုၚ်မန် တၚ်စၟဳအလုံကောန်ဂကူမန်မတွံဂး
“ဍုၚ်မန် မန်ညံၚ်ဂွံဖန်ဗဒှ်မာန်”
“ဟံသာဝတဳခေတ်တၟိမန်ပိုယ်”
ညံၚ်ဂွံဒက်ပတန်ကၠုၚ်မာန်ဂှ်…
ညးတၞဟ်ထေၚ်သောဲဟဍေံ
လိက်မန်ဂှ် ချူအိုတ်ညိ…
လတညးတၞဟ် ထေၚ်သောဲဟဍေံ
လိက်မန်ဂှ် ဗှ်အိုတ်ညိ…
ညးတၞဟ်ဟွံထေၚ်ဇၞော်ဟဍေံ
အရေဝ်မန်ဂှ် ဟီုအိုတ်ညိ…
ဇၟာပ်သၟတ်မန် လေပ်ပညာဟေၚ်
ဍုၚ်မန်သွက်မန်ဇေတ်တ်ဂှ်
သ္ဂောံဒက်ပတန်ကၠုၚ်မာန်ဂှ်ရ…
ပရေၚ်ပညာဂှ် ဍာံဍာံဇေတ်တ်
(နကဵုမအရေဝ်သၟးဟွံသေၚ်)
ကဵုဇြဟတ်အိုတ်ညိ…
ကတ်လ္ၚတ်အိုတ်ညိဂှ် မိက်ကဵုဏာသတိရ…
“နန်ဟံသာဝတဳတၟိ နအစောံပညာ ဒက်ပတန်မာန်မံၚ်ဏီ” ဂှ် လ္ပဝိုတ်အိုတ်ညိမန်…
ဗွဲမအဲပရဲဟေၚ်….