…ဗြဴတာန်…
၁။…ရုပ်သာ်ကျေဝ်လာဲ စိုတ်စၞဲါဒ္ဂေတ်တ္ၚံက်
ဂၠံက်ဂြိုဟ်တြုံကြမ် ဗ္ဇမ်ဍေံခိုဟ်လောန်
ကောန်တၟံတြုံတံ ဒးကြအ်ကဵုဍေံ
သၠေံတြုံစောန်ကွေံ ဍေံဂှ်ဗြဴတာန်။
၂။…မိပ်ကဵုကာမ တေဝ်ပၠလဝ်ရုပ်
မိက်လုပ်တိတ်မ္ဂး ဒးကဵုသြန်ဟေင်
စဳရေင်ဘဝ ဗက်ဗ္ဒလီဠာန်
ညံင်ဆာန်ကွေံကြာန် ဗြဴတာန်လီစ။
၃။…ဟိုတ်ရုပ်ကျေဝ်မွဲ ပ္ဍဲလာင်ဓာတ်ကျာ
ပ္တောံဏာဝုတ်မန် သၠေံသၠန်တြုံစုင်
ဒုင်ကဵုသြန်မာန် ဂလာန်ဍာတ်ကြောံ
ညံင်ထောံဟွံမာန် ဗြဴတာန်လီစၞာဲ။
၄။…ကျေဝ်ကဵုရူပါ ဝါစာဍာတ်ကွေံ
ဒ္ဂေတ်ဍေံပၠန်တွဵု ညံင်ကၠဵုဗ္တတ္ၚံက်
ၜိုန်လံက်မံင်ကၠေင် ထပှ်ဍေင်အိုတ်ပ္ညုင်
တပ်ကၠုင်ဟွံမာန် ဗြဴတာန်တၠရုပ်။
၅။…ဝင်ဍေံသဝ်သဝ် ပၞုက်လဝ်ကၠေံတုဲ
ဗက်ဟုဲဟာဲလီ ဂုဏ်လ္ၚီနွံကွေံ
ဍေံဟွံသ္ပကာ သွက်သာယျေန်ဟေၚ်
ရေင်တၠုင်စိုတ်ဂၠါန် ဗြဴတာန်လ္တူလာင်။
၆။…သစ္စဗြဴတာန် ဒုင်ဂွါန်သၟးရ
သစ္စဗြဴတာန် ရေင်ကာန်သၟးရ
သစ္စဗြဴတာန် ၜိုတ်ဠာန်ဓဝ်ရ
လၟုဟ်မှဂွံတီ လၞီဒှ်သ္ကံရဲ။