ဗဒါဲဍုၚ်ဂှ် ဍုၚ်ဇၞော်နွံမံၚ်မွဲ ဇြဟတ်ပၞာန်လေဝ်ဇၞော် ဨကရာဇ်ဇၞော်နွံမံၚ်မွဲတၠရ။
ဨကရာဇ်ဇၞော်ဂှ် ၜိုန်မိက်ဂွံသီဂိုၚ်ကေတ်ဍုၚ်ဍောတ်ဂှ်ကီုလေဝ် ဟိုတ်နူဨကရာဇ်ဍောတ်ဂှ် ဍိုဟ်ကေက်မံၚ် ဒးစိုတ်တုဲ ကဵုထောံအခေါၚ်အရာမွဲရ။
အခေါၚ်အရာသၟာန်သွဟ်ဂှ် ဝါတ်ဂါတ်ဗွဲမလောန်တုဲ သွက်ဨကရာဇ်ဍောတ်ဂှ် ကဵုထောံအခိၚ်မွဲသၞာံတုဲ ယဝ်သွဟ်ဟွံမာန်မ္ဂး ဒးဒုၚ်ဂစိုတ်ဏောၚ်ဂှ် ဟီုဂးလဝ်ရ။
*ဂလာန်သၟာန်ဂှ်
*ပ္ဍဲလောကဇၞော်ဏံ ဇၟာပ်မၞိဟ်ဗြဴတအ်
*အရာနွံပၟိက်အိုတ်ဂှ် မုရော?
ဂလာန်သၟာန်ဂှ် ဨကရာဇ်ဍောတ်ကဵုအမာတ်တၠပညာတအ် မဒှ်တၚ်ယှုက်ထုဲခက်ခုဲရ။
ညးလ္ၚဵုတအ်ဟီုမံၚ် ဂလာန်ဏံဂှ်ဂလာန်သၟာန်ဒှ်ဟွံမာန်ဂှ် ထေၚ်အိုတ်ရ။
ဆ္ဂး ပ္ဍဲပွိုၚ်မွဲသၞာံ သွက်ဂွံဂၠာဲသွဟ်ဂှ် ဨကရာဇ်ဍောတ် ဒုၚ်ကေတ်တဲရ။
မၞိဟ်ၜိုတ်နွံပ္ဍဲဍုၚ်ဍောတ်ဂှ် ကောန်သၟိၚ်ကောဒေံတအ် လကျာ်ဇၞော်တအ် အမာတ်တၠပညာတအ်ကီု သီုသေဏာပတိတအ် ကောန်ဍုၚ်ကွာန်တအ်ဟွံသှ်ေ ကော်ဘိက်သွက်ဂွံဂၠာဲသွဟ် ရုန်ဂ္စာန်ရ။
ဆ္ဂး သွဟ်ဂွံဍိုက်ပေၚ်ကဵုစိုတ်ဂှ် ဟွံဂွံကၠုၚ်ပုဟ်။
အိုတ်ကၞောတ်ဂှ် မၞိဟ်ဂမၠိုၚ်ပ္ဍဲဍုၚ်ဂှ်ဟီုမံၚ် ဂလာန်သၟာန်ဏံ ခမုဲၝောံဇၞော်ဗျုဂှ်မွဲဟေၚ် သွဟ်ဒးမာန်ဏောၚ်ဂှ် ဂရၚ်ဗ္တီရ။
ခမုဲၝောံဇၞော်ဂှ်လေဝ်
ဂလာန်ၚ္ၚုဟ်မးဇၞော်ဗွဲမလောန်ဂှ် အာတ်မိက်ကေတ်ရ။
တ္ၚဲဂွံကဵုသွဟ်ဂှ်လေဝ် ကြပ်ကၠုၚ်မံၚ်သိုက်က်ယျ
ခမုဲၝောံဇၞော်ဂှ်လေဝ် တၚ်ဍေံအာတ်မိက် ဗက်ကဵုကၠာမှ သွဟ်ကဵုမာန်ဏောၚ်ဂှ်ဂးရ။
တၚ်အာတ်မိက်ဂှ် "မိက်ဂွံထပ်တဲကဵုအမာတ်ဇၞော်ရ"
အမာတ်ဇၞော်ဂှ် ညးမဒှ်မၞိဟ်ဨကရာဇ်ဍောတ်ဂွံပတှ်ေစလေဝ်ဒှ် က္ဍိုပ်သ္ကိုပ်သရာဲသ္ဂံၚ်ဍုၚ်ကွာန်လေဝ်ဒှ်မံၚ်တုဲ
ဨကရာဇ်ဍောတ်ဂှ် ကၠိုက်ကၟဝ်ချီခတဝ်အာပအ် ခမုဲၝောံဂှ် ရုပ်လေဝ်ပရေံ ကၞိၚ်လေဝ်ကုန် ၚ္ၚေက်ပၠန်လေဝ် နွံမံၚ်ဂတဂှ်မွဲတၞုၚ်ဓဝ်
သၟူဇကုလေဝ်ပရေံလောန် ဟီုအရေဝ်ပၠန်လေဝ် ဇျာန်ဗ္ဒါန်
သွက်ဂွံထပ်တဲ ခမုဲၝောံဂှ်ကဵုအမာတ်ဇၞော်ဂှ် ဨကရာဇ်ဍောတ် ဒှ်အာတၚ်ခက်ခုဲပအ်
ဆ္ဂး အမာတ်ဇၞော်ဂှ် သွက်ဍုၚ်သွက်ဂကူဇကု ရံၚ်ကဵုကိစ္စဏံတှ်ေ သွက်ဇကုမုဟွံဒှ်ပုဟ် ဒုၚ်ကေတ်တဲဏောၚ်ဂှ် ဂရၚ်ဗ္တီကဵုဨကရာဇ်ဍောတ်ရ။
စီရေၚ်ဗြူ ပြေၚ်မ္ၚဵုထပ်တဲဂှ် တြးပရိုၚ်တုဲ ခမုဲၝောံဂှ် ကဵုသွဟ်ကဵုဨကရာဇ်ဍောတ်ရ။
"ပ္ဍဲလောကဇၞော်ဏံ ဇၟာပ်မၞိဟ်ဗြဴတအ် ဒဒှ်ဍာံ နွံပၟိက်အိုတ်ဂှ် ဘဝဍေံတအ် အတိုၚ်ပၟိက်စိုတ်ဍေံတအ် မိက်ဂွံစီရေၚ်ဗြူပြေၚ်စကေတ်တ်ရ"
ပ္ဍဲအခိၚ်ဂှ် ဂွံအာသွဟ်တုဲ ဨကရာဇ်ဇၞော်ဂှ်လေဝ် ဟွံသ္ပသၞကဵုဨကရာဇ်ဍောတ်တုဲ သ္ပမဟာမိတ်ရ။
အမာတ်ဇၞော်ဂှ်ထပ်တဲကဵုခမုဲၝောံဇၞော်ဂှ်တုဲယျတှ်ေ လုပ်ခန်တိက်ပအ် ဆ္ဂး လ္တူခန်တိက်ဂှ် သၟတ်ဗြဴမၞုံကဵုရုပ်သာ်ကျေဝ်ဂေါဝ်မွဲ ဂ္ဇံမံၚ်လ္တူခန်ဂှ် ဂွံဆဵုကေတ်တုဲ တၟေၚ်တၟဟ်အာပအ်
"မုဒှ်အာအိုတ်ရော သၟတ်ဗြဴ"
"ပ္ဍဲအခိၚ်ဆဵုကုပ်ကၠာအိုတ်ဂှ် ရုပ်သာ်ပပ်ပရေံမံၚ်ဖိုဟ် ဟိုတ်နူသ္ပခိုဟ် ဆက်ဆောံဍိုန်ဍောတ်မံၚ်တုဲ ဟိုတ်ဂှ်ရ သွက်ဟကု အဲကဵုအခေါၚ်အရာမွဲရ ရုပ်ခန္ဓကျေဝ်ဝ်ဏံဂှ် တ္ၚဲ ဟွံသေၚ်မ္ဂး ဗ္တံ အခိၚ်ဟကုဒးစိုတ်ဂှ် နကဵုရုပ်ကျေဝ်ဂေါဝ်မောဝ်ပ္ဍးဏံ ညံၚ်ဂွံဆဵုမာန် ဖန်ဗဒှ်ကဵုဏောၚ် အဲဖျေံလဝ်သ္ကုတ်သွာတ်ရ"
အမာတ်ဂှ် ချပ်တုဲ ဒးကဵုသွဟ်ရ။
အခိၚ်တ္ၚဲ ထ္ၜးကဵုမိတ်သဟာဲကျေဝ်ဝ်တုဲ အခိၚ်ဗ္တံတိက်ကဵုခမုဲၝောံဗျုဂှ်ဟာ ဟွံသေၚ်မ္ဂး တ္ၚဲထ္ၜးရုပ်ခမုဲၝောံဗျုဂှ်တုဲ အခိၚ်ဗ္တံတိက်နကဵုရုပ်ကျေဝ်ဝ်ဂှ်ဟာပအ်
#အမာတ်ဇၞော်ရုဲစှ်မုရောဂှ် လ္ပဆက်ဗှ်ဏီ
#ယဝ်ဒှ်မၞးတှ်ေ ရုဲစှ်ညဵုရော???
#ယဝ်ဒှ်အဲတှ်ေ ရုဲအခိၚ်ဗ္တံဏောၚ်😝
#လ္ပချပ်သ္ၚောဲဏး တ္ၚဲဍေံကျေဝ်တှ်ေ #ဂွိၚ်ဖေက်ညးတၞဟ်ဒးစိုတ်အာဏောၚ်😁
အမာတ်ဇၞော်ရုဲစှ်ကေတ်ဂှ်
"အတိုၚ်ပၟိက်စိုတ်ဗှ်ေရၝာဲ"
အခါမိၚ်ဒးအရေဝ်ဂှ်တုဲ သၟတ်ဗြဴဂှ် ဟီုဂးတိုန်အတိုၚ်သၟဝ်တေံရ
"ဇၟာပ်အခိၚ် မိက်ဂွံကဵုဟကုဆဵုမံၚ်နကဵုရုပ်ကျေဝ်ဝ်ဏံရ"
မုဟိုတ်ရောဟီုတှ်ေ ဘဝဍေံ အတိုၚ်ပၟိက်ဍေံဒးစိုတ် ဒၟာနူဂွံအခေါၚ်စီရေၚ်ဗြူပြေၚ်စကေတ်တ်ဂှ်ရ…
တၚ်အဓိကပုံဏံဂှ် မုရော?????
သၟတ်ဗြဴမၞးတအ်လေဝ် ဘဝဍေံတအ် အတိုၚ်ပၟိက်စိုတ်ဍေံတအ် ဟွံဂွံစီရေၚ်ဗြူပြေၚ်မ္ဂး……
ဘဝမၞးတအ်လေဝ် တ္ၚဲဟွံသေၚ်ဗ္တံ ကျေဝ်သာယျာဟွံမာန်ပုဟ်။
ဗညာလာဲ(ကၟာမဵု)