ယၟုဘာသာမန်
✯✯✯ ✯✯✯
လဴပူစဒဒှ်ဍာံ ပရူပရာ ယၟုဘာသာမန်ညိ
မန်ဗွဲမဂၠိုင်ဂှ် စွံမံင်ကီုရ ယၟုဘာသာမန်
ဆဂးဟွံလုပ်သၞောဝ် ဟွံလုပ်ဝိုင်ရ၊
မုဟိုတ်ဂွံဟီုဗီုဏအ်ရောဟီုမ္ဂး ဠကောန်ၚာ်ဂှ်စိုပ်အဝဲမံင်ဘာ အာအပ်ဘာအလဵုသဳ ယၟုစွံလဝ်ဘာသာမန်ဂှ် ဟွံကဵုအိုတ်ရ ကဵုလဝ်ယၟုဘာသာဗၟာလေဝ်နွံတုဲ စရင်မံင်ဘာဂှ် ယၟုဘာသာဗၟာရလုပ်အာတုဲ ယၟုဘာသာမန်ဂှ် ဒှ်အာအယာံမာတ် ဆၜိုတ်ကော်ဝေင်ပ္ဍဲကၟိန်သ္ၚိဇကုရ၊
ဣဏအ်ဟွံဆေင်ကဵုအလဵုသဳ ဟွံဆေင်ကဵုအ္စာၝောံ၊ ဆေင်စပ်ကဵုယာဲအပါကောန်ၚာ်ရ ၊ ဆဂးအ္စာၝောံလ္ၚဵုမ္ဂး ဍေံစကာတင်စွံယၟုဘာသာဗၟာအတေင်လေဝ်နွံ ဍေံဟီုကၠုင်ကော်ဝါတ်ကွေံ စွံကဵုဘာသာဗၟာညိ ဗီုဗီုဏအ်လေဝ်ဆဵုဂဗကၠုင်နွံရ၊ ဆဂးဗီုလဵုဟီုဟီုအဓိကဍေံဂှ် တန်တဴကဵုမိမကောန်ၚာ်မန်ပိုဲရ၊ အဓိကတင်ပၟိက်ဇၞော်အိုတ်ဂှ်တှ်ေ အဲမိက်ဂွံကဵုသတိကဵုမိမကောန်ၚာ်မန်မွဲဂှ်တှ်ေ ကောန်ၚာ်မွဲမွဲသၠးကၠုင်ဂဝ်ဂၞဴမိယာဲတုဲမ္ဂး ဒးကၠောန်တၞးလိက်စၟတ်သမ္တီ တ္ၚဲက္တဵုဒှ်မၞိဟ်ဇၟာပ်ကောန်ၚာ်က္တဵုဒှ်မၞိဟ်တၟိ ဒးကၠောန် တၞးစၟတ်သမ္တီဖအိုတ်တုဲ ဨပ္ဍဲကဵုကၠောန်တၞးစၟတ်သမ္တီဂှ် အဓိကဍေံယၟုကောန်ၚာ်ရ၊ ပိုဲတင်စွံလဝ်ယၟုကောန်ပိုဲနကဵုဘာသာမန်ဂှ် ညံင်ဂွံပါလုပ်ပ္ဍဲတၞးစၟတ်သမ္တီတ္ၚဲဒှ်မၞိဟ်ဂှ် ကိစ္စဇၞော်မံင်ကွေံကွေံရ မုကိစ္စဇၞော်ဗီုလဵုဟီုမ္ဂး ဠအခိင်ကောန်ၚာ်စိုပ်အဝဲမံင်ဘာ ဒးအပ်ဘာအလဵုသဳတေံမ္ဂး အဓိက ဍေံဒုင်စပ္ဍဲစရင်တၞးစၟတ်သမ္တီတ္ၚဲဒှ်မၞိဟ်ကောန်ၚာ်ဂှ်ရ ဍေံကေတ်စ ယၟုမံင်ဘာ၊ ဟီုဗဒှ်ကေတ်လဝ်ဟွံသေင်ကီုရ နတဲနဇိုင် နမတ်ဂဗကၠုင်လဝ်ရ ကၠာအဲဟွံဂွံတိတ်ဍုင်မ္ၚး အာအပ်ဘာကောန်ဝုတ်မၞုံယၟု မိကျေဝ်ဂေါဝ်ဆာန် စိုပ်အတေံဠအ္စာၝောံချူဂှ်ယၟုဂှ် ဍေံရံင်ဗက်အတိုင်ပ္ဍဲတၞးစရင်ဒှ်မၞိဟ်ဂှ်ရ ဍေံဂၠာဲဂၠာန် ဍေံဟီု(ခေါ်ရခက်တယ် မိကျဲဂိုချမ်းက) ဗမာနာမည်မရှိဘူးလား ဂးကၠုင် ဨဒၞာဲဏအ်တန်တဴကဵုမိမကောန်ၚာ်မန်ပိုဲရ လ္ပညှာစိုတ်ဍေံ လ္ပဖေက်ဍေံဒးဟီုဂံင်ဂံင် အဲဟီုကဵုဍေံ မွန်နာမည်ပဲရှိပါတယ်၊ ဍာံဍာံတေံဂကူမွဲမွဲဂကူဏအ် အခေါင်အရာမင်မွဲဘာသာမိဇကုဂှ် နွံမံင်ပေင်ပေင်ရ ဍေံဒးချူကဵုဟေင်ရ အလန်လက္ကရဴအိုတ်မိက်ဂွံဟီုကဵုကောန်ဂကူမန်ပိုဲတှ်ေ မိင်ယၟုဂွံတီဂကူ တင်စွံကဵုယၟုကောန်ၚာ်ဘာသာမန်ဂံင်ဂံင်သ္ကာသ္ကာညိ ယၟုကောန်ၚာ်ဍေံဒးဒှ်မွဲဓဝ်ဟေင်တုဲ၊ ညံင်ဂွံလုပ်သၞောဝ် ညံင်ဂွံလုပ်ဝိုင်ဂှ် ဇၟာပ်မိမကောန်ၚာ်မန်ကေတ်တာလျိုင်ညိဂှ် ဗွဲမရှ်ေသှ်ေရဴဂဴဆဝ်မ္ၚုဟ်ဏာရအဴ…
သိုက်လွဳ ဟံသာဝတဳ
No comments:
Post a Comment