တမ်လှုဲဟွံမွဲ...မွဲသာ် ဗီုလဵုဂွံကၠောန်ပိုန်ဂြပ်ရော?
(ဝါ) နကဵုတမ်လှုဲညိညိ ဗီုလဵုစကၠောန်ပိုန်ဂြပ်ဂွံရော?
အကြာမွဲၜါတ္ၚဲဏအ် အဲဟီုပါ်ပရအ် ပရေၚ်ပိုန်ဂြပ်ဂၠိုၚ်တုဲ...
မၞိဟ်တအ်ကၠုၚ်သၟာန်လဝ် ပ္ဍဲ Comment လေဝ်နွံ ပ္ဍဲ Chatbox လေဝ် နွံရ။
လ္ၚဵုဟီု လှုဲညးတအ် နွံၜိုတ်ဏအ်..
ဆဂး...မုကမၠောန် ဂွံစကၠောန်ရောဟွံတီ။
လ္ၚဵုဂး...ခေတ်လၟုဟ် စဴကွာန်တုဲ မိက်ဂွံကၠောန်စမံၚ်ရ...ဆဂး မုဂွံကၠောန်စရောဟွံတီ...
မပ္တံသာ်ဝွံ...သၟာန်ကၠုၚ်လဝ် နွံတုဲ အဲမိက်ဂွံပါ်ပရအ်ဏာ တၚ်ဂၞၚ် ညိညဇြိုၚ်သာရ။
ဆဂး ယဝ်ရ ညးမွဲ ဟေၚ် အဲဒးဘိုၚ်သဳကၠဳကဵုတှ်ေ...
သွက်ပရေၚ်ပိုန်ဂြပ်ညး Business Idea ဂှ်
ပွိုၚ် ၂ နာဍဳ၊ ဓဇက်အစဳဇန် ပရေၚ်ပိုန်ဂြပ်
ပလေဝ်ပလေတ်၊ နယ်ကယ်တအ်ဂှ်
တန်တဴကဵု ဂကူကမၠောန်တုဲ
ဟိုတ်နူ ဒးကဵုလဝ် အခိၚ်ကမၠောန်အဲ
ဒးသုၚ်စောဲလဝ် ဗဟုသုတ တၚ်ဂၞၚ် အဲပကောံပကေဝ်လဝ်
ဂၠိုၚ်ကဵု စှ်ေသၞာံဂှ်ရ ၚုဟ်မး
အကြာ ၅ ကိုဋ်ကဵု ၁၀ ကိုဋ် အဲဒးကေတ်ရ။
လၟုဟ် ပါ်ပရအ်လတူလိုၚ်
တၚ်ဂၞၚ် ဗွဲသာမညတအ်ရ။
....
အဲပတေဟ်လဝ်ဂှ်တှ်ေ ကၠောန်ပရေၚ်ပိုန်ဂြပ်
သီုဟွံဒးစေက်တမ်လှုဲမွဲသာ် ကၠောန်ဂွံမံၚ်ရောၚ်ဂှ်ရ...
နနယ်သာ်ဂှ်ဟေၚ် အဲကၠောန်ကၠုၚ်တုဲ..
ဒှ်မံၚ်ကမၠောန်တၟာဂလိုၚ်ရ။
မန်ပိုယ်တအ် ..
ကၠောန်ကမၠောန်ပရေၚ်ပိုန်ဂြပ်မွဲမွဲတှ်ေ...ကသပ်ညးတအ် ချပ်ကၠာအိုတ်ဂှ်...
ဒးကေတ် လှုဲတမ် မူစိရော?
ညအ်ဂှ် ညးတအ်ချပ်ကၠာအိုတ်ရ။
ဍာံဍာံတေံ သြန်တမ်ဟီုဂှ် ဒးချပ် လက္ကရဴအိုတ်ရောၚ်။
လ္ၚဵုဂှ် ကမၠောန်ဂကူဂှ် မိက်ဂွံကၠောန်မံၚ် ဆဂး လှုဲဟွံမွဲတုဲ...ကၠောန်ဟွံမာန်ဂး...
တော်ကဵု မၞိဟ်သာမ ကောန်ယာဲတ လှုဲလှာ်နွံတှ်ေ ကသပ်တအ်ဏအ် ဒးမံၚ်ရ။
ကၠောန်မွဲမွဲတှ်ေ ယာဲတဍေံတအ် ပတိတ်ကဵု တမ်။ လၟိဟ်ကဵု ၁၀၀ ကိုဋ်လေဝ်နွံ။ ၅၀၀ ကိုဋ်လေဝ် ။ လ္ၚဵု ၁၀၀၀ လ္ၚီကိုဋ်။ လ္ၚဵု ၜါလ္ၚီကိုဋ်..တန်တဴကဵု ဇြဟတ်သြန် ယာဲတတုဲ... ဗီုညးကဵုညး ပတိတ်ကဵုတုဲ ကောန်ဇာတ်ညးတအ် ညံၚ်သ္ဂောံ ဒှ်ပရေၚ်ပိုန်ဂြပ်ဂှ် ဗဝ်ကဵု တမ်။ စုတ်ကဵုဝဲါ။ စဝ်ကဵုဍာ်ထဝ် ဍာ်သြန်အိုတ်ရ။
ညအ် အဲလဴမံၚ်ဏအ်ဂှ် သွက်ရဲကောန်ယာဲတ ဒှ်မံၚ်သေဋ္ဌဳဟွံသေၚ်...
မၞိဟ်ဗီုပိုယ်....ယာဲတရောဟွံမွဲ..
လ္ၚဵု ယာဲတနွံပၠန်လေဝ်...ကဵုလှုဲဟွံမာန်..
ညးဂွံထံက်ပၚ်ဇကုဂှ် လ္ပဟီုဏီ ဇကုဂှ် ဒးကလေၚ်ထံက်မံၚ် စရိတ်စ၊ စရိတ်ဂဥုဲသွက်ညးတအ်ဏီ...
အကြာစ အကြာသုၚ်..အကြာထံက်ပၚ်ယာဲတဂှ်...
မိက်ဂွံ စကၠောန်ကမၠောန် ဂှ်ရ...
ပကောံပကေဝ်လဝ် လှုဲနွံ မွဲၜဲ မွဲမူ
ဆဂး ယဝ်ရ က္တဵုကၠောန်ပၠန်လေဝ်..
ဂွိၚ်ဖေက် လှုဲညိညဂှ် အိုတ်အာ...
က္တဵုကၠောန်ပၠန်လေဝ် မုဂွံကၠောန်ရော ကေတ်ဟွံဒးမ္ဂး...
ဆက်ဗှ်....ညိ။
😊😊😊
ယဝ်ရ ဝေၚ်ဟီု ပရောသြန်တမ်တှ်ေ...မၞိဟ်ဗီုပိုယ် ဒးဍောတ်စိုတ်သၟးရ။
မုဂွံက္တဵုကၠောန်ရောကေတ်ဟွံဒးသၟးရ။
သြန်တမ်ဟီုဂှ် ပၟိက်ဟွံဇၞော်ဟွံသေၚ်...ပၟိက်ဇၞော်မံၚ်မွဲကဏ္ဍကီုရ..
ဆဂး...
ၜိုတ်နွံကဵုနွံ...မုအစောန်နွံပ္ဍဲပိုယ်...
မုဍာ်ဒကေဝ်နွံပ္ဍဲပိုယ် ...
မုဝါသနာ နွံပ္ဍဲပိုယ်..
မုဗဟုသုတ နွံပ္ဍဲပိုယ်
မုအဆက်အဆေန် နွံပ္ဍဲပိုယ်...
မပ္တံသာ်ဝွံ...အရာဟွံမွဲဂှ် လ္ပချပ် လ္ပဂွိၚ်တုဲ...
အရာနွံပ္ဍဲသကေမ်တဲဇကုဂှ်ဟေၚ်...
ဒးချပ်ပတိတ်တုဲ ဒးလးအစဳဇန် ဂၠံၚ်တရဴ ပရေၚ်ပိုန်ဂြပ်ဇကုထေက်ရ။
ယဝ်ရ ညးဗှ်လိက်ဏအ် ကေၚ်ကၠောန်လဝ် ကမၠောန်စုၚ်မ္ဂး..
ပရေၚ်ဆဵုဂဗ နူကမၠောန်ဂှ် သုၚ်စောဲတုဲ
ကၠောန်ပရေၚ်ပိုန်ဂြပ် ဂွံမံၚ်ကီုရ။
လ္ၚဵုပၠန် သ္ကအ်ရဲဇကု ကၠောန်မံၚ် သွာၚ်ဏအ်..ဇကု အာကေတ်ကသပ် နူဍေံတအ်တုဲ...ဍေံတအ်ကဵုကသပ် သီုကဵုနၚ်အဆက် (လှုဲလ္ပအာကေတ်ဏး ကေတ်ကသပ်သၟးညိ။ နယ်ကယ် ဂၠဲါကဂှ် ကေတ်ညိ။ ကဂှ် လ္ပအာ အာတ်ပ္ဍဲဍေံတအ်ညိ။ ဍေံတအ် ထေၚ်သောဲဇကုလေပ်မံၚ်) ရ။
ယဝ်ရ ဒးဟီုကဵု ပရေၚ်ဆဵုဂဗမ္ဂး..
အဲ နူအာယုက် ၇ သၞာံ သ္ပကွးဘာလကျာ် စှေ်ပိဏ္ဍပါတ် ဗက်လက္ကရဴထပိုယ်... ဆဵုဂဗကၠုၚ် ပရေၚ်ဆေၚ်ဖျာ ပ္ဍဲဗဂေါ..(ဘာကျာ်ဓဝ်သၚ် အရာပ်မှဝ်ကာန်)
ဗွဲကြဴ လိၚ်ၜှ်ၜဲ (မွဲန ၁၅ ဒကေဝ်၊ တ္ၚဲကာတ်။ ဆဂး ကၠောန်မိပ်) အဃောဂှ် အာယုက် ၜိုတ် ၉ သၞာံ)
ကမၠောန်တိုၚ် ပ္ဍဲသ္ၚိဂှ်သွံဖျာ။ ယဵုသွံဇဳယာ၊ ၜိုၚ်ရာဲ၊ ၜိုၚ်ဓလဲ ဂေတ်ကြေဝ်အရာပ် စဳပျးမန်၊ နူ ၉ ဂၠံၚ် အုမ်လတူ အုမ်သၟဝ် စဵုကဵု ဂၠံၚ် ၁၊ ၂ အရာပ် ယှိုဲဘုမ်သေအ် တေံရ။
ပ္ဍဲပရေၚ်ဆဵုဂဗဏအ် သွံဖျာဟီုဂှ် အရာဟွံဒးဂွရောၚ်ဂှ် ဂွံတီကေတ်ရ။
ဆဂး စိုပ်အာယုက် ၁၄ သၞာံ ။ အာကြေဝ် ယဵုသွံဂစေပ် ပ္ဍဲအရာဗၟာ အေန်ဝေန်(အၚ်းဝၚ်ရပ်ကွက်) ဂှ် သ္ကအ်ရဲ ကော်တုဲ ဍေံတ္ၚက်ကဵုအဲရ။
စနူတ္ၚဲဂှ်တုဲ ဇၟာပ် အာသွံဂစေပ်ဂှ် ပဲါဓလေတ် ဂၠံၚ်သ္ၚိ ရဲနွံဂှ်ရ။ (ဟိုတ်နူ ဒှ်ဗၠာဲ ဂွတိုန်ညိရောၚ်ထေၚ်)
🌺
စိုပ်အခိၚ်ကညၚ် ဘာကၟာတ်မ္ဂး အာဆေၚ် ဍာ်လက်ဖက် ပ္ဍဲလှေဝ်ကူ (လှည်းကူးမြို့) ဘိုင်သွံကဵု ဍာ်လက်ဖက် ဆေၚ်ကြုက်။
က္တဵုဂယးပြဟ် ၄ နာဍဳ။ ဗဒှ်ပၟတ်။ ဖုဲဂျုၚ်၊ ရေက်လသိုဏ်။ ကၠောန် ပဴဇြဳ။ ဘိုၚ်ကၠောန်ကဵု အ္စာကွာၚ်။ ဘိုၚ်ပလေဝ်ဆေၚ်။ ကၠောန်ကၠုၚ် Waiter ပ္ဍဲဆေၚ်ဍာ်လက်ဖက် ဗၞတ် ၂ သၞာံ။
ဗွဲကြဴ စိုပ်အာ ဥက္ကလာပ သၟဝ်ကျာ အာကၠောန်ပ္ဍဲဆေၚ်အရက် ဗၞတ် ၂ သၞာံပၠန်...
ပ္ဍဲဂှ် ဂွံတီ အဇေဟ် သၟာအိက်အရက်။
ဗီုလဵု ဗြဴညးတအ် ဒးစံၚ်တူ (ဟိုတ်နူ တြုံဇကုသုၚ်အရက်)
မဂဳမွဲဂှ် ဗက်ကၠုၚ်ဆေၚ်အရၚ်တုဲ ထေဲကဵုတြုံညး ကေတ်ပဠၚ်အရက်တုဲ ညးၜုၚ်စုတ် က္ဍိုပ်ညးပၠန်..ဆီဇွောဝ်စှ်ေမံၚ်တော်တော်ရ။
ဆဂး လဓဳဂှ် ဗၜူမံၚ်တုဲ မုရောဟွံဟီုကဵု မဂဳဂှ်...
အဲညာတ်ဒးညအ်တုဲ..
ကမၠောန်သုၚ်အရက်ဏအ်... ကဵုဒဒိုက်ကဵု မဂဳဇကု ပွံၚ်ဇကုဆာန်လေပ်မံၚ်သွံဂှ် တီတုဲ စဵုကဵုလၟုဟ် ဟွံသုၚ်အရက်ဂှ် ဟိုတ်နူ ကေၚ်ကၠောန်လဝ် ပ္ဍဲဆေၚ်အရပ်ပါလေဝ် ဒှ်မာန်ရ။
ပ္ဍဲဆေၚ်အရက်ဂှ်ပၠန်... ဗီုဗြဴစရာဲဍုၚ်နွံရ။ ညးတအ် ကော်တှ်ေ အာတိက်ကဵု ကရောံမၞိဟ်တြုံတအ်ဂှ်ရ။
ဆဂး ၝဲတအ်ဂှ် ဇကု မံၚ်ကရောံညးတအ်မွဲစွံဂှ်ရ
ဒဒိုက်သ္ၚိဌာန်ညး တီကၠိုဟ်မံၚ်တုဲ
ဟွံမိက်ထေၚ်သောဲညးတအ်ရ။
စနူတ္ၚဲဂှ်တုဲ ..
မၞိဟ်ဗြဴမွဲမွဲ အာတိက်ကဵု မၞိဟ်တြုံမွဲမွဲ
နကဵု လှုဲ။ ကေတ်လှုဲတုဲတိက်တှ်ေ..
လက္ကရဴဍေံ မုပြသနာနွံမံၚ်ရောဂှ်အဲ အဲချပ်လေပ်ရ။
ဂွံထေၚ်သောဲ မၞိဟ်ဗြဴဂှ် လွာဲဂှ် အဲဟွံသ္ပရ မုဟိုတ်ရောမ္ဂး
ဟိုတ်နူ ကေၚ်ဆဵုဂဗကၠုၚ် ၝဲတအ် ဒဒိုက်သ္ၚိညးတအ် ဟိုတ်နူ ဇကုတီဟေၚ်ရ။
ဗဒဲါဆေၚ်အရက်ဂှ် ဆေၚ်ခေပ်သော်နွံတုဲ..
နပုံလိၚ် (Gay) တအ် ကၠုၚ်ကောံမံၚ်ဇၟာပ်တ္ၚဲရ။
တုဲ မအရေဝ်ဍေံတအ်ဟီုဂှ် ဒးမိၚ်မံၚ်ဇၟာပ်တ္ၚဲဂှ်ရ
လၟုဟ် ညာတ် နပုံလိၚ်(Gay) မ္ဂး အဲပဲါသၟးရဂၠိုၚ်..
မုဟိုတ်ရောတှ်ေ...အဇေဟ်ဍေံတအ် ဟိုတ်နူတီဂှ်ရ။
လ္ၚဵု ၜိုန်ရ ဒှ်နပုံလိၚ် (Gay )ကီုလေဝ် မံၚ်စသောၚ်မံၚ်။
မိက်ကဵုဒှ် မၞိဟ်ဂကူဂှ်ရ...အခေါၚ်အရာဇကုမိက်ဂွံဒှ် နပုံလိၚ်ဂှ်
တန်တဴကဵု ပၟိက်စိုတ်ဇကုကီုလေဝ်..
ဇၟာပ်ပ်ဆဵုမၞိဟ်တြုံ ချပ်မံၚ်ပရေၚ်ဆက်ဆောံကာမ။ ပရေၚ်တောဲ ပရေၚ်ဒးစိုတ်သၟးမ္ဂး ဇကု ကဆံၚ်သဝ်စှ်ေအာမာန်ရ။
တုဲပၠန်..လဓဳ
တၠဆေၚ်ဂှ် ဂလာစာတ်။ အပါညးဂှ် ဂလာဟိန္ဒူ၊ မိညးဂှ် ဗၟာ၊ ဇာတိ နူဍုၚ်ဗဂေါ။
အခိၚ်ဗတမ်ပိုယ် ရဲ waiter. ပိပန်တၠ အခိၚ်ညးပၟဝ်ဓဝ် မ္ဂး..ဒးလွာ်ကဵု ပၞိက်သ္ကဲဂှ်ရ။
ယွံ တၠဆေၚ်အရက် ပၟဝ်ဓဝ် အခိၚ်ဗတမ်ရ😊😊😊
မိက်ဂွံတီမုဟိုတ်ရောတှ်ေ...ဗွဲကြဴလဴကဵုပၠန်..
ပရေၚ်ဒဒိုက်ဘဝညး ညးဟီုလဴထၜးမံၚ် ဇၟာပ်ဗတမ်။
ပရေၚ် အပါညး ချိုတ်တုဲ ဗီုကောဒေံညးတအ် ဒးကၠောန်ဗစကၠုၚ်မိညး။
အခိၚ်ဂှ် မိညး ဒှ်မံၚ်ယဲကျာတုဲ ဒးထၜၚ် ဏာနၚ်မံၚ်ရ။
🍀
စိုပ်အနေၚ် ပိုယ်လိၚ် သံက်သတ်ဗြဲ ဂွံစရိတ်ဗဵုဗဳဒဳယော။
နွံဗဂေါလေဝ် ဘိုၚ်ပတမ်မ။ ဘိုၚ် ရတ်သြောံ။ ယိုက်သြောံလိုၚ်
နွံအနေၚ် ဘိုၚ်တိုဝ်ခၞေဝ် စုၚ်
ဘိုၚ်ပတမ်မ။ ပ္ဍဲဝါကြေၚ်။
ဗွဲကြဴ သ္ပလကျာ် ထပိုယ် ၆ ဝှ် လကျာ် ၅ ဝှ် မံၚ်ထောံပ္ဍဲဘာ စပုၚ်ဘာ ဗၞတ် ၁၁ သၞာံရ။
...
ဗွဲကြဴ ရာမ်နူလကျာ်...
ကၠာဲလိက် အေန်ကလိက် ဗၟာ
ဗွဲကြဴ ဒှ်အ္စာပရိုၚ် (မွဲသၞာံဘာ်)
ရဲကုတ်ဆက်ဗဳဒဳယော၊ ပလေဝ်ဗီု၊ ရဲတက်လိက်
ဒှ်ညးကၠာဲအရေဝ် Interpreter / Translator နဒဒှ် Freelancer ကၠောန်ကၠုၚ် သၞာံဗွဲမလအ်ရ။
အ္စာဗတောန်အေန်ကလိက်
အ္စာဗတောန်လိက်မန်
အ္စာပတိတ်လိက်အုပ်
သွံလိက်အုပ်
လၟုဟ် ပံက်ဘာ တန်ဗတောန်သၠုၚ်ဍာ်ဒကေဝ် ကွတ်ဂယိုၚ်လမျီု၊ ဘာသာမန် ၊ English and Computer မာန်ကၠုၚ်။
...
ပ္ဍဲကဵု ကမၠောန်အဲစကၠုၚ်ဂှ် ဒးစေက်လဝ် တမ် လှုဲ ဗၞတ်ကဵု ၁၀၀ ကိုဋ် မွဲရောဟွံမွဲရ။
ဒုၚ်သဇိုၚ်ကဵု ဍာ်ဒကေဝ်၊ ပရေၚ်ဆဵုဂဗတုဲဟေၚ် ကၠောန်ကၠုၚ်ရ။
ပ္ဍဲအရာ ပရေၚ်ပိုန်ဂြပ် ပိုယ်ဒးတီလဝ် ကၠာအိုတ်ဂှ်...
🌺
မုမၞိဟ်တအ် ဒးဆဵုဂဗမံၚ် တၚ်ခုက်ခုဲအိုတ်ရော..
ပၞောဝ်ကဵု တၚ်ခက်ခုဲ မၞိဟ်တအ် ဆဵုဂဗမံၚ်တအ်ဂှ် သွာၚ်လဵု အဲကၠောန် ဘိုၚ်ရီုဗၚ်ကဵုမာန်ရော...?
ဂွံရီုဗၚ်မာန်...ပ္ဍဲအဲ ဍာ်ဒကေဝ် ဂကူလဵုနွံ..
အဆက်အဆေန်အဲ မုနွံ
ကဵုညးလဵု အဲဒဒှေ်ဒယှ်ဍုက်ကေဝ်လဝ်
ဆေၚ်စပ်ကဵုသွာၚ်ဏအ်တုဲ မုအဲကၠောန်လေပ်
ကမၠောန်အဲ ကၠောန်မံၚ်လၟုဟ်ဏအ် ဗီုလဵုဆက်စပ်မံၚ်ကဵု ပြသနာ မၞိဟ်ဒးဆဵုမံၚ် လၟုဟ်ဏအ်ရော?
မပ္တံသာ်ဏအ် မဒးသ္ၚဳဂၠိပ် ဇကုဇကုကၠာရ။
ယဝ်ရ ညးဗှ်လိက်ဏအ် အဃောကၠောန်မံၚ် ကမၠောန် ပ္ဍဲဌာနမွဲမွဲသာ်မ္ဂး...
သွက်ဂွံစကၠောန်ကမၠောန်ဇကုဂှ် ဟွံဒးတိတ်နူ ကမၠောန်တအ်ဂှ်ရ...
ဗဟုသုတ၊ ဍာ်ဒကေဝ် ၊ ပရေၚ်ဆက်ဆောံ။ နယ်ကယ်ကၠောန်၊ အဆက်အဆက်. ဗီုလဵု ပလံၚ်ဗစိုပ်ကပေါတ်၊ ဗီုလဵုသ္ဂောံ ရာန်ဗၞိက် အပြောံဍေံ၊ ဂၠံၚ်ဍာန်လဵု ကေတ်တှ်ေ ဒးၚုဟ်သာ၊ ဗီုလဵုကၠောန်တှ်ေ သီုဂွံပြဟ် သီုဂွံဂၠိုၚ်...
ရဴဝွံ အဃောအခိၚ်သၠး နူ ကမၠောန်ဇကုလၟုဟ်ဂှ် ပလေဝ်ပလေတ်အာသိုက်သိုက်ဂွံရ။
ပိုန်ဂြပ်ဟီုဂှ် တ္ၚဲဏအ်ကၠောန် ယးတေံ တောတက်ဟွံသေၚ်..
ဂိတုဏအ်စကၠောန် ၜါပိဂိတု တောတက်အာဟွံသေၚ်..
သၞာံဏအ်ကၠောန် ယးသၞာံ ဒှ်အာ သေဋ္ဌဳဟွံသေၚ်....
ဒးကၠောန်
ဒးကတ်လ္ၚတ်
ဒးကေတ်အာ ပရေၚ်ဆဵုဂဗ
အကြာ ၃ သၞာံ ၅ သၞာံတုဲ
အကြ ၅ သၞာံဂှ် ဇကုဒုၚ်ခဳမာန်
ဇၟာပ် တၚ်ခက်ခုဲ ပြသနာ မွဲမွဲသာ် က္တဵုဒှ်ကၠုၚ် ဇကု ဂံၚ်သောၚ်ကလး မာန်ဟေၚ်...
ပ္ဍဲဇကုဓဝ် ပတေဟ် ဂၠိုၚ်တိုန်တုဲ ဂံၚ်ကၠောန်ကၠုၚ်သိုက်က်ရ။
သတ္တိ ကေုာံ ဓဝ်ပတှေ်တအ်ဂှ် ဍေံကၠုၚ်နူ ကမၠောန်သောဲသောဲဗြောဲဗြောဲ ဇကုကၠောန်တအ်ရ၊
"Confidence comes from Conpetence"
ကမၠောန်လ္ၚဵု ဒးကေတ်သြန်ရောၚ် ဟီုကီုလေဝ်
ဗွဲမဂၠိုၚ်ဂှ် ဒးကေတ် ပရေၚ်ဆဵုဂဗ
ဒးကေတ် ပရေၚ်ကတ်လ္ၚတ်
ဒးကေတ် ပရိသာတ်
ဒးကေတ် မိတ်သဟာဲ
လ္ၚဵု ဒးကေတ် ဝါသနာ
လ္ၚဵု ဒးကေတ် ဝဳရိယ (ဂၠိုၚ်နူညးတၞဟ်)
လ္ၚဵု ဒးကေတ်ကွတ်
သာ်ဝွံ နွံစုၚ် ဗီုပြၚ်စုၚ်ရ။
ကမၠောန်ဇကုချပ်လဝ် မုဒးကေတ်ရောဂှ် ဒးဇကု ဒးချူဖျေံ ဒးဓဇက် အစဳဇန်ထေက်ရ။
🍀
🍀
🍀
နူအဲ ခၞါသွံစဗြာတ်တေံဂှ်
ဂွံနၚ်စိုတ်ဓာတ်ကၠောန်ကမၠောန် နူ ဂကူ ဝဳယေတ်နာမ်တအ်ရ။
ဗက်အာ လကျာ်တွံဓဝ် ဝဳယေတ်နာမ်၊၊
ညးတွံဗတ်မန် အဲကၠာဲဗတ်အေန်ကလိက်။
ဆဂး အခိၚ်လကျာ်တအ် ဇူတှ်ေ အဲအာတက်ကျာကဵု သေဋ္ဌဳဝဳယေတ်နာမ် ညးမဒှ် ဒါယကာ လကျာ်ဂှ်ရ။
အပ္ဍဲပွိုၚ် ၁၃ တ္ၚဲဂှ် ညးအာတွံဓဝ် ဍုၚ်ဇဳ ၜဳကၠောံ အလုံ ဍုၚ်ဝဳယေတ်နာမ်. ဒါနၚ်၊ ညာကျၚ်၊ ဟိုဝ်ချဳမေန်၊ ဟူခွော်။ မပ္တံသာ်ဏအ် အာစုၚ်ဂှ်ရ အဲလေဝ် ဂွံလ္ၚတ်အာ ပရေၚ်ပိုန်ဂြပ် ဂကူဝဳယေတ်နာမ်တအ်ရ။
ဗွဲကြဴစဴနူဂှ်..
စၟယဲ...မိက်ဂွံကၠောန်ပိုန်ဂြပ်ဂှ် က္ဍၚ်ကၠုၚ်ရ။
ဟိုတ်ဂှ်ရ ဗက်စၟဳရံၚ်ကရပ်ဇကုဂှ် ကွာန်အနေၚ်ပိုယ်တေံ ရဲခၞါသွံဏဗြာတ် ယၟုမြဟ်မံၚ်ဂှ်ရ...
အဲလေဝ် ချပ်တိုန် ခၞါသွံစဗြာတ်တုဲ..
အာဇီုသာဲ၊ ရုတ်တံၚ်၊ ဝါဂျဳ. ဖျာဇၞော်မတ်မလီု၊ မုတ္တမ တုဲ ဗက်ဂၠဲါဗြာတ် ဍာ်တှ်ေ သ္ဂောံခၞါရ။
ဗွဲကြဴ လိၚ်ကောန်ကမၠောန် ၆ တၠတုဲ ကၠောန်။
ကၠောန်ဂွံၜိုတ် ၄ ဂိတုဟာ ၅ ဂိတုဟာကေတ်ဟွံဒး
ဒှ် Covid တုဲ ညးကၟာတ်ဂၠံၚ်ဍာန် ကျဆောံလှုဲ ၅၅ ကိုဋ်။ (တော်ကဵုနှေန်ထဝ်လၟုဟ် ၅၀၀ ကိုဋ်ပြၚ်ရ။)
ဗွဲကြဴ ဒးမံၚ်ပ္ဍဲသ္ၚိကီုလေဝ်..
ဟိုတ်နူ ဒးလဝ် ဘဲဂတှ်ေ ၅၀ ကိုဋ်ပြၚ်ဂှ်ရ စရောဟွံစှ်ေ တိက်ရောဟွံလှိၚ်တုဲ...
ဗက်ဂၠဲါပ္ဍဲအေန်တာနေတ် နယ်ဟွံဒးကေတ်လှုဲမွဲသာ် ဗီုလဵုဂွံကၠောန်ပရေၚ်ပိုန်ဂြပ်တအ်ဂှ်ရ။။
မွဲတ္ၚဲ ၃ ပိုဒ် ၄ ပိုဒ် အဲလ္ၚတ်မံၚ် နယ်ကယ် ကၠောန်လှုဲ ဟွံဒးကေတ်လှုဲတအ်ရ။
ဗွဲကြဴ တီကၠုၚ် နယ်ခိုဟ်အိုတ်မွဲဂှ်...
"Personal Branding" ရ။
မုဇကု Brand ဂှ် ဒှ်ကၠုၚ်ဇကုကီု။
You are What you Repeatedly do"
You are What You habitually do" ကီု
ဂလာန်ၜါဏအ် ကၠိုဟ်အာတုဲ...
အဲရုဲစှ်ကၠုၚ်သွာၚ်ဗတောန်လိက်ရ။
အဲကဵုမၞိဟ်ဗှ်လိက်ဏအ်ဗတောန်လိက်ဟွံသေၚ်ဏး..
မုဇကု မိက်ဂွံကၠောန်ဂှ် ဒးဗှ် ဒးလ္ၚတ် ဒးကၠောန် ဒးBrand မံၚ်တွဵုရောၚ်ဂှ် မိက်ဂွံသ္ဂးရ။
ဗွဲကြဴ အဲဗတောန်လိက်မန်။
ပါ်ပရအ် ဝၚ်မန်
ဗွဲကြဴ ဗတောန်အေန်ကလိက်
သ္ပအာစာအေန်ကလိက်
ဗက်ဗတောန် ကွာန်တေံကွာန်ဏအ်...
ဗွဲကြဴ ကၠာဲလိက် သွံကၠုၚ်လိက်...
မွဲဒမြိပ် အဲကၠောန် ဗတောန် သွံလိက်ဂှ် အဲ Brand မံၚ်ဇကုအဲ နဒဒှ် မၞိဟ်ဗတောန်လိက် မန် ကၠာဲဘာသာမန်မွဲတၠရ။
ဟိုတ်ဂှ်ရ လၟုဟ်တှ်ေ် မၞိဟ်တီအဲဂှ် နဒဒှ် အ္စာဇဝ်တၟိ ဗတောန်လိက်မန် ကၠာဲဘာသာမန်..ပံက်လဝ်ဘာမန်...ညးကဵုဗဟုသုတ သွက်သၟတ်မန်...
ဂွံဒှ်ကၠုၚ် ကဆံၚ်ဏအ်ဂှ် နကဵုအစဳဇန် နွံနွံ အဲ Brand ကၠုၚ်လဝ် ဇကုအဲဟေၚ်ရ။
ယွံ...ညး ဗှ်လိက်ဏအ်ရော..
ဗှ်စိုပ်ကၠုၚ်ကဆံၚ်ဏအ်ယျတှ်ေ... ဒှ်မၞိဟ် ကေတ်ဇေတ်တ်ရဏောၚ်ဂှ် အဲပတေဟ်...
ပြအ်လဵုလေဝ် ဖအိုတ်အခိၚ် ပၠေၚ်အခိၚ်တုဲ ဟွံကၠုၚ်ဗှ် လိက်ဗီုဏအ်ပုဟ်..😊
ယွံ ပိုယ်မိက်ဂွံတောတက်တှ်ေ ပိုယ်တအ် ဒးကြအ်ရ။
ကသပ်
လညာတ်
တၚ်ဂၞၚ်
ပရေၚ်ဆဵုဂဗ
မၞိဟ်ဂတပိုယ်တအ် မုနွံ မုညးဒးဆဵုဂဗကၠုၚ်
ဗီုလဵုညးတတ်ထပိုက်ကၠုၚ်ဂှ် ပိုယ်တအ် ဒးလ္ၚတ်တုဲ
ဗီုညးဒး ညံၚ်အဲဟွံဒးဂှ် ဗီုလဵုဒးဝေၚ်ပဲါ..သာ်ဝွံ ဒးကတ်လ္ၚတ်ဖအိုတ်ရ။
OK.
ယဝ်ရ ဒးဟီု ဂကူကမၠောန်ကၠောန်ဂွံမ္ဂး..
ကမၠောန်ထိၚ်ကောန်ၚာ်..
🌺
နွံမံၚ်သေံမ္ဂး... မွဲတ္ၚဲ ပွိုၚ် ၄ နာဍဳဒှ်ဒှ် ဘာ်တ္ၚဲဒှ်ဒှ် ကၠောန်ဂွံရ။
ကမၠောန်ဇကုလေဝ် ဟွံလီု သီုဂွံလှုဲရ။ (ဆဂး ဒၞဲါလ္ၚဵု ဍေံအာတေၚ်ကဵု Police သေံလေဝ် နွံမာန်ဂှ်ရ စွံသတိဇၞော်ဇၞော်တုဲကၠောန်ညိ။)
ဘိုၚ်ချူ Essay / Thesis/ Project
🌺
ညအ်ဂှ် ကောန်ကွးအဲ ကေၚ်ကၠောန်မံၚ်။ အဃောဍေံတိုန်တက္ကသိုလ် ဘိုၚ်အပ်ကဵုညးတၞဟ် ဘိုၚ်ချူကဵု ညးတၞဟ်တုဲ ဂၠဲါလှုဲနဒဒှ် Side-hustle ရ။ လှုဲလုပ်ဂၠိုၚ်မံၚ်ကီုရ။
ညးထၜးနယ်ကယ်ဝေၚ်ကာယ
🌺
ညအ်ဂှ်ပ္ဍဲမန်ပိုယ် အောန်မံၚ်ဏီရ။ မန်ပိုယ် တီဆစသၟးတုဲ ဂွံထိၚ်ဒက်ကာယ မၚ်မွဲပရေၚ်ထတ်ယုက်ဂှ် နွံအောန်ရ။
ဆဂး သၟတ်မန်လၟုဟ် ဒှ်ကၠုၚ်သေဋ္ဌဳဂၠိုၚ်ဂှ်ရ ဆေၚ်စပ်ကဵု ပရေၚ်ထတ်ယုက်ညးတအ် Personal Trainer ကၠောန်ကဵုမာန် ထၜးကဵု နယ်ကယ် ဝေၚ်ကာယမာန်မ္ဂး ဂွံလှုဲ ဂၠိုၚ်မံၚ်ကီုရ။ တုဲ နဒဒှ် Part time Job ဟေၚ် ဒးကၠောန်ရ။
ညးကၠာဲဘာသာ
🌺
အဲကၠုၚ်နူသွာၚ်ဏအ်ရ။
ကၠာဲဘာသာ မွဲမုက် နူအေန်ကလိက်၊ မန်၊ ဗၟာ ကေတ် အကြာ ပိဠက်ဒကေဝ်ကဵု ၅ ဠက်ဒကေဝ် ဂွံရ။ လ္ၚဵု လတူ မသုန်လက် ကေတ်ဂွံရ။
ပ္ဍဲ Project မွဲဂှ်မ္ဂး မွဲမုက် အဲဂွံမံၚ် ၂၆ ဒဝ်လာ လေဝ်နွံရ။
ဆဂးညအ်ဂှ် ဒဒှ်ရ ဇကု Freelance Translator and Interpreter ဂှ် ညံၚ်ညးတၞဟ်ဂွံတီ ဇကု ဒးBrand လဝ် ပ္ဍဲလတူ Social Media ဂၠိုၚ်ၚ်ရ။ လၟုဟ်တှ်ေ အဲဟွံဂံၚ်ဟီုရ ပရေၚ်ကၠာဲဘာသာဏအ်။ မၞိဟ်ကၠုၚ်အပ်မံၚ်ကမၠောန်စဵုကဵုလၟုဟ် နွံရ။ ဆဂး ကမၠောန်ဇကု ဒက်ပ္တန်လဝ်နွံမံၚ်တုဲ ကမၠောန်ညးတၞဟ် ဟွံမိက်ကၠောန်ရ။
ညးပလံၚ်ကပေါတ်
🌺
ခေတ်လၟုဟ် ကမၠောန် Delivery ဂှ် ဒှ်ကမၠောန် ဂတာပ်ခေတ်မွဲရ။ ကွဳလိုန်ဓာတ်နွံ ကၠောန်ဂွံအိုတ်ရ။
နူ ဂုက် ကွဳပၟတ်၊ ဂုက်ကွဳစက် ကေတ်ကပေါတ်တုဲ ပလံၚ်ဗစိုပ် ဒၞဲါဆက်စပ်တအ်ရ၊ လ္ၚဵု သီုဍေံ ဒက်ခမ္ပဏဳတုဲကၠောန်မံၚ်ဂြုဂြုရ။ ဍုၚ်ကွာန်အာကၠုၚ်ဟွံလောဲခဍၚ် ကမၠောန်ဏအ် ဒှ်ကမၠောန်ခဍၚ်ရ။
ညးတိုဝ်ပလုမ်တၞံ၊ လဗာ၊ ကဴ
🌺
လမုဟ်ပိုယ်လေဝ် ဒးအာရာန်မံၚ်တၞံပကဴရ။ ရာန်မွဲမွဲအလန်တှ်ေအကြာ ၃ ကိုဋ်ကို ၄ ကိုဋ်ရ။ အိုတ်မံၚ်။ လ္ၚဵုဆက်မတ်မလဗာ။ မွဲမွဲသၞာံ အကြာ ၂၀၀ စဵုကဵု ၅၀၀ လ္ၚဵု ပြၚ်နူဂှ် ဂွံမံၚ်အိုတ်ရ။ ဇကုမုကၠောန်။ ညံၚ်ညးတၞဟ်ဂွံတီ ဇကု ဒး Brand ဇကုဂၠိုၚ်ၚ်မာန်တှေ်အ ကြာ ၜါပိသၞာံ ဒှ်ကၠုၚ်ကမၠောန်သိုက်က်ရ။
ညးပလေဝ်ခမ်ပျူတာ။ ဖုၚ်
🌺
ကမၠောန်ဏအ်ဂှ် ၜါသွာၚ်ရ။ ဇကုရုဲစှ်ကေတ် မွဲမွဲသွာၚ်ဟေၚ်ညိ
ကွာန်ပိုယ် ပလေဝ်ဖုၚ် သွံဖုၚ်သၟးဂှ် သိုၚ်သ္ၚိတိုက် ရာန်ကၠအ် ဂအာၚ်သ္ၚိမာန်မၞုံဟွံသာရ။ ဟွံဒးအာ ဍုၚ်သ္အာၚ် ဆဂး ဂွံဂၠိုၚ်နူ ညးအာဍုၚ်သ္အာၚ်ရ။
သွံဖုၚ် ပလေဝ်ဖုၚ် ပလေဝ်ခမ်ပျူတာလေဝ် ဟွံဒးကေတ်တမ်ဂၠိုၚ်မွဲသာ် ဒှ်ကမၠောန်ခိုဟ်ဟ်မွဲမာန်ရ။
ကာလ တမ်ဇကုဂၠိုၚ်တိုန်တိုန်တှ်ေ ဇမၞော်ဆေၚ်ဇကုကဆံၚ်သၠုၚ်ၚ်မာန်ရ။
ဗတောန်ကဵုလိက်အေန်ကလိက်
🌺🌺
လ္ၚဵု ကောန်ညး မိက်ဂွံလေပ်အေန်ကလိက် ညးလှုဲသ္ပမာန်တအ် ကော် Guide ပ္ဍဲသ္ၚိတုဲ မိက်ကဵုကောန်ညးတအ်ကတ်လ္ၚတ်ရ။
သွက်ညးတအ် ဇကုကၠောန်ကဵု မာန်မ္ဂး မွဲမွဲသ္ၚိ အကြာ ၃ ကိုဋ်ကဵု ၅ ကိုဋ် ကလိဂွံမာန်ရ။
တုဲ ဗီုဂှ် ဂွံလဝ် ၜိုတ် ၃ သ္ၚိ
ပ္ဍဲဒၞဲါဇကုမံၚ်လေဝ် ဗတောန်ကဵု ကောန်ၚာ်တအ် အေန်ကလိက် ခမ်ပျူတာ (ရာန်လဝ် Second hand ) မာန်မ္ဂး ဒှ်ကမၠောန် ဇၞော်ဇၞော်မာန်ရ။
တောဲသိုဝ်လာ Solar
🌺
ကမၠောန်ဏအ်ဂှ် ခေတ်လၟုဟ် စမံၚ်ခေတ်ရ။
ပၟတ်လေဝ်ဟွံဆက်
မၞိဟ်သုၚ်စောဲ သိုဝ်လာလေဝ်ဂၠိုၚ်
ကဵုအခိၚ် မွဲၜါဂိတု အာကတ်ဗတောန်ထောံ နယ်ကယ်တောဲ ကွတ်ပညာဂှ်တုဲ ဂယိုၚ်လမျီုမာန်ရ။
ပ္ဍဲလ္ဂုၚ် ဒၞဲါညးကဵုမံၚ်ဒါန် ပညာတောဲသိုဝ်လာလေဝ်နွံရ။
မိက်ဂွံတီ ဂၠဲါစကေတ်တ်။ (လ္ပကၠုၚ်သၟာန်အဲ။😊)
ကဆံၚ်ဂၠိက်ယာတ်
🌺
ကမၠောန်ကဆံၚ်ပဠောံဏအ်လေဝ် အခိၚ်လၟုဟ် ယဝ်နွံ ဗဒဲါ ဟိုဝ်တေဝ်. ဗဒဲါတက္ကသိုလ် ဗဒဲါရုၚ်ကမၠောန်ဇၞော်ဇၞော်မ္ဂးဒှ်ကမၠောန်ဇၞော်ဇၞော်ရ။
မၞိဟ်ခေတ်လၟုဟ် တ္ၚအ်လညာတ် ဗွိုက်လတက်တုဲ
လၞုဟ်ကဆံၚ်အိုတ်ရ။
အရာဍေံတအ်လၞုဟ် ဇကု တ္ၚအ်ကဵုတှ်ေ..
လှုဲဍေံတအ် စိုပ်ထိုၚ်ပဠောံဇကုဟေၚ်ရ။
ကတ်ကၠာရစိုအ်....
တက်လိက် မတ်ကွိုၚ်၊ တုဲကွိုၚ် ဂၞိၚ်ကွိုၚ်ကွုဲယျ...
ဇူကၠာရောၚ်..
သၟတ်မန်ပိုယ်... ကဵုသ္ဂောံဒှ်တၠကမၠောန် စိစောန်အိုတ်ညိ။
(နကဵုကသပ်တအ်ဏအ် က္တဵုကၠောန်တုဲ အံၚ်ဇၞးအာမ္ဂး မွဲတ္ၚဲ သ္ဂောံရာန်ဗစအဲ ကွာၚ်ဂှ် လ္ပဝိုတ်ဏအ်😊)
ဗွဲမအဲပရဲဟေၚ်
💚💚💚