ပရင်တဲ ➲ 2021
သၟတ်ကဵုဂဥုဲဝိဝိင်
ချူ ဆီမန်ဇေတ် ကွာန်ဒူရာ
ခေတ္တဍုင်မလေဝ်ယှာ
ပ္ဍဲကဵုအခိင်ကာလပစ္စုပ္ပန်ဏံဂှ်သၟတ်တအ်ဝိဝိင်ဒၟံင်မိပ်ဒၟံင်ကဵုဂဥုဲၜူမာဲစိဏံဂၠိုင်ကွေံရ၊ ဘဝသၟတ်တအ်ဟဳမံင်ဘဲၜူမာဲဏံဟွံသာပုဟ်၊ဝိဝိင်ဏံဗက်ပလီုမံင်သၟတ်တအ်ဟာ၊ ဟွံသေင်မ္ဂးသၟတ်တအ်ဟာဗက်ဒၟံင်အလိုက်ကဵုဂဥုဲဝိဝိင်ဏံ၊ဇၟာပ်ကွာန်ဌာန်ဒေသဟီုစဂွံမံင်ရ၊
ဆေင်စပ်ကဵုဝိဝိင်ၜူမာဲဏံဂှ်၊မုသ္ဘင်ကၠောန်ကၠောန်၊
သ္ပထပိုဲခမဳလေဝ်ဗ္စဖျုင်ကဵုသ္ကအ်ရဲ သ္ကအ်ရဲဂွံဂၠိုင်ဗ္စသ္ကအ်ရဲကဵုဂဥုဲဝိဝိင်ပၠန်ရ၊ ပေဲါမ္ၚဵုထပ်တဲလေဝ်ဂဥုဲဝိဝိင်ပၠန်ရ၊ အရာအိုတ်ဿီုဂှ်ဗက်ကဵုလဝ်ဒၞာဲကဵုၜူမာဲဝိဝိင်ဖအိုတ်တှ်ေ၊သၟတ်တအ်ဂှ်လှာဲမံင်လမျီုကဵုဂဥုဲဂျိဏံရဂွံ
ညာတ်ကေတ်၊ သၟတ်ဍောတ်တ်တအ်စနူအာ
ယုက်(၁၄)(၁၅)လ္ပာ်လ္တူမ္ဂးလီုလာ်မံင်ဘဲဟွံသာ၊
သၟတ်တအ်ဇၟာပ်ညးဇၟာပ်အဲယဝ်ဝေင်ပါဲကဵုမာန်ဖအိုတ်မ္ဂး၊ သွက်ဂကူလေဝ်ဇၞော်မောဝ်တဴတက်ကၠုင်မာန်၊
သွက်ဘဝဇကုဇကုလေဝ်ဇၞော်မောဝ်တဴတက်ကၠုင်မာန်၊ ပရေင်ပိုန်ဒြပ်လေဝ်ဟွံဇၞော်တဴတက်ကၠုင်မာန်
ပရေင်ပညာလေဝ်တတ်ထပါ်အကြာဂကူညးတၞဟ်မာန်၊ပစ္စုပ္ပန်လၟုဟ်ဏံဂှ်၊ကောန်ဂကူမန်ပိုဲ၊ မၞိဟ်လ္ၚဵုဂှ်ကြအ်က္ဍဟ်ဟွံပေင်ယာဲၜံင်လဝ်က္ဍဟ်ခိုဟ်ဟ်ဂှ်၊က္ဍဟ်လီုလာ်အိုတ်အိုတ်နူဗက်မိပ်မွဲလ္ပာ်ဓဝ်၊မၞိဟ်လ္ၚဵုဂှ်သုင်
လဝ်ဂဥုဲဝိဝိင်တုဲ၊ကြာန်အာကြာန်ကၠုင်အကြာဂှ်
ဍိုက်ကွဳလိုန်ဓါတ်ပၠန်၊ အသိင်ဝိဝိင်ဂှ်မုလေဝ်ဟွံတီမွဲသာ်၊ကွဳလိုန်ဓါတ်ဇီုကပိုက်၊ဇိုင်ကဝ်တဲကဝ်လမျီုအိုတ်ဂှ်လေဝ်နွံ၊ ဟိုတ်နူဝိဝိင်ဏံဂှ်၊ဇကုသုင်သြန်ဇကုရ
ဆဂးအခေါင်အရာဟွံမွဲပုဟ်၊ ဍေံရပ်ဂွံတှ်ေဍေံစုတ်
ထံင်စိုပ်ထံင်ပၠန်သြန်မိမဇကုပၠန်အိုတ်၊
၊ဇၟာပ်ကွာန်မန်ဇၟာပ်ဌာန်ဒေသမန်၊ ဂဥုဲၜူမာဲဂွံလဝ်ဒၞာဲဖန်လဝ်ဂၠံင်တရဴကၠေင်က္ဍဟ်သၟတ်အနာဂတ်တ္ၚဲဏံဂှ်၊ဂွံဆဵုညာတ်မံင်ဂတဂတမတ်ရ၊ ဂဥုဲၜူမာဲဏံဂွံအိုတ်အာဂှ်၊ဖေက်ဒှ်ဟွံမာန်ရ၊
မုဟိုတ်ဂွံဟီုအရေဝ်သာ်ဏံရော၊ နူတမ်တေံမၞိဟ်
သွံဂဥုဲဝိဝိင်ၜူမာဲဏံဂှ်ကၠုင်နူသၟိင်အယုတ်တအ်ရ၊
နူသၟိင်အယုတ်မွဲအဆက်၊ ဍေံသွံကဵုကောန်သၟတ်တအ်မွဲအဆက်ပၠန်၊ ဍေံဖန်ဗီုကောန်ဂကူမန်ပိုဲဂွံကၠက်ဂှ်၊
ဍေံကမၠက်ကဵုဝိဝိင်စိဏံရ၊ဠဂှ်မှသၟတ်တအ်စောဲရပ်စပ်အာဝိဝိင်ဂဥုဲၜူမာဲဏံတုဲ၊ လ္ပာ်ပရေင်ဂကူလေဝ်မုဟွံတီ၊ လ္ပာ်ပရေင်ဍုင်ကွာန်လေဝ်မုဟွံကၠိုဟ်ရ၊တီဆဝိဝိင်ဂၠုဓီုမွဲဟေင်ရ၊ ဍေံဗလးကဵုသွံဂဥုဲဏံတုဲ၊ဒှ်သြန်ညိညဇြိုင်သာဂှ်ဍေံဗက်ရပ်ပၠန်၊ မွဲအဆက်ပၠန်ဂှ်မၞိဟ်က္ဍိုပ်ဂှ်ထပ်ထပက်ဏာကောန်ရဲမွဲအဆက်ပၠန်၊ ကောန်ဂကူမန်ပိုဲလေဝ်အိုတ်စှ်ေမံင်သိုက်က်၊ မၞိဟ်သုင်ဟွံ
ဒှ်မၞိဟ်ဟွံကေင်သုင်စောဲတအ်ဂှ်၊ နူစတေံရဲထဴကဵုသုင်၊
သုင်ကီုဟာဍေံသၟာန်ဇကုဂွံတီရှ်ဘှ်စေပ်စမ်ရံင်ဍေံကဵုသုင်သၟးသၟး၊ ဇကုကေင်ဂွံတုဲဍေံဟွံကဵုသုင်ရသၟးသၟး၊
ဟွံဂွံသုင်စောဲဍေံမွဲတ္ၚဲမံင်ဟွံမာန်၊ ကၠောန်ဂွံညိသုင်စောဲထောံဂဥုဲဝိဝိင်ဖအိုတ်၊ သြန်သွက်ဂွံရာန်ဂှ်ဟွံမွဲတုဲ၊ဗက်ကၠတ်ဒြပ်ညးတၞဟ်၊ အာတ်သြန်မိမဟွံဂွံသ္ပသၞကဵုမိမပၠန်၊ဟိုတ်နူဂၠုဓီုဂဥုဲဝိဝိင်ဏံတုဲ၊မုပရေင်လညာတ်ဟွံချပ်ပါ်ပဲါရ၊ စွံလဝ်အာရီုစိုတ်ဝိဝိင်ဟိုတ်မာဲဏံမွဲဓဝ်ရ၊ကၠေင်က္ဍဟ်လေဝ်ထုဲထံင်လီုလာ်၊ မၞိဟ်လ္ၚဵုဂှ်ကြအ်ကြာန်၊ မၞိဟ်လ္ၚဵုဂှ်ဟိုတ်နူအသိင်ဝိဝိင်ဂှ်ဓလီုဂွံကၠေင်က္ဍဟ်တုဲ၊ထိင်စိုတ်ဟွံမာန်လေဝ်ဒှ်ကၠုင်၊ မၞိဟ်လ္ၚဵုဂှ်စိုပ်မံင်ဍုင်သ္အာင်လီုလာ်စာ်ထောင်မံင်လေဝ်နွံတဴမံင်ဗွဲမဂၠိုင်ဂၠင်ရ၊မၞိဟ်လ္ၚဵုဂှ်ဝိဝိင်ၜူမာဲဂှ်ပေင်ဂွံအာက္ဍဟ်တုဲ၊ ဟိုတ်နူထိင်စိုတ်ဟွံမာန်တုဲ၊ ကအ်ဇကုဇကုရေက်ကေတ်ကေတ်လေဝ်နွံ၊ဆင်စှ်ေနူသ္ၚိသၠုင်င်လေဝ်နွံ၊ ဟိုတ်နူမုရောဂွံလီုလာ်ကၠုင်မံင်၊ဇၟာပ်သၟတ်တအ်ညိဟွံချပ်ကူ၊စှ်ေဒၞာဲဝဲါအိန်ထံင်ပၠန်လေဝ်တီဆဝိဝိင်သၟးပၠန်လေဝ်နွံတဴဗွဲမဂၠိုင်ဂၠင်၊ ဂွံဆဵုကေတ်မံင်ကောန်ဂကူမန်ပိုဲ၊ ဟိုတ်နူဂၠုဓီုလီုလာ်ဂဥုဲၜူမာဲဏံပၠန်ရ၊ လ္ပာ်ကောန်ဇာတ်ဗြဴလေဝ်ဂွံစဂွံသုင်ဂွံမံင်စံင်သဗ္ဗနာနာသာ်ဟွံချပ်လဝ်ပ္ဍဲက္ဍဟ်ရ၊
ဂဥုဲၜူမာဲဏံစံင်ပလီုမံင်က္ဍဟ်ပိုဲတအ်ဏောင်ဂှ်သၟတ်တအ်ဟွံကၠးစိုတ်ဏီဖိုဟ်၊မုဟိုတ်ရောဂွံဟီုသာ်ဏံ၊ပစ္စုပ္ပန်လၟုဟ်ဏံသုင်စောဲမံင်ဂဥုဲၜူမာဲသၟတ်တြုံတအ်သၟးလေဝ်ဟွံသေင်ပုဟ်၊ ပါလုပ်မံင်သီုကဵုသၟတ်ဗြဴတအ်လေဝ်နွံတဴမံင်ဗွဲမဂၠိုင်ဂၠင်ဂွံဆဵုမံင်၊ ဟီုကဵုသၟတ်တအ်သၟးလေဝ်ဟွံဂွံပုဟ်၊ ပါလုပ်မံင်သီုမၞိဟ်စှ်ေဒၞာဲဝဲါအိန်ထံင်တုဲတုဲတအ်ဂှ်လေဝ်၊သုင်စောဲနွံတဴမံင်ဗွဲမဂၠိုင်ဂၠင်ကီုရ၊ မၞိဟ်ဟွံကေင်သုင်စောဲလဝ်တအ်ဂှ်၊ လ္ပစမ်ညိလ္ပသုင်စောဲညိလ္ပဝိဝိင်အိုတ်ညိ၊လ္ပဟိုတ်မာဲအိုတ်ညိ၊ ဆဂးချူပတိုန်ဏာဂလာန်ပရူပရာဏံဂှ်ဗျိသၟတ်တအ်ဟွံသေင်၊မိက်ဂွံကဵုဒှ်မၞိဟ်ခိုဟ်ဟ်က္ဍဟ်ခိုဟ်ဟ်လညာတ်ခိုဟ်ဟ်၊ သွက်သၟတ်တအ်ဂွံဝေင်ပဲါမာန်ဂှ်၊ဆေဝ်မ္ၚုဟ်မံင်စိုတ်ဓါတ်သၟတ်တအ်၊ သွက်အနာဂတ်ဂတတေံသွက်ဂကူမန်ပိုဲဂွံဇၞော်မောဝ်တဴတက်တိုန်အာ၊ ဝေင်ပဲါအိုတ်ညိ၊ယဝ်သၟတ်တအ်ဟွံဝေင်ပဲါအာမ္ဂး၊သၟတ်ဂကူမန်ပိုဲသွက်ဂွံပါလုပ်အာပ္ဍဲထံင်ဗၟာတအ်သၟးရ၊ က္ဍဟ်ပိုဲခိုဟ်ဟ်ဂှ်လ္ပတက်ပလီုထောံကဵုဂဥုဲဝိဝိင်ၜူမာဲဏံညိ၊ တှ်မိယာဲပိုဲ ပိုဲမဴကၠုင်လဝ်တုဲပိုဲထပိုတ်ကၠုင်မာန်၊ကဝေင်ဇြဟာန်ပိုဲလေဝ်ပိုဲထပိုတ်ကၠုင်မာန်၊ ဒၞာဲပိုဲပိုတ်ကၠုင်မာန်ဂှ်နွံမံင်ကၠးကၠးကီုရ၊
ၜိုတ်ဝိဝိင်ၜူမာဲဏံရပိုတ်လောဲလောဲရဂကူပိုဲ၊ ထပိုတ်
ထောံညိဝေင်ပဲါထောံညိလ္ပသုဘ်စောဲအိုတ်ညိ၊စၞးပိုဲဒးကေတ်မံင်ကဵုဇြဟတ်ဂဥုဲဝိဝိင်စိဏံဂှ်၊ ပိုဲကေတ်ဇြ
ဟတျကဵုစၞစနှံကဵုရျှသာညိ၊ ပိဲုကတျေဇွဟတျကဵုလ်ပျာ
ပရေင်ကုသဵုနာနာသာ်ညိ၊ပိုဲကေတ်ဇြဟတ်ကဵုထံက်ပင်ပရေင်ဂကူညိ၊ဠဂှ်မှဂကူမန်လေဝ်ဂွံဇၞော်မောဝ်တဴတက်တိုန်အာ၊အကြာဂကူညးတၞဟ်မာန်၊အခိင်လၟုဟ်ယၟုမြဟ်မံင်ဆေင်စပ်ကဵုဂဥုဲဝိဝိင်ဟီုဂှ်၊ ယၟုဍေံဟီုဗီုသေံဂှ်(ယာၜ)( ยาบ้า )ဟီုဗီုမန်မ္ဂးဂဥုဲပြအ်ညးကော်ခဴစဂဥုဲချေံ၊ ရပ်စပ်သုင်စောဲဒးဍေံတုဲ၊ဒေံါဟွံလောဲသွာရပေင်ပြးမံင်ဇၟာပ်ဍုန်ကွာန်ဌာန်ရးဒေသနာနာတအ်ရ၊ ပြာကတ်မံင်သၟိင်တၠအဝဵုတအ်ဍေံတက်မံင်ပြယာဲကဵုဂဥုဲဝိဝိင်ဏံရ၊သၟတ်မန်လ္ၚဵုဂွံဆဵုကေတ်မံင်၊ ပရောပရာဂဥုဲဝိဝိင်ဏံဂှ်လမျီုလေဝ်ဒးအိုတ်ချိုတ်အာလေဝ်ဟွံဆဵုဇွလေဝ်ဟွံဆဵု၊ဍေံဂစိုတ်ထောံသ္ၚိတ်တ်ဇြဇြ၊ဂွံဆဂွံမိင်ပရိုင်ဍေံစံင်ထောံဂျိုင်င်ဂး၊ဟိုတ်နူပရေင်ပရာဂဥုဲဝိဝိင်ဏံရ၊ဇကုကူသာန်သွံရာန်ဂဥုဲဝိဝိင်ဏံတုဲ၊ သြန်ဇကုဟွံဂွံကဵုဍေံဏီ၊မၞိဟ်တၞဟ်ကၠုင်ရာန်ပ္ဍဲဇကုဂှ်ဍေံလေဝ်ကဝုတ်လဝ်ဇကုဂၠိုင်ဂၠင်၊ ဇကုလေဝ်ကဝုတ်လဝ်လ္ပာ်ဗၟာတေံလေဝ်ဂၠိုင်ဂၠင်၊ ဟိုတ်ဇကုလေဲဟွံ
မာန်တုဲ၊ ဍေံဂစိုတ်ထောံဇကုမိမလေဝ်ဟွံဂွံဆဵု၊ ပရိုင်ဂှ်
လေဝ်ကၠေံ၊ဒးကဵုဂဥုဲဝိဝိင်ဏံတုဲ၊ လေင်ဒိုက်စာ်ထောင်
လီုလာ်ကၠေံကၠက်အိုတ်ရကောန်ဂကူမန်ပိုဲ၊ အခိင်လဵု
အခါလဵုဂှ်ဂွံအိုတ်အးအာသ္ဘင်ဂဥုဲဝိဝိင်ၜူမာဲဏံဂှ်၊
တီကေတ်ဟွံမာန်ဏီရ၊ဂိုဟ်အခိင်ဂိုဟ်ကၠေင်က္ဍဟ်ဂိုဟ်ကောန်သၟတ်တအ်၊မိမၜံင်က္ဍဟ်ခိုဟ်ဟ်ဂှ်၊ကြအ်ယှောအ်အိုတ်လီုလာ်အိုတ်၊ဟိုတ်နူဝိဝိင်ဓလီုဂွံကၠေင်က္ဍဟ်ပိုဲတအ်တုဲ၊ဒၞာဲဒးအေင်ဒုင်ညးသ္ကအ်ဂှ်၊အေင်ဒုင်ဟွံမာန်ဗာ်ဂစိုတ်ညးသ္ကအ်လေဝ်နွံ၊ဂကူဇကုကဵုဇကုရထပက်ဂစိုတ်ညးသ္ကအ်၊ရပ်ၜုန်ရပ်ဇြင်ကေတ်မာန်ညးသ္ကအ်၊မုဟိုတ်ရော၊ဟိုတ်နူၜူမာဲဝိဝိင်ပၠန်ရ၊လဆောဝ်ဒၞာဲဒးသၠးအခေါင်ဂှ်သၠးအခေါင်ဟွံမာန်ညးသ္ကအ်ရ၊ပစ္စုပ္ပန်လၟုဟ်ဏံဂှ်ကောန်သၟတ်ဍောတ်တ်စိဂှ်၊အဃောမံင်ဘာလေဝ်လီုလာ်စာ်ထောင်ကၠုင်မံင်ကီုရ၊မိမလေဝ်ဝေတ်ဟွံမာန်၊အာစာလေဝ်ဝေတ်ဟွံမာန်၊ဟိုတ်နူကြအ်ကြာန်ကဵုစၞဝိဝိင်တုဲ၊ဘဝသၟတ်တအ်သၠာဲကၠုင်ကဵုဂဥုဲၜူမာဲနွံတဴဗွဲမဂၠိုင်၊အဃောတအ်ရာင်ဆာဲမံင်ဂဥုဲၜူမာဲဓလီုဂွံကၠေင်က္ဍဟ်သၟတ်တအ်အိုတ်ရ၊နဲလဵုဂွံထိင်ဒဝ်သၟတ်တအ်မာန်ရော၊မၞိဟ်လဵုဂွံစဵုဒၞါသၟတ်အ်မာန်ရော၊ဟိုတ်နူသၟတ်
တအ်ဟွံတီမွဲသာ်တုဲဘဝလီုကၠုင်ဟာ၊ ဟိုတ်နူသၟတ်တအ်ဟွံပကာကဵုဘဝဇကုတုဲပလီုကၠုင်ဘဝဇကုဟာ၊
ဘဝသၟတ်တအ်တတ်ထ္ပာ်မံင်အကြာစၞဂဥုဲဝိဝိင်စိဏံ
ဂၠိုင်ဂၠင်တုဲ၊ ဘဝသၟတ်တအ်ဒးစိုပ်ဘဲဒန်ခြိုင်ပသဲလေဝ်နွံ၊ဘဝသၟတ်တအ်လမျီုဒးအိုတ်အာအကြာကြာ
ဂဥုဲၜူမာဲဏံဖအိုတ်ရ၊ ဆာန်ဘဝဇကုညိလ္ပသၠာဲၜန်ကဵုဂဥုဲဝိဝိင်ညိ၊ဝိဝိင်ဏံလုပ်ပလီုမံင်က္ဍဟ်ပိုဲဏောင်ဂှ်၊သၟတ်တအ်ချပ်ပါ်ပဲါအိုတ်ညိ၊ နူကဵုအကြာဂဥုဲဝိဝိင်ဏံဂၠိုင်ကၠုင်သၟးဟွံကဏီ၊တၞးဘိင်တအ်လေဝ်သၟတ်တအ်သ္ပဗဒှ်ဒၟံင်သဘင်ယျ၊ သုင်ဂွံတၞးဂှ်တုဲလေဝ်ဒေါံဟွံလောဲသွာပုဟ်၊ယဝ်ရံင်ကဵုအခေတ်လၟုဟ်ပစ္စုပ္ပန်လၟုဟ်ဝွံ၊ဒုဟ်သဗ္ဗအိုတ်သီုသၟတ်တအ်လုပ်ကေတ်လဝ်ဒၞါဲယျ၊ ဘဝသၟတ်တအ်စိုပ်အာခြိုင်ပသဲအလဵုသဳတုဲ၊ သွက်ပိုန်ဒြပ်ရတ်မိမသၟတ်တအ်ပၠန်ရဆောံလေင်၊
သၟတ်တအ်ထိင်ဘဝဇကုဇကုညိ၊ ဆာန်ဘဝဇကုဇကုညိ၊မင်မွဲဘဝဇကုဇကုညိ၊ ဗတိုက်ထရိုဟ်ပလီုကၠေံဂဥုဲဝိဝိင်ဏံညိ၊ သၟတ်တအ်ဗၠိုက်လၞီမံင်အကြာကြာဂဥုဲၜူမာဲဏံဂှ်၊မုရှ်သာဟွံမွဲပုဟ်၊ အခိင်သၟးရအိုတ်ကၠုင်၊
ဒးကဵုဂဥုဲၜူမာဲဏံတုဲမိမလေဝ်ဝေတ်ကောန်ဟွံမာန်၊
ဟိုတ်နူကဵုဘဲဝိဝိင်ဏံအလဵုအသဳတအ်သီကေတ်မံင်
ကောန်သၟတ်ပိုဲတအ်ရိုဟ်လၟိဟ်မၞိဟ်ဟွံဒးရ၊ယွံသၟတ်တအ်ဘဝဇကုဂှ်လ္ပသၠာဲကဵုဂဥုဲဝိဝိင်ဏီညိဝေင်ပဲါအိုတ်ညိ၊ညံင်ဘဝသၟတ်တအ်ဂွံလျးတၟးအာမာန်၊
ဂဥုဲဝိဝိင်ဂှ်လ္ပဆာန်ဍေံညိ၊
ဘဝဇကုညံင်ဂွံခိုဟ်ဂှ်၊စဵုဒၞာဂီုဂၠီုဘဝဇကုညိ၊ ပွမမိပ်လဟိင်ကဵုဝိဝိင်တအ်ဂှ်၊မုလေဝ်ရှ်သာအဓိပ္ပါဲဂွံဇၞော်မောဝ်ဂှ်တဴတက်တိုန်ဂှ်ဟွံမွဲပုဟ်၊သွက်ဘဝသၟတ်တအ်ဂွံဗၠိုက်စှ်ေအာသၟးရနွံ၊ ကူသာန်သွံရာန်သုင်စောဲဂဥုဲဝိဝိင်ဏံတုဲဂွံဒှ်မဟာဒေဌဳဇၞော်မွဲဂှ်၊ဟွံကေင်ဆဵုလဝ်ဏီပုဟ်၊ဒြပ်ဍာ်မ္ဂးအာကဵုဍာ်ပၠန်၊ကေင်ဆဵုညာတ်လဝ်မၞိဟ်ဗွဲမဂၠိုင်ရ၊ ၜိုန်ရဂွံနင်သြန်ကၠံကိုဋ်လ္ၚီကိုဋ်ကီုလေဝ်၊စိုပ်အခါမွဲတ္ၚဲဍေံသီဂွံဏာပၠန်ရ၊သွက်ဘဝဇကုဂွံဒှ်တသိုက်ဂွံဗၠးဒဒိုက်မာန်ဂှ်၊နကဵုဍာ်ဓတ်ကာယဇကု၊နကဵုက္သပ်ညာဏ်ပညာဇကုဂှ်ကၠောန်ညိ၊ ဠဂှ်မှအနာဂတ်ဂတတေံပိုဲဂွံညာတ်ကေတ်ဘဝပိုဲခိုဟ်ဟ်မာန်၊မိက်ဂွံဗ္တိုက်ဖအောဝ်ဆဝ်မ္ၚုဟ်စိုတ်ဓါတ်သၟတ်တအ်၊ ဝိဝိင်ဘိင်ဗုၜူမာဲဝေင်ပဲါအိုတ်စိုအ်…………။