ဒၠောံဗ္တောန်မိမ

ဒၠောံဗ္တောန်မိမ

(1)ကောန်
သွက်ကောန်တအ်တှ်ေ
စၞစသုင်သွက်မိမစဟွံဖဲကီုလေဝ်
သွက်ကောန်ညံင်ဂွံဖဲဠဲမာန်
ဖန်ဖက်ကဵုမံင်သွက်ကောန်တအ်ဏီ

(2)ကောန်
သွက်ကောန်ဟီုမ္ဂး
အရေဝ်မိမဟီုဗ္ကန်
အရေဝ်ဟွံခိုဟ်သန်ဟွံမွဲကဵုမ္ၚဵု
လ္ပဟီုပ္တိတ်နူဒွါပါင်ကောန်တအ်ညိ

(3)ကောန်
ဇၟာပ်ညးတၞဟ်ထဴမ္ဂး
လ္ပကြဴဗက်ဖအိုတ်ဏးကောန်
ယဝ်ကောန်ကြဴဗက်ဖအိုတ်မ္ဂး
ဒှ်ဒိုက်တၞီဗၠိုက်ဘဝဏောင်ကောန်

(4)ကောန်
မၞိဟ်သမၠီုမ္ဂးဝေင်ပဲါညိကောန်
မၞိဟ်တၠပညာမ္ဂးလုပ်ဗ္ဒဲါညိကောန်
မၞိဟ်သမၠီုယဝ်ထုဲနှဲမ္ဂး
သွက်ဍေံဂွံကဵုဒဒိုက်ကဵုကောန်တအ်ရနွံ
မၞိဟ်တၠပညာယဝ်ပံင်ဖက်မ္ဂး
ဍေံဒၠောန်ဗ္တောန်စၞောန်ထ္ၜးလ္ပာ်ခိုဟ်ဟ်ရကောန်

(5)ကောန်
သွက်ကောန်တအ်ဟီုမ္ဂး
အဃောမိမဂျိုင်မံင်လမျီုလ္တူတိဇၞော်ဏအ်ဏီ
ဂွံရံင်စံင်ဘဝကောန်တအ်ဏီရ
ကာလမိမစုတိချိုတ်အာမ္ဂး
ဗီုမိမရံင်စံင်မံင်ဘဝကောန်တအ်ဂှ်
အခေါင်အရာဟွံမွဲရပ္ဍဲလောကဏအ်

(6)ကောန်
မိမတအ်ပ္ကောံမံင်ပရေင်ပိုန်ဒြပ်ဂှ်
သွက်ညးတၞဟ်တအ်ဟွံသေင်ပုဟ်
ပိုန်ဒြပ်မိမတအ်ဂှ်
သွက်ကောန်တအ်ဂွံဂျိုင်တဴလမျီုကောန်တအ်ရ

(7)ကောန်
ၜိုန်ရညးတၞဟ်က္ဍုဟ်တမၠေံကောန်တအ်ဂှ်
လ္တူကောန်တအ်မိမအခိင်လဵုလေဝ်
ဟွံထေဲဟွံက္ဍုဟ်ဓဇန်လ္တူကောန်တအ်ဏီရ

(8)ကောန်
မိမၜိုန်ရဟွံဂွံလေပ်လဝ်ပညာကီုလေဝ်
သွက်ကောန်တအ်ဂွံလေပ်ပညာဂှ်
မိမတအ်မိက်ဂွံကဵုလေပ်အာပညာဏီရ

(9)ကောန်
ဗီုမိမဆာန်ကောန်
ယဝ်ကောန်က္လေင်ပၠန်ဍုင်သွဝ်ဍန်
ဗီုမိမဆာန်ကောန်ဟီုဂှ်
ယဝ်ကောန်တအ်က္လေင်ဆာန်မိမကီုမ္ဂး
မွဲနော်စုတ်ပုင်ဟွံစိုပ်ဍုင်သွဝ်

(10)ကောန်
မိမဒှ်ဓဝိင်ဂွိင်အိုတ်ဂှ်
လ္တူကောန်တအ်ဖအိုတ်ရ
ဂွံဂွိင်လ္တူမိမဂှ်
ပ္ဍဲလောကဏအ်မၞိဟ်လဵုလေဝ်ဟွံမွဲရကောန်

(11)ကောန်
အာအကြာမၞိဟ်ဇၞော်ဇၞော်တအ်မ္ဂး
ညံင်ဂွံဒှ်မ္ၚဵုကျာ်သြဳပါရမဳဂှ်ကွာ်အာညိ
ညးကော်မ္ဂး(ယွံ/အဴ)ကလုက်တဴညိ

(12)ကောန်
ဂဥုဲဝိဝိင်အရက်သုရာတအ်ဂှ်
ကောန်တအ်လ္ပဝိဝိင်ဟိုတ်မာဲညိ
ယဝ်ကောန်တအ်ဟိုတ်မာဲအာလ္ပာ်ဝိဝိင်မ္ဂး
မိမတအ်လေဝ်ဒှ်ဒဒိုက်စိုတ်ရကောန်

(13)ကောန်
မေတ္တာမိမဟီုဂှ်
ယဝ်ဒးပ္တောံဗၜိုတ်ဏာ
ဍာ်ၜဳမှာသၟိတ်အောန်တဴနူမေတ္တာမိမဏီ

(14)ကောန်
ဠအခိင်မိမစုတိလမျီုဟွံမွဲမ္ဂး
ကောန်တအ်ကောန်တအ်မံင်ညဳညဳသာသာ
ဗီုမိမလမျီုနွံမံင်ဂှ်မံင်အာမွဲကၟိန်
ခိုင်င်ဗိုန်န်ဂှ်ဆက်မံင်ညးသ္ကအ်ညိ

ချူ   ဆီမန်ဇေတ်   ဒူရာ