တ္ၚဲသၟတ်မန်

တ္ၚဲသၟတ်မန်
တ္ၚဲသၟတ်မန်ဂှ် ဒှ်သဘင်လၟေၚ်သၞာံ
မပစၟတ်သမ္တီ ကုသၟတ်မန် ကေုာံကွးဘာတက္ကသိုလ်မန်တအ် စကောံဓရီု ဒက်ဂကောံသၟတ်ကၠာအိုတ် သွက်ပရေၚ်သၠးပွးဂကူမန် ပ္ဍဲသၞာံ ၁၉၄၆ တေံတုဲ နူက်ုသၞာံ ၂၀၁၂ဂှ် ဂကောံသၟတ်မန်နာနာဂမၠိုၚ် ပံၚ်ကောံတုဲ မဒက်ပ္တန်လဝ် ဌာန်‌ကောံသၟတ်မန် (Mon Youth Forum-(MYF) စကၠောန်ကၠုၚ်ရ။

ဝင်
ပ္ဍဲသက္ကရာဇ်ခရေတ် ၁၉၄၁ ဂှ် သၟတ်မန်ခေတ်တၟိ မပ္တံက်ုမန်ဖေတိၚ် မန်တံၚ်အေ တအ် ပကောံကွးဘာဂကူမန် ပ္ဍဲဍုင်လ္ဂုင်တုဲ စချပ်စက်ု ‌ဗော်သွးမန် အလုံဍုင်ရာမည သွက်ဂွံဒက်ပတန် ဂကောံသၟတ်မန်မွဲရ။ ၜိုန်ဂှ် လေဝ် ဟိုတ်နူပၞာန်ဂၠးတိအလန်ဒုတိယတုဲ ဂကောံသၟတ်ဟွံဒှ်ပံင်ကောံရ။ စိုပ်သၞာံ ၁၉၆၄ ပၞာန်ဂၠးတိအလန်ဒုတိယတုဲအာတုဲ ညးတအ် ပကောံ သၟတ်မန် ကွးဘာတက္ကသိုလ်မန် ပ္ဍဲဍုၚ်လ္ဂုၚ်တုဲ ပ္ဍဲက်ုဂိတုဒဳဇြေန်ပါ ၂၈ ဒက်ပတန်ဂကောံသၟတ်မန်ရ။

တၚ်ရန်တၟအ်ဂကောံဂှ် သၟတ်မန်တအ် ညံင်ဂွံဍိုက်ပေင်က်ုဗလမသုန်သာ် ကေုာံ ချီဓရာင် ပ္ဍဲပရေင်ဂကူမန် ဗွဲမကတိုင်ကၟဟ်ရ။
ပ္ဍဲဂကောံဂှ် ဥက္ကဌ မန်သာန်လှိုင် ဒု ဥက္ကဌ မန်ဗလုင် ညးအုပ်ကာဂှ် မန်သိင်ထောန်အံင် ကေုာံ ဂကောံကေင်ကာဂမၠိုၚ် မန်သာန်လှ နာဲၚ္ၚိုဲသိၚ် မန်မျာတ်ထောန် ရ။
ပ္ဍဲတ္ၚဲ ဗွဲလတူဂှ်ကီု သၟတ်မန်ဂမၠိုၚ် ကောံဓရီုရေၚ်သကအ် ပ္ဍဲကျာ်ကသုက်(ကျာ်အသောတ်)ဍုင်မတ်မလီု
သွက်ဂွံချဳဓရာၚ်အာ ပရေၚ်သၠးပွးဂကူမန်ကီုရ။

ပအစာံက်ုစၟတ်တ္ၚဲ ဗွဲလတူဂှ်တုဲ
ပ္ဍဲပေါဲသၠာဲဂတးလညာတ်သၟတ်မန် အလန်တတိယ မကၠောန်ဗဒှ် ပ္ဍဲကွာန်ဝါဗိုင် ပွိုင်ရေဝ်သၟဝ်ကျာ ပ္ဍဲသၞာံ ၂၀၁၂ ဂိတုဧပြဳ ၂၄ ၂၆ ဂှ် ပဒတန် စၟတ်သမ္တီ ဒဒှ်ရ ဂိတုဒဳဇြေန်ပါ ၂၈ ဂှ် နဒဒှ်တ္ၚဲသၟတ်မန်ရ။ ပ္ဍဲပေါဲသၠာဲလညာတ်သၟတ်မန်ဂှ် သီုဖျေံဏာသ္ဂုတ်သွာတ် သွက်ဂွံဒက်ပတန် ဂကောံသၟတ်မန်ပံၚ်ကောံ
နက်ုယၟုဌာန်ကောံသၟတ်မန်ရ။

လၟေၚ်သၞာံမကၠောန်ကၠုၚ်ဂမၠိုၚ်
မရနုက်က်ု ပထမ သၞာံ 2012
ကၠောန်ဗဒှ် ပ္ဍဲကွာန်ဒ်ုထောၚ် ပွိုၚ်ဍုၚ်လှာဒကှ်။
မရနုက်က်ု ဒုတိယ သၞာံ 2013
ကၠောန်ဗဒှ် ပ္ဍဲကွာန်တၟအ်ကၞေၚ် ပွိုၚ်ဍုၚ်ရေဝ်။
မရနုက်က်ု တတိယ သၞာံ 2014
ကၠောန်ဗဒှ် ပ္ဍဲကွာန်သၞေဟ်ဗ္ဒဝ် ပွိုၚ်ဍုၚ်မုဟ်ဍုင်။
မရနုက်က်ု စတုတ်ထ သၞာံ 2015
ကၠောန်ဗဒှ် ပ္ဍဲကွာန်ကအ်ဗိန် ပွိုၚ်ဍုင်ကအ်ကြိက်။
မရနုက်က်ု ပဉ္စမ သၞာံ 2016
ကၠောန်ဗဒှ် ပ္ဍဲကွာန်ဝါခရူ  ပွိုၚ်ဍုင်ြဇပ်ဗု။
မရနုက်က်ု ဆဌမ သၞာံ 2017
ကၠောန်ဗဒှ် ပ္ဍဲကွာန်ကၟာမ်ု ပွိုၚ်ဍုၚ်တကအ်ခၟိုၚ်။
မရနုက်က်ု သတ်တမ သၞာံ 2018
ကၠောန်ဗဒှ် ပ္ဍဲကွာန်သာံလှေဝ် ပွိုၚ်ဍုင်ဘာအင်။
မရနုက်က်ု အဌမ သၞာံ 2019 ဏံမျဂး
ကၠောန်ဗဒှ် ပ္ဍဲဗလးဒ်ုခရီု ပွိုၚ်ဍုင်ကျာ်မြဟ် ရ။

ဗီုရုပ် တဆိပ် ဌာန်ကောံသၟတ်မန်
မစကၠောန် ဂကောံသၟတ်မန်
ဒဳဇြေန်ပါ 28 2012 ကွာန်ဒ်ုထောင်။
အခိင်ကေုာံဒၞာဲ
ဒဳဇြေန်ပါ 28
ဍုင်လ္ဂုင် ကေုာံ မတ်မလီု။
မဒယှ်တဴ နက်ု ချဳဓရာၚ်သၟတ်။
တၚ်ရန်တၟအ်
သွက်သၟတ်မန် ဂွံဍိုက်ပေၚ်ကုဗလမသုန်သာ်။
ပရေၚ်ချဳဓရာၚ်
ဇက်ဂၠောဲကောံ သွက်ဒြဟတ်ဂကူမန်။
ဒၞာဲမကၠောန်ကၠုၚ်လဝ်
၂၀၁၉ဏံ ကွာန်ဒ်ုခရီု ကျာ်ြမဟ်။
၂၀၁၈ ကွာန်သာံလှေဝ် ကအ်ကြိက်။
၂၀၁၇ ကွာန်ကၟာမ်ု တကအ်ခၟိုၚ်။
၂၀၁၆ ကွာန်ဝါခရူ ဇြပ်ဗု။
၂၀၁၅ ကွာန်ကအ်ဗိန် ကအ်ကြိက်။
၂၀၁၄ ကွာန်သၞေဟ်ဗ္ဒဝ် မုဟ်ဍုင်။
၂၀၁၃ ကွာန်တၟအ်ကၞေၚ် ရေဝ်။
၂၀၁၂ ကွာန်ဒ်ုထောင် လှာဒကှ်။
☞GHO