ကၞေဟ် ပၟင်ဂၠဴ ✍
တမၠာညဳကၠုင် ဍုင်ၜိုပ်ဟံသာ
တမၠာညဳကၠုင် ဍုင်ၜိုပ်ဟံသာ
ရာင်ဂေါဝ်ဍိုပ်ဍဴ ဆာဲညံင်ဍုင်သွဝ်
အလုံဂၠးကဝ် တမ္ညဝ်မံင်ကၠာ
ဌါနဳဟံသာ ဗှ်သၞာညးအဲ
မာ်မွဲစွေက်တၟေင် စဳရေင်ဖန်တဴ
သ္ဘင်တ္ၚဲဂကူ ကၠောန်လ္တူတိဗ္ကေတ်
ဗၠေတ်ဒးနွံကၠာ ဒှ်ဓမ္မတာ။
ရိုင်ဇိုင်တက်ကျာ လက်ပၠုဲလေဝ်ပါ
ဗီုဂွံညဳသာ ဟွံဗ္စာပ္ဍဲဝိုင်
ဗွိုင်ၚံက်ဇလ ဟွံဗ္ဒဂကူ
ကၠောန်တဴကေတ်တ် ဗၠေတ်နူဓရ်ဍာံ
လဂံါဗီုဏံ တၟအ်ဂွံညဳသာ
လ္ပချပ်ညိကၠာ ယွံကောန်ဟံသာ။
ဇြိုင်ဂွံဂျိုင်တဴ တရဴဘဝ
ဂွံဒဟ်ကောန်မန် အောန်မံင်စိုတ်ဟာ
မန်ဂွံပြာထာ ဒးလွဳပရာ
စေတနာလျုင် ဒုင်ကိုဝ်မေတ္တာ
ခါရဒးကၠောန် ကမၠောန်မောဝ်ပ္ဍး
တၟးသွက်ဂကူ ဂွံဒဟ်စရာဲ
မၞိဟ်ဂကူဆာန် ဗာန်ဂွံပ္ဍဲသြိုဟ်
သှ်ချာဲဟွံလောဲ ဇၟောဝ်ဍာ်ဗက်ခေတ်
ကွေတ်လ္ပဗၠေတ်ညိ သ္ၚဳရံင်ကိုဝ်သ္ၚောဲ
တၟအ်ညးအဲကၠာ ဂိုတ်ဂ္စါန်ဒးဗ္စာ
ညဳသာဂဟ်ဟေင် တၟေင်ဒဟ်တာလျိုင်။
ပၟင်ဂၠဴ
စဳပျးမန်။