ကြဴနူဗော်ဍုၚ်မန်တၟိ ကဵုပညာ စပ်ကဵုကိစ္စဂဥုဲမူမာဲ ပ္ဍဲတွဵုရးမန် နူဂိတုတုဲကၠုၚ်တေံတုဲ ပ္ဍဲဂိတုဏံ ညးတံ ရပ်ထိၚ်လဝ် မၞိဟ်ထပှ်တၠ ပ္ဍဲဍုၚ်လၟိုၚ်ရောၚ်ဂှ် ပရိုၚ်မကြပ်ကဵု ဗော်ဍုၚ်မန်တၟိ ဟီုရ။
မၞိဟ်ဇၞော်ကွာန် ညးမချဳဓရာၚ်မံၚ် ကရောံဗော်ဍုၚ်မန်တၟိ စပ်ကဵုဗ္တိုက်သ်အး ဂဥုဲမူမာဲဂှ် ကဵုပရိုၚ်တုဲ ဗော်ဍုၚ်မန်တၟိ ရပ်ထိၚ်လဝ် မၞိဟ်တံဂှ်တုဲ ပွဏံဂှ် ဒှ်အစာံသက်သဳခိုဟ် သွက်သၟတ် ညးမသုၚ်စောဲမံၚ် ဂဥုဲမူမာဲ ပ္ဍဲဒေသမန်ရောၚ် ပရိုၚ်မကြပ်ကဵုဗော် ဟီုရ။
ဗီု-ဗော်ဍုၚ်မန်တၟိ
“ညးဇၞော်ခရိုၚ်ထဝဲါတံဂှ် မၚ်ဒၟံၚ်စၞောန် နူဗဟဵုတုဲ ဟွံဂွံဖျေံဒုဟ်ဒဏ်ဏီပုဟ်။ ဟိုတ်နူညးတံ ဂွံတီကေတ်လဝ် မၞိဟ်ထပှ်ဏံဂှ် ဒဒှ်ရဒှ်မံၚ် မၞိဟ်အဓိက သွံပရးဒၟံၚ် ဂဥုဲမူမာဲ ပ္ဍဲတွဵုရးဍုၚ်မန်ဏောဝ်” သာ်ဝွံ ပရိုၚ်မကြပ်တံ ဟီုရ။
ပၞောဝ်ကဵုပ္ဍဲမၞိဟ်ထပှ်တၠဏံ မၞိဟ်မွဲတၠဂှ် ဒှ်သၟာဒယှေ်ဒွက်တုဲ အခိၚ်တုဲတုဲကၠုၚ်တေံ ကေၚ်ရီုဗၚ်ကၠုၚ်လဝ် ညးဍုၚ်ကွာန်တံ ဗွဲမဂၠိုၚ်ဂၠၚ်ဂှ်ရ ညးမွဲတၠဂှ် ဒုၚ်လျိုၚ်တုဲ နုက်ပတိတ်ထောံရောၚ်ဂှ်လေဝ် ပရိုၚ်မကြပ်ဂှ် ဟီုထ္ၜးရ။
ပရေၚ်ဗ္တိုက်သ်အးဂဥုဲမူမာဲဝွံ ပ္ဍဲပွိုၚ်ဍုၚ်ရေဝ်၊ ပွိုၚ်ဍုၚ်လၟိုၚ် ကေုာံ ပွိုၚ်ဍုၚ်ဇြပ်ဗုတံ ချဳဓရာၚ်ကဵုကၠုၚ်ပညာတုဲ ဟိုတ်နူညးဍုၚ်ကွာန်တံ ကဵုကၠုၚ်ဇြဟတ် အရီုအဗၚ် ဂၠိုၚ်ဂှ်ရ ပ္ဍဲပွိုၚ်ဍုၚ်မုဟ်ဍုၚ်၊ ပွိုၚ်ဍုၚ်မတ်မလီု ကေုာံ ပွိုၚ်ဍုၚ်သဓီုတံလေဝ် ဆက်ချဳဓရာၚ်အာကီုရောၚ် ပရိုၚ်နူဒေသမန်တံ ဟီုရ။
ပ္ဍဲပွိုၚ်ဍုၚ်မုဟ်ဍုၚ်ဂှ် လဒေါဝ်ဂိတုအံက်တဝ်ဗာဏံ နူဗော်ဍုၚ်မန်တၟိ ကဵုပညာစပ်ကဵုဂဥုဲမူမာဲတုဲ ဗီုပြၚ်ဂွံရပ်စပ် မၞိဟ်သွံရာန်တံဂှ်လေဝ် သောၚ်ကလးဏာကီုရောၚ် ပရိုၚ်မကြပ်တံ လဴထ္ၜးရ။
မွဲအခိၚ်တေံ စပ်ကဵုဂဥုဲမူမာဲဂှ် ၜိုန်ရဗော် ဟွံဂွံရပ်စပ်ကၠုၚ် မ္ၚးနူတိဍာ်သြဇာဗော်တဴကီုလေဝ် ဟိုတ်နူညးဍုၚ်ကွာန်တံ ဂွိၚ်ဖေက်သၟတ်တံ အနာဂတ်ကၠေံကၠက်အာဂှ်ရ အာတ်မိက်ကၠုၚ်တုဲ ဗော်ဍုၚ်မန်တၟိ တုပ်စိုတ် စရပ်စပ်ကၠုၚ်ရ။
စနူဗော်ရပ်စပ် ချဳဓရာၚ်ကၠုၚ် ကိစ္စဂဥုဲမူမာဲဏံတုဲ နူအလဵုအသဳဗၟာတံလေဝ် စရပ်စပ်ကၠုၚ် ဗိုန်န်ကၟောန်န် ပ္ဍဲတွဵုရးဍုၚ်မန်ကီုရ။
ဂဥုဲချေံ ကေုာံ တၞးကထီု ကော် တၞးဘိၚ်ဂှ် သၟတ်ပ္ဍဲကွာန်တံ သုၚ်စောဲပြးဇးဒၟံၚ်တုဲ ဗွဲမဂၠိုၚ်မ္ဂး သၟတ်မစဴကၠုၚ် နူဍုၚ်သေံတံ သုၚ်စောဲဂၠိုၚ်ရ။ ပရေၚ်ကူသာန်သွံရာန် ဂဥုဲမူမာဲလေဝ် ဒှ်ကမၠောန်သြန်လုပ်ဂၠိုၚ်မွဲတုဲ သွံရာန်ဒၟံၚ် သၠဲသၠဲလးလးအိုတ်ရ။
ပ္ဍဲပွိုၚ်ဍုၚ်ဇြပ်ဗုဂှ် ဟိုတ်နူသွံရာန် တၞံကထီုဂှ်တုဲ ပ္ဍဲဂိတုတုဲကၠုၚ်ဏံဂှ် ဗၠာဲသၟိၚ် အလဵုအသဳတံ ရပ်ထောံ မၞိဟ် ၆ တၠရောၚ်ဂှ်လေဝ် မရိုၚ်မကြပ်တံ ဟီုရ။
တၞးကထီုဝွံ နကဵုနဲကဲနာနာသုၚ်စောဲဒၟံၚ်တုဲ လ္ၚဵုဂှ် ဖက်ကဵုကိုဝ်ကာကိုဝ်လာ (Coca-Cola) လ္ၚဵုဂှ် ဖက်ကဵုဂဥုဲခ္ဍက် လ္ၚဵုဂှ်ဖက်က ဵုဂဥုဲၜူမာဲမွဲသာ်တုဲ သုၚ်စောဲတဴအိုတ်ရ။
ဂဥုဲချေံမွဲမမ္ဂး ၚုဟ်မး မၞုံ ၅,၀၀၀ ဒကေဝ်၊ တၞးကထီုမွဲတၞးမ္ဂး အကြာ ၅၀ ကဵု ၂၀၀ ဒကေဝ် တန်တဴကဵု ဒေသတဵုလောဲဝါတ်တုဲ ၚုဟ်မးတၞးကထီု က္ဍၚ်တန်နွံရ။
မၞိဟ်စောဲစပ်ဒၟံၚ် ဂဥုဲၜူမာဲတံ သွက်ဂွံဆက်သုၚ်စောဲအာပၠန်ဂှ် ဟိုတ်နူသြန်ဟွံမွဲဂှ်ရ ကွဳလိုန်ဓါတ်တံလေဝ် ဒးဒုၚ်ကၠတ်ဒၟံၚ် မွဲနှေံမွဲနှေံတုဲ ပရေၚ်ဂီုကၠီုလေဝ် အောန်တဴဗွဲမလောန်ရောၚ်ဂှ် ညးဒေသတံ ဟီုအိုတ်ရ။
Feedback From
Fri, Nov 2, 2012 at 6:08 PM
Name of sender: naingoo
Email of sender: naingoo2015@email.com
COMMENTS: အဝ်အဲတၚ်ဂုဏ်ကဵုဗော်ဍုၚ်မန်တၟိကွေံကွေံရ ဂဥုဲၜူမာဲဏံ ညံၚ်ဂွံအးဂှ်ဆက်ရပ်အာဍာံဍာံညိဗော် ကဵုဏါဒုဟ်ဍာံဍာံညိဗော်
Feedback From
Sun, Nov 4, 2012 at 5:59 AM
Name of sender: ဒေံဆာန်နာဲ
Email of sender: pliddok@gmail.com
COMMENTS: ဗော်ဍုၚ်မန်တၟိက္လောန်ဏါလၟုဟ်ဝွံ ဂၠံၚ်ဍာန်ခိုဟ်ပြဲသြန်ရ။
Feedback From
Sun, Nov 4, 2012 at 7:39 PM
Name of sender: wen
Email of sender: wenw921@gmail.com
COMMENTS : ပ္ဍဲကဵုကွာန်ကန်နဳ(ကရၚ်ပြည်နယ်)တေံလေဝ်မၞိဟ်သုၚ်စောဲဒးမံၚ်ဂဥုဲချေံဂၠိုၚ်ကွေံရ ညးဇၞော်ဍုၚ်ကွာန်တအ်ညးတာလျု်ိၚ်တအ် ကဵုပိုၚ်ထိၚ်ရပ်ကဵုအိုတ်ညိအာတ်မိက်ရ
Feedback From
Wed, Nov 21, 2012 at 3:34 AM
Name of sender: အံၚ်ဂျာၚ်
Email of sender: ongjai6@gmail.com
COMMENTS : စပ်ကဵုကိစ္စဂဥုဲ ချေံ ပ္ဍဲပွိၚ်ဍျၚ်ရေဝ်ဂှ် ပြးဂၠိုၚ်မံၚ်ဗွဲမဂၠိုၚ်ရ ဒေသပွိုၚ်ရေဝ်ဝွံဒှ်မံၚ်ဒေသဗော်တန်တဴမံၚ်သၞာံဗွဲမလအ်တုဲ ညးမသွံရာန်ဂဥုဲတံလေဝ် အဆက်ဗော်နွံဂၠိုၚ်တုဲ ညှာမုက်ညှာမတ်ရ မိမညးဍုၚ်တံလေဝ်အိုတ်စိုတ်တဴဗွဲမလောန်ရ ဂဥုဲပြးမံၚ်တံဂှ် ညံၚ်ဂွံအိုတ်အာမာန်ဂှ် နူကဵုဗော်ဍုၚ်မန်တၟိ ထိၚ်ဒက်ကေတ်ကဵု အရေဝ်ညိအဴ ကေတ်ကဵုတာ