ဂွံပံက်ပွံက်အဓိပ္ပါယ် လိက်ပတ် ပေၚ်ၚ်ဟီုဂှ်ဝါတ်တဴကွေဟ်ဟ်ရ။ ဣလဵုဒှ်လိက်ပတ်တုဲ ဣလဵုဟွံဒှ်လိက်ပတ်ဂှ် စၞောန်ဟီုဝါတ်ကွေဟ်ဟ်ရ။ မုဟိုတ်ရောဟီုမ္ဂး လိက်ပတ်ဂှ် တၞီလုပ်ဒၟံၚ်ဆမဆေၚ် ကုလိက်သၟးဟွံသေၚ် ဥပမာ ဗီုရုပ်မွဲမွဲကီု၊ တၠုၚ်လအာရမ်သာၚ်မွဲမွဲကီု၊ တၠုၚ်လအာ ဗီုချဳဓရာၚ်မွဲမွဲကီုတအ်ဂှ် လုပ်လၟိဟ်အပ္ဍဲလိက်ပတ်ဖအိုတ်ရ။ ယဝ်ရံၚ်အဓိပ္ပါယ်တံ မအေရေဝ် ”လိက်ပတ်” ဝွံမ္ဂး စေန်ဆက်ကၠုၚ် နူသံသာကြိုတ်ကဵု ပါဠိ ဟီုမာန်ရ။ လိက်ဂှ် ကၠုၚ်နူသံသာကြိုက် လိက မဂွံအဓိပ္ပါယ် ပွမချူခရက်၊ ပတ် ဂှ်ကၠုၚ်နူပါဠိ ပတ္တ ဟွံသေၚ်မ္ဂး ကၠုၚ်နူသံသာကြိုတ် ပတ္တ မဂွံအဓိပ္ပါယ် (တၞံ)ရိုတ်ရ။
ပွမလ္ၚတ်လိက်ပတ်ဝွံ ဒှ်အရာမလ္ၚတ် ညံၚ်ဂွံကၠိုဟ်ကေတ် စိုတ်စရိုတ် တၠုၚ်လအာ အခိုက်ကၞာ ဒ္ဂေတ်ပြဝ ဗီုမံၚ်စံၚ်တၞဟ်ဟ်သာ်ရ။ ပ္ဍဲအရာလ္ၚတ်ဗီုဏအ် လ္ၚတ်ကေတ် ဆနူလိက်ကၞပ်သၟးဂွံ ဟွံသေၚ်၊ လ္ၚတ်ကေတ် နူဗီုရုပ်မွဲမွဲကီု ဗီုပြၚ်ခၞံဗဒှ်လဝ်မွဲမွဲကီုလေဝ် ကလိဂွံမာန်ဒၟံၚ်ဂှ်ရ။ ဟီုမွဲသာ်ပၠန် ဒၟာနူဂှ်ရ မအရေဝ်လိက်ပတ်ဝွံ သၠဲလးအာ စဵုကဵုပံက်ပွံက်အဓိပ္ပါယ်ဟွံမာန်ရ။
တုဲပၠန် ပိုဲတအ်မလ္ၚတ်လိက်ပတ်ခေတ် တုဲကၠုၚ် ၜါသၞာံဟီုဂှ် မဂွံအဓိပ္ပါယ် ပိုဲတအ်လ္ၚတ် ဗီုပြၚ်ဘဝမၞိဟ် မတုဲကၠုၚ် ၜါကၠံသၞာံတေအ်ရ။ ညံၚ်ရဴသာ်ဂှ်ကီု ဒဒှ်မၞိဟ်ပ္ဍဲပစ္စုပ္ပန်ဝွံလေဝ် ယဝ်ရပိုဲဟွံတီလဝ်မ္ဂး ပရေၚ်ကမၠောန်ပိုဲဂှ် ဗၠေတ်အာကဵု မၞိဟ်ပ္ဍဲပစ္စုပ္ပန်တအ်မာန်ဂှ်ရ လိက်ပတ်အပ္ဍဲပစ္စုပ္ပန်ဝွံလေဝ် ပိုဲဒးလ္ၚတ်ကီုရောၚ်။ ကာလဂှ်ဟေၚ် ပိုဲဂွံတီကေတ် ဗီုအၚ္ၚောပ်စိုတ် ကေုာံ အခိုက်အလိုက်မၞိဟ် ပ္ဍဲပစ္စုပ္ပန်ဏအ်မာန်ကီုရောၚ်။ စပ်ကဵုပရူဝွံတုဲ ပွမလ္ၚတ်လိက်တြေံ ပွံၚ်အခဝ်၊ ရမ်သာၚ်၊ ဒွက်ဝါကျ နူခေတ်အဆက်က်တအ်ဂှ် ညးကော်စ လ္ၚတ်ဘာသန္တရဗေဒ linguistic ရ။
တၞဟ်နဂွံကၠိုဟ်ကေတ် လိက်ပတ်အခေတ်အဆက်ဆက် ဗွဲမလောဲသွာ ရန်တၟအ်တုဲ ဗွဲကိုပ်ကၠာ ပတိုန်ထ်ၜးကဵု
ဗီုလဒက်ပတန်တဝှ်လဟီု ကေုာံ တၚ်ရန်တၟအ်တဝှ်တအ် ပ္ဍဲကဵုလဟီုတအ်ဂှ် ကလေၚ်ပါ်ကၠေအ် ဒၞာဲဍေဟ်ကဵုဍေဟ်
ဒဏ္ဍာရဳ၊ အာဂီု၊ ပုံ ဗီုတၞဟ်ခြာတုဲ နူဂှ် ဆက်ပတိုန်ထ်ၜး
လိက်ပတ်မန် နကဵုခေတ်အဆက်ဆက်ရ။
ကေတ်နၚ်နူ ဗဳထဝ်မန်ဇြာ