တ္ၚဲကောန်ဂကူမန် (ဝါ) တ္ၚဲဂကူမန် (အၚ်္ဂလိက်: Mon National Day)ဂှ် ဒှ် တ္ၚဲတၟေင် တ္ၚဲပရဲအိုတ် ပ္ဍဲဂကူမန်တုဲ ဒှ်တ္ၚဲ မပတၟေင် ကုကောန်ဂကူမန်တအ် ပ္တန် ဍုင်ဟံသာဝတဳ ပ္ဍဲသက္ကရာဇ်သာသနာ ၁၁၁၆ ဂိတုမာ် (၁) စွေက် (ခရေတ် ၅၇၃ ဖေဖဝ်ဝါရဳ ၁၅ [၁] တ္ၚဲစန်တေအ်ရ၊၊ ပ္ဍဲအခိင် ကၠာအင်္ဂလိက် ဟွံဂွံကဵု ဍုင်ဗၠးၜးဏီ ပ္ဍဲသၞာံ ၁၉၄၆ တေအ်ဂှ် ဂကူမန်တအ် စချဳဓရာင်ကၠုင် ပရေင်ဂကူမန်ရ၊၊ က္ဍိုပ်သကိုပ် ကေုာံ တၠပညာမန်တအ် ညာတ်ကေတ် တၞဟ်နကောန်ဂကူမန်တအ် ဂွံၚုဟ်ကတဵုတိုန် မွဲဝါပၠန်ဂှ် နွံပၟိက်ဒၟံင် ကမၠောန်ဆဝ်မ္ၚုဟ် စိုတ်ကောန်ဂကူမန်တအ်ရ၊၊ ဟိုတ်ဂှ်ရ မန်တအ် ထေက်ကဵု ဒးစၟတ်သမ္တီ တ္ၚဲဂကူမန် မွဲတ္ၚဲရောင် ဖျေဟ်သ္ဂုတ်သွာတ်ရ၊၊ အကာဲအရာ ဂကူမန် ပ္ဍဲအခိင်ဂှ် ဂကူမန် လတူဍုင်ဇၞော် ဗီုကဵုမတ်မလီုတအ်ဂှ် ဟီုအရေဝ်မန် ဟွံလေပ်တုဲ ဒုင်ပထောအ်ဗၟာအိုတ်၊ ဂကူမန် အကြာကွာန် မဟီုအရေဝ်မန်လေပ်တအ်ဂှ် ဟွံလေပ်ပညာဂတာပ်ခေတ်တုဲ အကာဲအရာ ပရေင်ဍုင်ကွာန် မကတဵုဒှ်ဒၟံင်ဂှ် တီကေတ်ဟွံမာန်၊၊ ဆဂကူမန် ကောန်ညးတၠဒြပ် နူကဵု ကွာန်ဇၞော်ဇၞော် မပ္တံကဵု ကွာန်ကဒေါ၊ ကအ်နှာတ်၊ တကအ်ခၟိုင်၊ (ကၟာဝက်) ကေုာံ ပ္ၚ ညိညတအ်ဟေင် စွံကောန်ဇာတ်ဇကု ပ္ဍဲဘာအလဵုအသဳအင်္ဂလိက်တုဲ ကောန်ကွးဘာတအ်ဏအ် ပံင်ကောံ ကုမန်လတူဍုင်တအ်တုဲ စိုတ်ၚုဟ်ကတဵုကၠုင် လပါ်ပရေင်ဍုင်ကွာန်မန် ကေုာံ ပရေင်ချဳဓရာင် သွက်အခေါင်ဂကူမန်ရ၊၊ ဟိုတ်ဂှ်ရ အတိုင်လၟိဟ် လၟေင်သၞာံ မကၠောန် တ္ၚဲကောန်ဂကူမန်ဂှ် ဒှ်လၟိဟ်သၞာံ ဂကူမန် ကလေင်ၚုဟ်ကတဵုကၠုင် ပ္ဍဲပရေင်ဍုင်ကွာန် နူဂမ္စိုတ် ကြဴနူ မဒးဒုင်ဂစိုတ်ပဠက်ဂကူ ကုသၟိင်ဗၟာ အံင်ဇေယျ ပ္ဍဲသၞာံခရေတ် ၁၇၅၇ (သက္ကရာဇ် ၁၁၁၉)တေအ်တုဲ ဟီုဂွံရ၊၊
တ္ၚဲဂကူမန်
မစကၠောန်
တ္ၚဲဂကူမန်
ဇာန်နဝါရဳ ၂၃၊ ၁၉၄၇ (မရနုက် ကဵု ၇၈)
ဍုင်မတ်မလီု၊ ဘာဝါဍောတ်
မပစၟတ်သမ္တီ ကု
တ္ၚဲဂကူမန် ပ္တန်ဍုင်ဗဂေါ ဟံသာဝတဳ
အခိင် ကေုာံ ဒၞာဲ
သက္ကရာဇ်သာသနာ ၁၁၁၆ မာ် ၁ စွေက် (ဇာန်နဝါရဳ ၂၃၊ ၀၅၇၃ (မရနုက် ကဵု ၁၄၅၂))
ဍုင်ဗဂေါ ဟံသာဝတဳ
မဒယှ်တဴ နကဵု
တ္ၚဲမန်ပ္တန်ဍုင်
တင်ရန်တၟအ်
ဆဝ်မ္ၚုဟ် စိုတ်ကောန်ဂကူမန်
ပရေၚ်ချဳဓရာၚ်
ရှ်ေသှ်ေအလာံၜိုပ်ထဝ် ဂကူမန် ကေုာံ ဝေင်ပြိုင်နာနာ၊ လှ်ေဒယှ်ေနာနာ
ဒၞာဲမကၠောန်ကၠုင်လဝ်
နကဵုဗဟဵု
၁၉၉၆-၂၀၀၉ ဍုင်မတ်မလီု
၂၀၀၈ ဍုင်မုဟ်ဍုင်
၂၀၀၉ ကွာန်ကၟာမဵု
၂၀၁၀ ဍုင်လၟိုင်
၂၀၁၁ ဍုင်ဇြပ်ဗု
၂၀၁၂ ကွာန်ကအ်ဗိန်
၂၀၁၃ ဍုင်ပံင်
၂၀၁၄ ကွာန်ကၟာဝက်
၂၀၁၅ ဍုင်ရေဝ်
၂၀၁၆ ကွာန်ကလအ် (တကအ်ခၟိုင်)
၂၀၁၇ ကျာ်မြဟ်
၂၀၁၈ ကွာန်ထင်ပၠင်
၂၀၁၉ ဍုင်ဟံသာဝတဳ
၂၀၂၀ ဍုင်မတ်မလီု
၂၀၂၁ ဍုင်မတ်မလီု (ဇြပ်မန်/လပှ်ကျာ)
၂၀၂၂ ဍုင်မတ်မလီု
၂၀၂၃ ဍုင်လ္ဂုင် (ၝောအ်ခန် MCC)
၂၀၂၄ ကၟာမဵု (တကအ်ခၟိုင်)
