ဟံသာဝတဳဂြးစပ်

 

        ဒကုတ်(၁) ကလေၚ်ပတိုန် P1ကလေၚ်စဴ

သၞာံ ၁၁၀၇ အိုတ် ကၠောအ် ၁၁၁၀၈ အခိၚ်လဒေါဝ်တ္ၚဲ ပ္ဍဲဂိတုစဲဂ်ှ တ္ၚဲကာတ်ပရာန် ဗွဲမလောန်ရ

ညံၚ်ကဵုသၟိၚ်တ္ၚဲ ဓဝ်မေတ္တာဇၞော် လတူပိုဲတအ်တုဲ မပြာပ်ကၠုၚ် ဇရေၚ်ပိုဲ ကြပ်ပ်ဟာ သာ်ဂှ်ဟွံသေၚ် ဂၠးတိပိုဲ မွဲသၞာံ မွဲအလန် မဒးအာပြာပ်ခစ သၟိၚ်တ္ၚဲဟာ တီကေတ်ဟွံမာန် ပိုဲတအ်ညးဂမၠိုၚ် ပလက်မုက်ဍေၚ် ပလက်ကၞေၚ် ဇွောဝ်ဒၟံၚ် အိုတ်ရ ဆဂး အသိၚ်သမ္ဗာန် မဒြေပ်ဒၟံၚ်တုဲ ကျာၜဳ ကေုာံ သၟုဟ်ဍာ်တအ်ဂှ် ကၠုၚ်ကဗိုက်ဗၜိုဟ်ဒၟံၚ် ဇကုပိုဲတအ်ရ

သြ....လိုက်ဏအ်ဝွံ ဒက်ပ္တန်လဝ်ကဵု အရာမဒစဵုဒစး ၜိုဟ်ကဵုကတဴ သၠုၚ်ကဵုသဝ် ၝောအ်ကဵုကၟက် ဇၞော်ကဵုဍောတ် ဒ်ှတမ်ရ ကတဴနွံ​တှ်ေ ၜိုဟ်ဒးနွံ ၜိုဟ်နွံတှ်ေ ကတဴဒးနွံ သၠုၚ်နွံ​တ်ှေ သဝ်ဒးနွံ ယဲနွံတှ်ေ ဂဥုဲဒးနွံ ဒ်ှနွံတ်ှေလီုဒးနွံ အနစ္စနွံတှ်ေ ထာဝရဒးနွံ အရာမဇၞော်သၠုၚ်ပြဲအိုတ် မၞုံမွဲဓဝ်ဟေၚ် နွံမ္ဂး အရာမဇၞော်သၠုၚ်ပြဲအိုတ် မကမွဲပြကာ မၞုံကဵုမဂၠိုၚ်လေဝ် ဒးနွံကီုရ ၜိုဟ်လောန်ဂ်ှလေဝ် ဟွံခိုဟ် ကတဴလောန်လေဝ် ဟွံဒးရး သီုၜါ ပံၚ်ဗစိုပ်တုဲဆိၚ်ကောတ် ၜိုတ်ဒးရးမ္ဂး ခိုဟ်အိုတ်ရသွံ၊၏၊၊

နူဍုၚ်သြေၚ် မဒ်ှဍုၚ် ပါၚ်ၜဳမှာသၟိတ် ၜဳဂွံလုပ်အာ ဍုၚ်ဗဂေါဂှ် ညးကော်စ ၜဳဗဂေါရ ၜဳဏအ်ဂ်ှၜိုန် ဟွံဇၞော်ကွေဟ်ဟ်ကီုလေဝ် ဟိုတ်နူ မဗစိုပ်ကဵုဍုၚ်ဇၞော်ဗဂေါတုဲ ဂၠုၚ် သမ္ဗာန် က္ၜၚ်တအ် အာကၠုၚ် ဂၠိုၚ်ကွေဟ်ဟ်ရ ၜဳဗဂေါဂ်ှ နူပါၚ်ၜဳဇၞော် တ္ၚံက်လုပ်အာကဵု ဍုၚ်ဗဂေါရ ပ္ဍဲမွဲဒမြိပ် ၜဳဗဂေါဂ်ှ ကွာန်ဍောတ်တ် ဇၞော်ဇၞော် ဗွဲမဂၠိုၚ် မနွံဒၟံၚ်တုဲ ကျာ်စေတဳ ပ္ဍဲကွာန်လ္ၚဵုဂှ်လေဝ် ဂွံညာတ်အာ နူသမ္ဗာန်ဂ်ှကီုရ ဟိုတ်နူ မဒ်ှဒေသ တိကဗေၚ်တုဲ ဍာ်ၜဳဂ်ှ ကၠိခန်ကဗေက်ဒၟံၚ်ရ၊၊

ၜဳဂ်ှ ၜိုန်ရ ဟွံဇၞော် ကွေဟ်ဟ်ကီုလေဝ် တိတ္ကအ်ဒၟံၚ် ပ္ဍဲလဒေါဝ်ၜဳ ပ္ဍဲဗဒါဲသြၚ်တအ်ဂ်ှ ဂွံညာတ်အာဒၟံၚ် မွဲခဏမွဲခဏရ ပ္ဍဲတ္ကအ်ဍောတ်တ်တအ်ဂ်ှ ဒ်ှပတိုန်သ္ၚိဂစေံ မဂၠိုၚ်ကဵုဂကူဂ်ှတအ် ဂွံတန်တဴ ဂွံမံၚ်အာတုဲ ဂစေံဗုဗု လစံက်လစံက် မၞုံဒၟံၚ်ဂၠုၚ်ကဵုဂကူဂ်ှလေဝ် ဂွံဆဵုညာတ်အာဒၟံၚ်ကီုရ ပ္ဍဲဇိုၚ်သြၚ် အကြာတၞံဆုတအ်ဂ်ှလေဝ် ကၞုဲဂေၚ်ဂမၠိုၚ် မဍံၚ်ဓဝုဲအာကၠုၚ်ဒၟံၚ်ဂ်ှ ဂွံညာတ်ကေတ်ဒၟံၚ်ကီုရ၊၊

နူဍဵၚ်သြေၚ် ဂွံစိုပ် ဍုၚ်ဗဂေါဂ်ှ နွံပန်စှော်တိုၚ်ပြၚ်ၚ်ရ ကရောမ် မၞိဟ်ဂမၠိုၚ် ညးလ္ၚဵု မတိုန်နူ ဍုၚ်ကဝ ညးလ္ၚဵု မတိုန်နူ တာဝဂ်ှ လၟုဟ်သမ္ဗာန်ပိုဲ စလုပ်သၞေဟ် ဍုၚ်ဗဂေါရ မၞိဟ် ပ္ဍဲသမ္ဗာန်တအ်ဂ်ှ ပလေဝ်စ ယဝဵုဇကု ဓလေၚ်ဇကုအိုတ်ရ မၞိဟ်တၠကောန်တအ်ဂ်ှ ဂၠေၚ်ကေတ် ကောန်ဇကု စာၚ် မသုန်တြဴမွဲစန် မသုန်တြဴ မွဲစန် မဒက်စန်လဝ် ဇိုၚ်ဂ်ှလေဝ် တၠဍေဟ် ဝှၚ်ပတိုန်ဍေဟ်တုဲ ရမ္သာၚ်စာၚ်တအ် မလရိုဟ်ဂ်ှလေဝ် ဗြုတိတ်ကၠုၚ်ကီုရ ရံၚ်အာ လပါ်သြၚ်တေအ်ဂ်ှ သၟာဓလေၚ်တအ် ပလောအ်ဟွံမွဲ ခါတ်လဝ်ဂၠိက်တုဲ မမၚ်ဒၟံၚ်ဂ်ှ ဂွံဆဵုကေတ်ရ ပ္ဍဲမၞိဟ်ရမၠိုၚ်ဂ်ှ မၞိဟ်လဵုမွဲလေဝ် အဲဟွံတီ မၞိဟ် နတီအဲလေဝ် ဟွံမွဲကီုရ သမ္ဗာန်ဂ်ှ လုပ်သၞေဟ်တုဲ မၞိဟ်ဂါံတိတ် နူသမ္ဗာန်ဂ်ှတၞဟ် မၞိဟ်ဂါံလုပ် သမ္ဗာန်ဂ်ှတၞဟ် ဇိုၚ်မဟွံမွဲကဵုဒၞပ်တအ်ဂ်ှ ယှုက်ထုဲဒၟံၚ် အကြာသမ္ဗာန် ကဵုသၟောန်သၞေဟ်ဂ်ှရ ဗီုပၟိက်ဆန္ဒမၞိဟ်တအ်ဂ်ှ စကာဇိုၚ်ဇကုတုဲ ကဵုပလံၚ်ပစိုပ် ပၟိက်ဆန္ဒဇကုအိုတ်ရ ဂွဳစိုတ်အဲဂ်ှ တ္ၚိန်လ္ၜက်ဂွံ လတူပၞးတုဲ အဲၜေတ်တိတ်အာရ သ္ၚောဲတိတ်အာ နူသၞေဟ်ဂ်ှညိ အဲစိုပ် ပါၚ်တြၚ်ဍုၚ်တုဲ အဲလုပ်အာရ ပ္ဍဲပါၚ်တြၚ်ဂ်ှ ဂွံဆဵုကေတ် ကောန်ပၞာန်ပန် မၚ်ဒၟံၚ်ကၚ်ရ.........။

ဟံသာဝတဳဂြးစပ် ဒကုတ်(၁) ကလေၚ်ပတိုန် P2ကလေၚ်စဴ

အာအရာသီုဖအိုတ်ဂ်ှ အဲသမ္တီဒးဒၟံၚ် ခဗုၚ်ခဗုၚ်ခပါခပါတုဲ စိုတ်အဲ မိက်ဂွံသၟာန် ကောန်ပၞာန်တအ် အလဵုသ္ၚိအပါနော် မနွံဂ်ှ ဒ်ှကၠုၚ်ရ ဆဂး စိုတ်မွဲဂ်ှ ဟီုတိုန် "ဗ်ှေ သမ္တီဒးဒၟံၚ်ရ...ဂၠာဲစမ်ရံၚ်ကၠာ...ဟွံဆဵုကွေဟ်ဟ်တှ်ေ သၟာန်ပၠန်" တုဲအဲဆက် ကွာ်အာရ ဂၠံၚ်ဇၞော် ဍုၚ်ဗဂေါဂ်ှ တပ်ထေၚ်ဒၟံၚ်တုဲ ညာတ်အာဒၟံၚ် သ္ၚောဲသ္ၚောဲကီုရ သ္ၚိ သီုဖအိုတ်တအ်ဂ်ှ ဒ်ှသ္ၚိဆု မကၟဳလဝ် သၠကၞိဂၠိုၚ်တုဲ သ္ၚိလ္ၚဵုဂ်ှ ကၟဳလဝ်ကြောပ် တုဲပၠန် သ္ၚိတအ်ဂ်ှ သၠုၚ်ကွေဟ်ဟ် ဗွဲမဂၠိုၚ် သၟဝ်သ္ၚိဂ်ှ သၠာတ်ဒၟံၚ်တုဲ သၠုၚ်နွံစ ၜိုတ် မွဲခဗးဒ်ှရ သၟဝ်သ္ၚိတအ်ဂ်ှ ဒ်ှဒၞာဲဝေၚ် ကောန်ၚာ်တအ် သာ်ဂ်ှဟွံသေၚ် မဒ်ှဒၞာဲမံၚ် အခိၚ်လဒေါဝ်တ္ၚဲလေဝ် ဒ်ှမာန်ရ ဂတမုက်သ္ၚိတအ်ကြပ်သီုဖအိုန်ဂ်ှ နွံကဵု တၞံသတ်ဗြဴရ ပါဲနူတၞံသတ်ဗြဴတုဲ တၞံဆုတၞဟ် ဗီုကဵုတၞံတဵုတၞံခပြု တၞံကြုက်တၞံသတ်ခၞာဲ တၞံပ္ကဴလေဝ် မနွံဒၟံၚ်ကီုဂ်ှ ဂွံဆဵုကေတ်ရ၊၊

ပ္ဍဲတၞံကြုက်တအ်ဂ်ှ ညံၚ်ရဴ ညးမကွက်လဝ်ဇံၚ်ကီုဍေဟ် တကဲပေၚ်ဒၟံၚ်အိုတ်ရ ဂတမုက်သ္ၚိတအ်ဂ်ှ ကၠောန်လဝ်စၚ် ဍောတ်တ်မွဲတုဲ လဇံက်လဝ် နုၚ်သၚ်္ကြာန် မပေၚ်တဴ နကဵုဇၞောဝ်အလာံ ဇၞောဝ်လတာ်စာၚ် က္ဍိုၚ်ဇၞောဝ် ပ္ကဴသြဴ ထာၚ်သတ်ဗြဴ ကြပ်ပ်ဇၟာပ်ပ်သ္ၚိတုဲ ရံၚ်စ တၟေၚ်တၟဟ်ကွေဟ်ရ သ္ၚိလ္ၚဵုတအ်ဂ်ှ အဃောမပစူ ကၠောန်ဒၟံၚ်စၚ် သွက်နုၚ်သၚ်္ကြာန် ညးလ္ၚဵုဂ်ှ အဃောမဖ္အးဒၟံၚ် သ္ၚိ ကၠအ်လေဝ် နွံတုဲ ဗီုညးကဵုညး ထုဲထံၚ်ဒၟံၚ်အိုတ်ရ တုဲပၠန် ခဗာန်ခဗာန်ဂၠံၚ်ဂ်ှ မၞိဟ်တအ် ထုဲဒၟံၚ်ကဵု ကမၠောန်သြိုၚ်ကၞာထး ဇၞော်ဇၞော် ဍောတ်တ်အိုတ်ရ သၟူပ္ကဴနာဍူ ကဵု သၟူပ္ကဴအနာၚ်လေဝ် မောဝ်ပ္ဍးဒၟံၚ်ရ တ္ၚဲကာတ်ဂၠိုၚ်ခဍၚ် သၟူနာဍူ မောဝ်ခဍၚ်ဟာဂ်ှ စိုတ်ဒ်ှကၠုၚ်ရ ၜိုန်ရ တၞံသတ်ဗြဴတတအ်သၠုၚ် ဂစာန်ဒၞာဒၟံၚ် နကဵုထာၚ်ဂၠိၚ်ၚ်ဇကုကီုလေဝ် ဂွံဆဵုအာဒၟံၚ် ကျာ်မုဟ်တဴ နူသ္ၚောဲသ္ၚောဲကၠးကၠးရ လဒေါဝ်ဂၠံၚ် ကွဳဂၠဴ က္ၜဳချေဟ်တအ် တတ်အာဒၟံၚ်တုဲ သွက်မၞိဟ် မကွာ်ဂၠံၚ်တအ်ဂ်ှ ကွာ်ဒၟံၚ် ခဗဵုဂၠံၚ်ၜါလပါ်ရ ညးတအ် ဂွံအာဒၟံၚ် သၞိၚ်ဆု နာနာသာ်ရ ကွာ်ဂွံ မွဲလစုတ် အဲစိုပ်အာ ဇရေၚ်ကျာ်မုဟ်တဴရ သ္ၚိအပါနော် နွံအလဵု ဇေတ်တ်ဂ်ှ အဲသမ္တီ ဟွံဒး ဆဂး နူကဵုကျာ်ဂ်ှမ္ဂး အဲအာဒးရ တုဲပၠန် ဗဒါဲသ္ၚိဂ်ှကၟာဍာ် မနွံမွဲမဂ်ှလေဝ် အဲသမ္တီဒးရ အဲတိုန်အာ လတူကုန်ဒဵု ကျာ်မုဟ်တဴရ နူသၟဝ် စဵုကဵုစိုပ်ကျာ်ဂ်ှ မၞုံကဵုစၚ်္ကြတုဲ ၜါကရေက်ဂှ် မၞုံကဵုခုၚ်ဂ္ဇအ်ရ အကြာဂ်ှ သီုကဵုဖျာပ္ကဴ ဖျာက္ဍိုၚ်ဇၞောဝ်တအ်လေဝ် နွံကီုရ နူကျာ်မုဟ်တဴ အဲဂေတ်အာဂၠံၚ်တဲပုၚ်တုဲ ကွာ်ဂေတ်ကျာ် စိုပ်စၚ်္ကြ မုက်သၟဝ်ကျာဂ်ှ ဒဒ်ှရ သ္ၚိအပါနော် နွံဂၠံၚ်ဏအ်ဂ်ှ အဲသမ္တီ ဒးကၠုၚ်ရ အဲစ်ှေအာ ပ္ဍဲစၚ်္ကြ ဂၠံၚ်မုက်သၟဝ်ကျာ်ဂ်ှရ စိုပ်သၟဝ်ဂ်ှတုဲ ကလေၚ်ကွာ်အာညိပၠန်ဂ်ှ အဲဂွံဆဵုကေတ် သ္ၚိအပါနော်ရ၊၊

"အဲဟီုမံၚ်ရ ဗ်ှေသမ္တီဒး" အဲဟီုကဵုအဲ ပ္ဍဲစိုတ်တေအ်ရ အရှောံကၠအ်သ္ၚိဂ်ှ လှဲဒၟံၚ်တုဲ သ္ၚိဂ်ှ နွံလဒေါဝ်ကၠအ်ရ နူဂၠံၚ် ဒးကွာ်လုပ်အာ ညိညရ ညံၚ်ရဴသ္ၚိတၞဟ်တအ် မၞုံကဵုတၞံသတ်ဗြဴ ပ္ဍဲဂတမုက်သ္ၚိကီု ဂတမုက် သ္ၚိဏအ်လေဝ် တၞံသတ်ဗြဴ နွံၜိုတ် ၁၀ တၞံ တၞံသတ် နွံၜိုတ် မသုန်တၞံဒ်ှရ အကြာဂ်ှ တၞံကြုက် တၞံတဵုလေဝ် နွံကီုရ နူပါၚ်ဂၠံၚ် စဵုကဵုစိုပ် သ္ၚိတေအ်ဂ်ှ တဵုလဝ် တၞံအနာၚ်ရေၚ်ၚ်တုဲ ၜိုန်ရ အဲဟွံဂွံဆဵုကေတ် မၞိဟ်ကီုလေဝ် သၟူပ္ကဴဂ်ှ ကော်ဘိက်ဒုၚ်ဒၟံၚ်တၠုၚ် ကုအဲ ဆက်ဒၟံၚ်ဒွါပုၚ် ကုအဲရ ၜိုန်ရဂ်ှလေဝ် အဲရောမ်ဓညဒၟံၚ်ညိရ ကၠဵုအပါနော် ယဝ်ရနွံတ်ှေ ဒဒ်ှရ အဲဒ်ှ ကောန်စဴသ္ၚိဏအ်ဂ်ှ ဍေဟ်တီ ဟွံသေၚ် ဂွဳဗအ် အဲမလၜက်လဝ် လတူပၞးဂ်ှ အဲဖျေဟ်တုဲ ထဝက်ကေတ်ရ ကွာ်လုပ်အာ သိုက်က်ဂ်ှအတိုၚ်အဲ မခယျလဝ်ဂ်ှ "ဝုဟ်...ဝုဟ်"ကၠဵုၜါ ဂဇုဟ်ကၠုၚ် ကဵုအသိၚ်တုဲ အဲဒေါအ်တုဲ အဲဘကဵု ဂွဳဗအ်အဲဂ်ှရ၊၊

"ဟေ...အဍာပ်၊ အသာန် ဒေါအ်စမ်"

ရမ္သာၚ် နူကၞာဇဗၠုတေအ် ဗြုကၠုၚ်တုဲ အဲရံၚ်အာ ဂွံဆဵုကေတ် ဣစဳဒေအ်ရ

ကၠဵုၜါဂ်ှလေဝ် ညံၚ်ကဵု မလေပ်ဒၟံၚ်အရေဝ်ကီု ဒေါအ်တုဲ လဝိၚ်ဒံၚ်ဗတရ

"ဟေ ညးဂ်ှရော။"သၟာန်ကၠုၚ်တုဲ အဲဟီုတိုန်

"အဲ အရာံ မမံၚ် ပ္ဍဲသြေၚ်တေအ်လေဝ် ဣစဳဒေအ်"အဲသ်ှကဵုရ

"အဝ် အရာံဟာ ဒ်ှဗၠာဲရဏး အဲကလိၚ်အာ မိဍေဟ် ဟွံကၠုၚ်ဟာ။"

ညးဆက်သၟာန်

"ယွံ ဣစဳ အဲမွဲဓဝ်ရ"အဲသ်ှကဵုရ

"ဣဇ်ှဂ်ှ ကောန်မေန်ပိုဲ အရာမ်လေဝ်" ညးဟီုကဵု ကၠဵုၜါဂ်ှတုဲ ညးဟီုကဵုအဲ "ကော်ဍေဟ်တအ် ဒုၚ်ကဵုတဲ ဍေဟ်ဟွံကိတ် လ္ပဖေက် ကၠဵုမစဳကၠး ကၠဵုမစသုၚ်ဖဲလှဲ ကၠဵုမကလိဂွံလဝ် ဓဝ်မေတ္တာ နူတၠပေၚ်ၚ်တအ်ဂ်ှ ယဝ်ရတၠဍေဟ် ပဒေါအ်ဓရီုကျာ ကုတၠဍေဟ်တုဲမ္ဂး သွက်ဂွံဖေက်ဟွံမွဲ

ဍေဟ်တအ်လေဝ် ညံၚ်ဝတ်ကၟုဲဂွံပြေဂ်ှ ဍေဟ်တအ် ဒုၚ်တၠုၚ်ကီုရ ယဝ်ရဍေဟ်တီ ဇကုလေဝ် ဒ်ှဂကောံသ္ၚိကၟိန်ဂ်ှကီုမ္ဂး နဒဒှ် ဂကောံသ္ၚိကၟိန်မွဲဂ်ှ ဍေဟ်တအ် ဒုၚ်တၠုၚ် ဆက်ဆောံ လတူဇကုရ အဲဂဇုန်ဖျေဟ်တုဲ "အဍာပ်...အသာန်'' အဲကော် ဍေဟ်တအ်တုဲ ဒုၚ်ကဵုစးတဲရ ကၠဵုၜါဂ်ှလေဝ် လွိၚ်ဒၟံၚ်ဗတတုဲ လုပ်ကၠုၚ်ကဵုအဲရ ဍေဟ်တအ် ကၠန်တဲအဲရ ဂအီအဲဂၠိုၚ်တိုန် ညိတုဲညိ စဵုကဵုၚေက်အဲမံက်ရ အဲဇွိတ် ပ္ဍဲဗုၚ်ဍေဟ်တအ်တုဲ ဍေဟ်တအ်လေဝ် ဂၠိန်ဒၟံၚ်ဇိုၚ်အဲကီုရ

"တိုန်သ္ၚိ...မိနော် နွံလတူသ္ၚိရ အပါနော် ဟွံစိုပ်ဏီ" သ္ၚိဂ်ှ ဒ်ှသ္ၚိစိၚ်ၜါတုဲ ကၟဳလဝ်ကြောပ်ရ ပ္ဍဲဓယူတအ်ကီု ပ္ဍဲကၟဳစိၚ်ကီုဂ်ှ နွံကဵု ဒြၚ်ကာဲ စၠောတ်ပ္ကဴနာနာရ တုဲပၠန် ကဝေက်ပ္ကဴလေဝ် နွံဒၟံၚ် ပေၚ်ထာတ်ရ ပ္ကဴနာနာသာ်တအ်ဂ်ှ ပြိုၚ်ကဴဒၟံၚ် ညးသကအ်ရ အကြာကဝေက်ကဴ ဒၞာဲဍံၚ်ဆု မတိတ်ဒၟံၚ်ဂ်ှ ဗ္ဂဲသာန်မွဲမာတိတ်ဒၟံၚ်ညိဟွံချဳရ အဲ ကြာတ်ဇိုၚ်တုဲ ဂါံတိုန်သ္ၚိ နကဵုကၞိန်သာန်ပါန်ရ စိုပ်လတုသ္ၚိ ပ္ဍဲကၟေၚ်ကျာဂ်ှ ဂွံဆဵုကေတ်မိနော် ခေပ်ဒၟံၚ် က္ဍိုၚ်ဇၞောဝ်ရ။.......

ဟံသာဝတဳဂြးစပ် ဒကုတ်(၁) ကလေၚ်ပတိုန် P3ကလေၚ်စဴ

ဗဒါဲမိနော်ဂ်ှ နုၚ်ဍောတ်တ်မွဲမ မပယျေဝ်လဝ် နကဵုစက္ခောဍာ် မခေပ်လဝ် ဗီုပြၚ် ပ္ကဴနာနာသာ်ရ မိနော် ပလေဝ်ဒၟံၚ် သွက်နုၚ်သၚ်္ကြာန်ရ အဲထောအ်မတ် လပါ်ခုၚ်တေအ်ဂ်ှ ဂွံဆဵုကေတ် တောဝ်အသာ်နာနာ အသာ်ထဝ် အသာ်သြန် အသာ်သၚေက်ကဵုဆိၚ် တုဲပၠန် တၞိၚ်ဇၞော်ဇၞော် မဂွံထပက်ပ္ကဴလေဝ် နွံကီုရ ဗဒါဲဂ်ှ သၞာဂဇအ် ခတေဝ်ပး မထပက်ဂွံလဝ် ပ္ကဴကဝက်ကဝုဲ မွဲခတ်ှေလေဝ် နွံရ အဲကလေၚ်ရံၚ် လပါ်မိနော်ဂ်ှ ဒဒ်ှရ ညးဟွံညာတ်အဲဏီတုဲ အဲကော်တိုန် "မနော်"တုဲ ညးကတးရံၚ်ဂ်ှ "ညးဂ်ှရော။" မိနော် သၟာန်ကၠုၚ်ရ "အဲကောန်​စဴမိနော် အရာမ် မံၚ်ဒၟံၚ် ဍုၚ်သြေၚ်တေအ်လေဝ် မိနော် ဟတီအဲ ဟွံဒးဟာ။" အဲသ်ှကဵု မိနော်ရ "အဝ် အရာမ်ဟာ ဒ်ှဗၠာဲရဏး ​ဗ်ှေမွဲဓဝ်ရဟာ ဏၚ်ရဳရော ဟွံကၠုၚ်ဟာ" "ဟအ်ှေ မိဟုကၠုၚ် အဲမွဲဓဝ်ရ" "မိဍေဟ် မံၚ်စ ခိုဟ်ဒၟံၚ်ရဟာ" "ယွံ မံၚ်ခိုဟ်ဒၟံၚ်ရ" "အပါနော်အာ အလဵုရော" ဟိန် မလုပ်ကၠုၚ်ဂ်ှ အဲသၟာန်ရ "အပါနော်ဗ်ှေတအ် အခိၚ်ဏအ် ဟွံစိုပ်သ္ၚိဏီ တ္ၚဲသဝ်မှ စိုပ် ညးအာ ကမၠောန်" "ဆလအ်မှိၚ်သၚ်္ကြာန်စ်ှေရော။"

"ဗ္တံဏအ် စ်ှနာဍဳ။ ကၠောန်ပတုဲ နုၚ်သၚ်္ကြာန်တုဲ ဂွံဖ္အးစ ကၠအ်သ္ၚိညိ" "သၞာံဏအ်

သၟိၚ်သၚ်္ကြာန် ဍိုက်ယာန်ကၠဗၠာဲ ပတၠတဲၜါ မွဲသၞာံကဵုမွဲသၞာံ ဟွံတုပ် သၞာံလ္ၚဵု ညးဍိုက်စ်ှေယာန်နာ်

တဲတြဴ သၞာံလ္ၚဵု ဍိုက်စ်ှေယာန်ကၞိ။ အရာမ်ဟွံတီ ပရူသၟိၚ်သၚ်္ကြာန်ဟာ" "အဲတီဆယၟုရ" "သၟိၚ်ဗြီု ကဵု သၟိၚ်အိန် ပြိုၚ်ပကာန် ကယျာန်ဓဝါတ် ညးသကအ်တုဲ သၟိၚ်ဗြီုကျအာ ၜိုန်ရ လံၚ်လဝ် ညးသကအ် ညးမကျဂ်ှ မဒးဒုၚ် ကုတ်ကအ်ကီုလေဝ် သၟိၚ်အိန် ဟွံမိက်ကုတ် ဆဂး သၟိၚ်ဗြီုဂ်ှ မာနဇၞော် အတိုၚ်ဂတိပါၚ် မဟီုလေဝ်ဒးကၠောန်ရောၚ် ဂးတုဲ နကဵုလပုဟ်တဲညးဂ်ှ ညးကုတ်ထောအ် ကအ်ညးရ က္ဍိုပ် သၟိၚ်ဗြီုဂ်ှ ကတဴ စဵုကဆံၚ်လဵုရောမ္ဂး စွံလတူဒဵုမ္ဂး တိတူလေၚ်အိုတ်

စွံပ္ဍဲၜဳမ္ဂး ၜဳဇတ် စွံပ္ဍဲကျာ်မ္ဂး ဗြဲဟွံဂူ ကပ်ဇၞော်ကဵုဒြဟတ် ကတဵုဒ်ှ ဟိုတ်ဂ်ှရ သၟိၚ်အိန် ဗလးလဝ် ကဵုကောန်ဝုတ်ဒေဝတဴတအ်ဒးရပ်လဝ်ရ တ္ၚဲညးလှာဲရပ် ညးသကအ်မ္ဂး ဒ်ှတ္ၚဲ ပိုဲဝေၚ်သဘၚ်အတး ဝေၚ်သဘၚ်လှာဲသၞာံတုဲ အခိၚ်စိုပ်တဲဒေဝတဴတၞဟ်ဂ်ှတ်ှေ ဒ်ှတ္ၚဲသၞာံတၟိ မွဲမံက် သၞာံဏအ် ဒးအလန် မဟောရာဂ ဒုၚ်ရပ် က္ဍိုပ်သၟိၚ်ဗြီု သၟိၚ်အိန်ဂ်ှ ပ္ဍဲအခိၚ်အတးဏအ် ပိုဲတအ် ကော်စ သၟိၚ်သၚ်္ကြာန်။" "ဒးရပ်လဝ် ပွိုၚ်မွဲသၞာံ မွဲတဲ...မုညးစ်ှေပ ဍုၚ်လိုက်ဏအ်ရော" "ညးစ်ှေရံၚ် ဗီုလဵုမၞိဟ်တအ် မံၚ်ရော တုဲပၠန် ညး​စ်ှေလဴဗ္စ သၞာံဏအ် မုဒ်ှမာန်တုဲ မၞိဟ်တအ် ဂွံပလေဝ်ပလေတ်စဒး သၞာံဏအ် တဲသတုံညး ရပ်လဝ် ပ္ကဴဒက်ှကမဵု သ္ကေံဗၞုဟ်ရတ် တဲဇွိရပ်သၞာ်

သ္ကေံအာဲမံၚ်။ "မုအဓိပ္ပါယ်ရော" ရပ် ပ္ကဴဒက်ှကမဵုဂ်ှ အဓိပ္ပါယ် ဍုၚ်ကွာန်ရာၚ်ဆာဲ ညးကေမ်လဝ်ဗၞုဟ်တ်ှေ ပၞာန်ဒ်ှမာန် ရပ်သၞာ်ဂ်ှ အဓိပ္ပါယ် သတြုဂၠိုၚ် သ္ကေံအာဲမံၚ် အဓိပ္ပါယ် စိၚ်ဒ်ှဥပါတ် ဍိုက်ယာန်ကၠဂ်ှ ကောန်ဝုတ်သၟိၚ်အမာတ် အဵုဇိုတ်မှောဝ်ဇာ ကမၠတ် ဒ်ှလလေၚ်"

"ဟဂ်ှတ်ှေ သၞာံဏအ်ခိုဟ်မံၚ်"

ယွံ ဆဂး ပိုဲဒးစွံသတိ ပၞာန်ဗၟာကွေဟ်ဟ်ဏောဝ် ဒးပခိုၚ်လဝ် ဒပ်ပၞာန်ဏောဝ်"

ဣစဳ ဗက်တိုန်ကၠုၚ်တုဲ ညးဟီုတိုန် "မိ လဴဒၟံၚ်ပေါမ်ဂ်ှ အရာမ်....ကပေါတ်ဗ်ှေ ကေတ်နၚ် အာစွံ ပ္ဍဲဒၞာဲဗ်ှေ "

မနော် ဆက်ဟီုတိုန် "ပေါမ်တ်ှေပေါမ်ရ ဆဂး မၞိဟ်တအ် လဴကၠုၚ် အဆက်ဆက်တ်ှေ ဇကုလေဝ် ဒးတီလဝ်ထေက်ကီု အယုက်တၟာဏအ်ရ ကာလဂ်ှ မုဟိုတ် ညးဂွံပဗီုဏအ် ဇကုဂွံတီလဝ် ဒ်ှကီု ဟွံဒ်ှကီုဂ်ှ စွံလဝ်ကၠာ။ ဣဏအ်ဂ်ှ ဒ်ှအခိုက်ဇကုမွဲရ ဟီုဍာံဍာံဂ်ှ အတးသၚ်္ကြာန်ဏအ်ဂ်ှ

ဒ်ှတ္ၚဲမပြံၚ်လှာဲ နူအခိၚ်ကညၚ် ကၠောအ်အခိၚ်ဗြဲ ဟီုမွဲသာ်ပၠန် ပေၚ်မွဲသၞာံရ ပေါမ်စဏအ်ဂ်ှ ဗဒ်ှကဵု ပိုဲဂွံတၟေၚ်တၟဟ် စိုတ်ဂွံလုပ်စ ပ္ဍဲကမၠောန်မွဲမွဲရ"

အဲလုပ်အာ ၝောအ်အပ္ဍဲရ ဟီုမွဲသာ်ပၠန် အဲလုပ်စိၚ်တၞဟ်ရ လပါ်ပါဲ ဂၠံၚ်လပါ်ဗၟံက်ဂ်ှ ဂွံဆဵုကေတ် သ္ၚိကျာ်မပူဇဴလဝ် ပ္ကဴသြဴနာနာရ ဗဒါဲဂ်ှပၠန် ဂွံဆဵုကေတ်သတ်ဗြဴမွဲမ မပူလဝ် ယာတ်ဗကေတ် ကဵု ယာတ်ဗတာၚ် ဍေၚ်ဒုန်ဍောတ်တ် မွဲစန် တုဲဂ်ှ ရုပ်မၞိဟ်ဗြဴ မဓလဝ် က္ဍိုပ်ပြေၚ်မွဲဂ်ှ ဂွံဆဵုကေတ်ရ ကတရုပ်ဂ်ှလေဝ် ပူဇဴလဝ် ပ္ကဴသြဴကီုရ ဂတမုက်အဲဂ်ှ ဂွံဆဵုကေတ် အခန်ဂမၠိုၚ်ရ

"ဣဏအ် အခန်အပါနော် ကဵုမိနော်" အဲကွာ်အာ ဂၠံၚ်ပါဲတုဲ ''ဣဏအ် အခန်ဣစဳ။ အခန်ဂတဂ်ှ သၠးဒၟံၚ် ၜါအခန်ဂ်ှ အခန်လဵု မိက်ဂွံမံၚ်ရော" ''အခန်ဣစဳ မိက်ဂွံကဵု အဲမံၚ်ဂ်ှတ်ှေ အဲမံၚ်ရ"

''အခန်တေအ် ဇၞော်ညိတ်ှေ မံၚ်အခန်တေအ်" ဣစဳပံက်တြၚ်တုဲ ညးလုပ်အာရ အဲဗက်လုပ်အာကီုရ ပ္ဍဲအခန်ဂ်ှ ခါတ်နွံမွဲ ခုၚ်နွံမွဲမ ကလာဇၞော်ဇၞော် နွံမွဲမရ ဣစဳပံက်ဗတၚ်တုဲ "အခန်ဏအ်ဂ်ှ ဒ်ှအခန် ဣၝောဲဏၚ်ရီဳ" "အခန်မိရဟာ''...ယွံ.......

ဟံသာဝတဳဂြးစပ် ဒကုတ်(၁) ကလေၚ်ပတိုန် P4ကလေၚ်စဴ

“ယွံ ကာလ မိဗှ်ေတအ် နွံအဏအ်ဂှ် မံၚ်လဝ် အခန်ဏအ်ရ။ …

ဒေါအ်ကၠာဏီ အရာမ်လေဝ် ဒှ်လဝ်မၞိဟ် ပ္ဍဲအခန်ဏအ်ရ။ ဗှ်ေတအ် မံၚ်လဝ်

ပ္ဍဲအခန်ဏအ် စဵုကဵုဗှ်ေ ပြံၚ်အာသြေၚ်။ … အဲအာကေတ်ကဵု ယာတ်ကဵုဂၞဳ”

“အဝ် အဲဝိုတ်မံၚ် နာဲဟာန် ညးကဵုနၚ်ပြၚ်တဲ သွက်ဣစဳဒေအ် နွံမံၚ်။” အဲဟီုတုဲ

အဲပံက်ယာတ်စိုက်အဲတုဲ အဲဂၠံက်ပတိတ် ယာတ်ဇာ မွဲဂတှ်ေ မဂွဳလဝ်ခိုဟ်ဟ်တုဲ

ဒုၚ်ကဵု ဣစဳဒေအ်ရ။ ဣစဳဒေအ် အီဒၟံၚ်သောဲသောဲ ပၠးပတိတ် ယာတ်ဇာဂှ်

လိက်မွဲတၞး ဒတုံစှ်ေရ။ “ညးစုတ်လဝ် သီုလိက်မွဲတၞး ပ္ဍဲယာတ်ဇာဂှ် အဲဟွံဂွံ

ဟီုကဵု ဣစဳ။” “နာဲဟာန် မံၚ်စခိုဟ်မံၚ်ရဟာ” “ယွံ” ဣစဳကလိဂွံ ပြၚ်တဲဂှ်တုဲ

တိတ်အာ နူခဒမ်ဂှ်ရ။ နာဲဟာန်ဂှ် ဒှ်ကဝေၚ်ဇြဟာန် ဣစဳဒေအ်တုဲ ညးဒှ်

အစာဓဇဲ မသြိုၚ်က္ၜၚ် ပ္ဍဲဍုၚ်သြေၚ်ရ။ က္ၜၚ်ညးတအ် မသြိုၚ်လဝ်ဂှ် သွံကဵု ရဲဗၞိက်

ယူရောပ်တအ်ရ။ ဟီုဍာံဍာံ ယာတ်ဇာ နာဲဟာန် မကဵုနၚ်ဂှ် မဒှ် ယာတ်ဇာ သဳလ

နူဘာကျာ်ပိုဲ မထပက်လဝ်ရ။ သဳလတအ်ဂှ် ပဲါနူ လ္ၚောဝ်ကျာ် ပတုဲဝေယျာဝစ္စ

ပ္ဍဲဘာတုဲ ထပက်ယာတ်ဇာ။

သဳလလ္ၚဵုဂှ်တှ်ေ ဗိုၚ်လွဳယဲကရောမ်ပေရ် (Père)

လကျာ်ဇၞော်။အဲကွာ်အာ ဇရေၚ်ဗတၚ်တုဲ ရံၚ်တိတ်အာဂှ် ဂွံဆဵုကေတ် ဒၞာဲကရုၚ်သၞေဝ်တုဲ

သၞေဝ်လ္ၚဵု ဗီုကဵုတၞံမိတ် တၞံကြဴတအ်ဂှ် တိကှ်တုဲ တၞံဍေဟ် ကှ်ဒၟံၚ်လတူဂှ်၊

သၞေဝ်လ္ၚဵုဂှ် တိတ်ဒၟံၚ်ဖိုဟ်ရ။ တုဲပၠန် တၞံသတ်ဆု မပ္တံကဵု တၞံပၞဟ်၊ တၞံဗြာတ်၊

တၞံမၚ်ဂုတ်၊ တၞံဒူရေန်တအ်လေဝ် နွံဂၠိုၚ်ကဵုဂကူရ။ “ၜိုဟ်သြိုဟ် သာယာ

ကွေဟ်။” အဲဂဇအ်ဖျေဟ် လတူခါတ်တုဲ ရံၚ်အာ လပါ်ခုၚ်ဂှ်၊ လတူခုၚ်ဂှ် ညးစွံ

လဝ် ရုပ်ၜိုပ်ၜါ ၜိုပ်ၝောအ်ကဵုၜိုပ်ကၟက် လတူတိကုန်ဍောတ်မွဲ မကၠောန်လဝ်

နကဵုတိဂှ် ဂွံဆဵုကေတ်ရ။ ရပ်ရံၚ်ဂှ် ဒဒှ်ရ ခဗိုက်နွံဒၟံၚ်ဂှ် ဂွံတီကေတ်ရ။

တ္ၚဲသဝ် အပါနော် စိုပ်ကၠုၚ်တုဲ အပါနော် ဗီုလဵု ညးဂွံသမ္တီ ရုပ်အဲမဒးဒၟံၚ်ဂှ်

အဲဒှ် အမ်သဝ်ကွေဟ်ဟ်ရ၊၊ ညးဆဵုအဲဗက်ဂှ် ညးကော်တိုန် ယၟုအဲရ၊၊.....

“ယြံ ကာလ မိေဗွ္တအ္ ႏြံအဏအ္ဂွ္ မံင္လဝ္ အခန္ဏအ္ရ။ …

ေဒါအ္ကၜာဏီ အရာမ္ေလဝ္ ဒွ္လဝ္မှိဟ္ ပႜဲအခန္ဏအ္ရ။ ေဗွ္တအ္ မံင္လဝ္

ပႜဲအခန္ဏအ္ စုႝကုႝေဗွ္ ၿပံင္အာေၾသင္။ … အဲအာေကတ္ကုႝ ယာတ္ကုႝဂှ႘”

“အဝ္ အဲဝိုတ္မံင္ နာဲဟာန္ ညးကုႝနင္ျပင္တဲ သြက္ဣစ႘ေဒအ္ ႏြံမံင္။” အဲဟုီတုဲ

အဲပံက္ယာတ္စိုက္အဲတုဲ အဲဂၜံက္ပတိတ္ ယာတ္ဇာ မြဲဂေတွ္ မဂြ႘လဝ္ခိုဟ္ဟ္တုဲ

ဒုင္ကုႝ ဣစ႘ေဒအ္ရ။ ဣစ႘ေဒအ္ အီဒဿံင္ေသာဲေသာဲ ပၜးပတိတ္ ယာတ္ဇာဂွ္

လိက္မြဲတှး ဒတုံေစွ္ရ။ “ညးစုတ္လဝ္ သုီလိက္မြဲတှး ပႜဲယာတ္ဇာဂွ္ အဲဟြံဂြံ

ဟုီကုႝ ဣစ႘။” “နာဲဟာန္ မံင္စခိုဟ္မံင္ရဟာ” “ယြံ” ဣစ႘ကလိဂြံ ျပင္တဲဂွ္တုဲ

တိတ္အာ ႏူခဒမ္ဂွ္ရ။ နာဲဟာန္ဂွ္ ဒွ္ကေဝင္ျဇဟာန္ ဣစ႘ေဒအ္တုဲ ညးဒွ္

အစာဓဇဲ မႀသိဳင္ကၞင္ ပႜဲဍဳင္ေၾသင္ရ။ ကၞင္ညးတအ္ မႀသိဳင္လဝ္ဂွ္ သြံကုႝ ရဲဗှိက္

ယူေရာပ္တအ္ရ။ ဟုီဍာံဍာံ ယာတ္ဇာ နာဲဟာန္ မကုႝနင္ဂွ္ မဒွ္ ယာတ္ဇာ သ႘လ

ႏူဘာက်ာ္ပု႙ မထပက္လဝ္ရ။ သ႘လတအ္ဂွ္ ပဲါႏူ ေလၛာဝ္က်ာ္ ပတုဲေဝယ်ာဝစၥ

ပႜဲဘာတုဲ ထပက္ယာတ္ဇာ။ သ႘လလၛႝဳဂွ္ေတွ္ ဗိုင္လြ႘ယဲကေရာမ္ေပရ္ (Père)

လက်ာ္ေဇှာ္။

အဲကြာ္အာ ဇေရင္ဗတင္တုဲ ရံင္တိတ္အာဂွ္ ဂြံဆုႝေကတ္ ဒှာဲက႐ုင္ေသှဝ္တုဲ

ေသှဝ္လၛႝဳ ဗုီကုႝတှံမိတ္ တှံႀကဵတအ္ဂွ္ တိကွ္တုဲ တှံေဍဟ္ ကွ္ဒဿံင္လတူဂွ္၊

ေသှဝ္လၛႝဳဂွ္ တိတ္ဒဿံင္ဖိုဟ္ရ။ တုဲပၜန္ တှံသတ္ဆု မပၲံကုႝ တှံပှဟ္၊ တှံျဗာတ္၊

တှံမင္ဂုတ္၊ တှံဒူေရန္တအ္ေလဝ္ ႏြံဂၜိဳင္ကုႝဂကူရ။ “ၐိုဟ္ႀသိဳဟ္ သာယာ

ေကြဟ္။” အဲဂဇအ္ေဖ်ဟ္ လတူခါတ္တုဲ ရံင္အာ လပၚခုင္ဂွ္၊ လတူခုင္ဂွ္ ညးစြံ

လဝ္ ႐ုပ္ၐိုပ္ၐါ ၐိုပ္ေဢာအ္ကုႝၐိုပ္ကဿက္ လတူတိကုန္ေဍာတ္မြဲ မေကၜာန္လဝ္

နကုႝတိဂွ္ ဂြံဆုႝေကတ္ရ။ ရပ္ရံင္ဂွ္ ဒဒွ္ရ ခဗိုက္ႏြံဒဿံင္ဂွ္ ဂြံတီေကတ္ရ။

တၛဲသဝ္ အပါေနာ္ စိုပ္ကၜဳင္တုဲ အပါေနာ္ ဗုီလုႝ ညးဂြံသမၲီ ႐ုပ္အဲမဒးဒဿံင္ဂွ္

အဲဒွ္ အမ္သဝ္ေကြဟ္ဟ္ရ၊၊ ညးဆုႝအဲဗက္ဂွ္ ညးေကာ္တိုန္ ယဿဳအဲရ၊၊

စၟဳ……အဆက်နွံမံင်ဏီရအဴ

တၠမူ နာဲဗဳထဝ် မန်ဇြာ ညးမကလေင်တက်ပတိတ်နူလိက် PDF မာံသွက်မန်