နူအဝဲသၟတ် စိုတ်ထတ်ပေင်သဴ
ဗက်ဒုင်မံင်လံ တြုံတံသၞေံသၞဴ
ဒှ်ဗြဴမ ဟွံဂွဍေံအီတဴ…။
၂။…ဗြဴကတိုင်ဇြိုဟ် ဂၠံက်ဂြိုဟ်စက္တာန်
တြုံလဵုကၠုင်ကၠုင် ဗက်ဒုင်ကဵုဂွါန်
ရုပ်ဍေံကျေဝ်တွဵု သီုကဵုဆာန်ဠာန်
ဒ္ဂေတ်ဍေံပၠေင် ဒုင်ဝေင်ကာမကြာန်…။
၃။…ဗြဴမိပ်ကာမ ၜိုတ်ဆဒုင်ဂွါန်
ရုပ်ကျေဝ်လောန်ကွေံ ဆဍေံစိုတ်ဂၠါန်
တေဝ်ထ္ၜးလဝ်ရုပ် တုပ်ခၞေဝ်ဇိုင်ဍာန်
တြုံတံစောဲ လောဲလောဲဝိုတ်ဟွံမာန်။
၄။…ဗြဴတၠကသပ် ခပပ်ကဵုသြန်
ဘဝဍေံလၟုဟ် စွံၚုဟ်ဗက်ပ္တန်
သွက်ကာမဟေင် ဍေံရေင်တၠုင်ဖန်
ဍေံစဖဲ ဗက်ပျဲတြုံဂၠိုင်သန်…။
၅။…ဗြဴမ ဒ္ဂေတ်သဝ် ယုတ်လဝ်ဇဳကၠာ
ဆဵုတြုံဒြပ်ဂၠိုင် ဒုင်ဂၟိုင်ဟွံညှာ
ဗက်လီဟဍာတ် စိုတ်ဓာတ်ဗက်သာ
တီမိပ်သၟး ဗက်ထ္ၜးအစောန်ဟာ…။