၁။…ဗြဴမာနသၠုင် တၞုင်ဂၠိုင်လောန်ကွေံ
ဍေံဟီုလုပ်လၟိဟ် ဍေံမၞိဟ်မံင်သောင်
အခေါင်ညးတၞဟ် ဂွံဂြဟ်ဆာန်ဍေံ
မွဲကွေံဟွံမွဲ အဲမွဲဟေင်ဂး…။
၂။…ဗြဴတၠမာန ဂွလေဝ်ဟွံလေပ်
ကၠတ်ဒေပ်တြုံသ္ကဲ ပျဲလဝ်ကဝေင်
ဗက်ပၠေင်မံင်သြန် အလန်ဂၠိုင်လောန်
ဗက်ယောန်ဒုင်စ ညိမှဟွံရောံ။
၃။…ဗြဴမာနဇၞော် တော်သွက်ဍေံသၟး
ကျေဝ်တၟးလောန်ဂှ် ဒှ်တၠရူပါ
မေတ္တာပ္တောံကီု ဍေံဟီုဆာန်ဍာံ
ကာံဍေံသ္ပသြောံ လီထောံအဲအိုတ်။
၄။…ဗြဴတၠမာန ဗက်ဘလီဠာန်
ညံင်ဆာန်အဲကွေံ ဍေံလီဖျေံစိုတ်
ဟိုတ်ကာမထတ် ဍေံကၠတ်စိုတ်အဲ
ဇၟာပ်တ္ၚဲဒုင်ဂွါန် စိုတ်ဂၠါန်လောန်အာ။
၅။…ဗြဴမာနပၠန် တီသြန်မွဲဓဝ်
စဝ်စုတ်ဍာ်သာဲ ဂၠဲါလီအဲရ
ပရိုင်ဍေံဗ္စံက် မံက်ကၠးကၠုင်ကွေံ
ဍေံထပိုတ်ထောံ ကၠောံတၞဟ်မွဲပၠန်။
၆။…ဗြဴမာနဏံ မံင်လံခ္ဍအ်မံက်
ဂၠံက်ဂြိုဟ်စောန်ကွေံ ဇာတ်ဍေံထ္ၜးဂှ်
ဒယှ်တဴလောန် ၜံင်ကောန်တုဲရ
ဆက်သ္ပဝုတ်ဏီ လီဠာန်မံင်မၞိဟ်
လၟိဟ်ဍေံဗက်ဒုင် ရိုဟ်တၞုင်ဟွံဒး
ဂွးညံင်အရုတ် ဝုတ်မာနသၠုင်
ဒုင်မံင်ဟွံဖဲ ကေတ်မွဲထောံမွဲ
တ္ၚဲဟွံကဵုၜက် ဆက်ဒုင်မေထုန်
ရုန်မဵုယုတ်အိုတ် ဟိုတ်ဍေံမာန…။
