(ပိုယ်ညးၜါဂွံကၠုင်အခေါင်ဆာန်လအ်လောန်ဂၠိုင်ကဵုသၞာံကီုလေဝ်၊ဂိတုသၞာံပြံင်သၠာဲကၠုင်တုဲပရေင်ဆာန်ပိုဲလေဝ်ပြံင်သၠာဲကၠုင်ဗီုဂိတုသၞာံကီု၊
အခေါင်ဆာန်ဟွံမွဲၜိုန်ရစွံလဝ်ကဝေင်လအ်ကီုလေဝ်၊
အခေါင်ဂွံပံင်ဖက်ညးသ္ကအ်ဒှ်ဟွံမာန်ရ။
"ပိုင်ပြဳ"အဃောအဝဲဂၠာဲကဝေင်လေပ်၊ဆဵုဒးသၟတ်ဝုတ်အိန်ရဳ…ဂေတ်ၜက်ကၠုင်အရာပ်ဗၟံက်၊
ပ္ဍဲသ္ၚိအရာပ်ဗၟံက်ဂှ်ဒှ်မံင်သ္ၚိညးသ္ပပေါဲမ္ၚဵုထပ်တဲ၊
အိန်ရဳ…ဂှ်ကၠုင်သ္ၚိပေါဲမ္ၚဵုထပ်တဲဂှ်ရ၊
ပိုင်ပြဳ…ဂှ်ဆဵုညာတ်ဒးအိန်ရဳ…ဂှ်ဗက်၊
စိုတ်မေတ္တာစောဲဗာန်မိက်ဂွံဒှ်ကဝေင်ဇြဟာန်ကဵု
'အိန်ရဳ'ဂှ်ရ၊သ္ၚိပေါဲမ္ၚဵုဂှ်တုဲ'အိန်ရဳ'…ဂှ်က္လေင်စဴအာရ၊
ပိုင်ပြဳ…ဂှ်ချပ်ကူမံင်အလဵုသ္ၚိဍေံနွံမံင်ရောမိက်ဂွံတီကွေံရ၊ချပ်မံင်ပ္ဍဲစိုတ်ဇကုဖိုဟ်စိုပ်အခါမွဲတ္ၚဲဂှ်သ္ကအ်ရဲပိုင်ပြဳဂှ်မာံဘာဲမွဲက္သေအ်အာဝေင်"
ရဲပိုင်ပြဳ''ဗက်အာအဲအာဝေင်သ္ၚိဝုတ်စိုအ်
"ယွံရဲ…အာတှ်ေအာကီုလေဝ်ဗက်အာမာံဘာဲစိုပ်အာဇရေင်သ္ၚိသ္ကအ်ရဲမာံဘာဲတအ်ရ၊အဃောဂှ်
''အိန်ရဳ''ညးတေံဆဵုလဝ်ပ္ဍဲသ္ၚိပေဲါမ္ၚဵုထပ်တဲတေံဂှ်၊အဃောအိန်ရဳဂှ်တုက်မံင်ဍာ်က္ဆံင်မံင်ယာတ်ပဠောံဂှ်၊
''ပိုင်ပြဳ''စၟဳရံင်ညာတ်အာ''အိန်ရဳ''ဂှ်…
တုပ်မံင်သၟတ်ဝုတ်အဲဒးစိုတ်ဂှ်ရ၊ပိုင်ပြဳရံင်အာချိုတ်ချိုတ်ပၠိုတ်တ်တုဲဒှ်မံင်"အိန်ရဳ"ဖိုဟ်ရ၊ဆဂးယၟုဍေံဂှ်ဗီုလဵုပိုင်ပြဳ..ဟွံတီဏီရ၊ဂွံလုပ်ကဵု"အိန်ရဳ"…ဂှ်၊
ဂွံအဆက်ကဵုကဠောမသကောဒေံ"အိန်ရဳ"ဂှ်တုဲ၊
အာဝေင်သ္ၚိဍေံတအ်ရ၊ဆဵုဂဗတက်ကျာကဵုမိမကောဒံဍေံတအ်ရ၊မိမဍေံတအ်လေဝ်စိုတ်ခိုဟ်၊ကောဒေံဍေံတအ်လေဝ်စိုတ်ခိုဟ်မံင်ဖအိုတ်၊"
ပိုင်ပြဳ"ဂွံဟီုအရေဝ်ကဵု"အိန်ရဳ"ဂှ်ဖေက်မံင်ဂံင်င်၊ဟလဵုပဂွံဂံင်ဟီုရော၊ကဵုမိမၝဲဒေံကောဒေံဍေံဂှ်ဂံင်ဟီုမံင်ဖိုဟ်ရ၊ဆဂးကဵု"အိန်ရဳ"ဂှ်ဟွံဂံင်ဟီု၊ဖေက်မံင်လောန်နူကဵုညးတက်လံက်ပၠုဲဏီ၊နူမွဲတ္ၚဲဂှ်ဒှ်တိုန်ဂၠိုင်ကဵုတ္ၚဲဂွံဂံင်ဟီုအရေဝ်ဂှ်၊မိ"အိန်ရဳ"တအ်ဂှ်လေဝ်တုပ်မံင်စိုတ်ရ၊စိုပ်အခါမွဲတ္ၚဲဂှ်မိ"အိန်ရဳ''ဂှ်ညးစကာကဵုကေတ်ကပေါတ်မွဲမွဲတုဲဂွံအာကဵု"အိန်ရဳ"မွဲစွံရ၊
ဠဂှ်မှဂွံဂံင်ဟီုအရေဝ်ကဵု"အိန်ရဳ"ဂှ်ရ၊
"ဒေံဒေံ…ယၟုဒေံဗီုလဵုရော.."ယၟုအဲအိန်ရဳရကော"
"ကောရော…ယၟုဗီုလဵုရော.."ယၟုအဲဂှ်ပိုင်ပြဳရဒေံ"
"အိန်ရဳ"ဗှ်ေကဝေင်နွံမံင်ဟာသၟာန်တိုန်အိန်ရဳရ"
"ဟအှ်ေကဝေင်ဟွံမွဲပိုဲဝါတ်မံင်မၞိဟ်ဝေင်ဟွံမွဲ"
"ကွေံဟာ.မၞိဟ်ဝေင်နွံပၠန်လေဝ်"မွဲတ္ၚဲတုဲမွဲတ္ၚဲပၠန်
ပိုင်ပြဳ'ကဵုအိန်ရဳ'ဂှ်လေဝ်ဒှ်အာကဝေင်ဇြဟာန်ဆာန်
အာညးသ္ကအ်ရ၊"ပိုင်ပြဳ"လေဝ်အာဝေင်မံင်သ္ၚိအိန်ရဳ
တအ်ဂှ်လၟိုန်န်တ္ၚဲရ၊နူမွဲတ္ၚဲကၠောံကၠုင်ဂိတုနူမွဲဂိတုကၠောံကၠုင်မွဲသၞာံဒှ်ကၠုင်ကဝေင်ဇြဟာန်ဆာန်ကၠုင်ညးသ္ကအ်ရ၊လဆောဝ်ဝ်မ္ဂးဗၠေတ်ထေဲခုတ်ညးသ္ကအ်၊
ဟိုတ်နူအိန်ရဳဟွံကၠိုဟ်စိုတ်ပိုင်ပြဳတုဲထေဲကၠုင်၊
ပိုင်ပြဳလေဝ်စိုတ်ဂၠေံမံင်ကီုရဆဂးသၠေံကၠုင်အိန်ရဳဖိုဟ်ရ၊အိန်ရဳလေဝ်ကျာတ်ဝါတ်မံင်၊ပိုင်ပြဳဂှ်လေဝ်ကျာတ်ဝါတ်မံင်၊ပ္ဍဲသ္ၚိအိန်ရဳဂှ်လေဝ်ဟွံပြေပြံင်ဏီတုဲ၊
အိန်ရဳ'ဂှ်ဒးအာကၠောန်စဍုင်သ္အာင်ရ၊(ဍုင်သေံ)
ပိုင်ပြဳကဵုအိန်ရဳဂှ်ဒးသာဲခြာအာညးမွဲမွဲဌာန်ရ၊
ၜိုန်ရသ္ၚောဲသာဲခြာအာကီုလေဝ်ဒှ်မံင်ကဝေင်ဇြဟာန်ဖိုဟ်ဏီရ၊အိန်ရဳဂှ်လေဝ်စိုပ်အာဍုင်သ္အာင်
(ဍုင်သေံ)တုဲဆီမာနဂှ်သၠုင်တိုန်အာကဵုသ္ကအ်ရဲပိုင်ပြဳဂှ်လေဝ်ဍေံဟွံမိက်တက်ကျာ၊
ပိုင်ပြဳဂှ်ဟိုတ်နူဟွံဂွံအခေါင်နူမိမဏီတုဲဟွံဂွံတိတ်အာဇရေင်ကွာန်ဏီရ၊လဆောဝ်ဝ်မ္ဂးပိုင်ပြဳလေဝ်ဆက်ဏာဖုင်ကဵုအိန်ရဳကီုရ၊(Hello)အိန်ရဳမံင်မိပ်ဇြိပ်မံင်ရဟာ၊ဗှ်မံင်သၞာအဲကီုဟာအိန်ရဳ၊သၟာန်တိုန်အိန်ရဳရ
ယွံပိုင်ပြဳအဲမံင်မိပ်ဇြိပ်မံင်ရ၊
ဗှ်မံင်သၞာပိုင်ပြဳကီုရ၊ပိုင်ပြဳလေဝ်မံင်စမိပ်ဇြိပ်
ထတ်ယိုတ်မံင်ကီုရဟာ၊ယွံအဲလေဝ်မံင်မိပ်ဇြိပ်မံင်ကီုရအိန်ရဳ၊ဒးကာလမွဲတ္ၚဲဂှ်ပိုင်ပြဳလေဝ်က္လိဂွံအခေါင်မိမတုဲ၊အာကၠောန်စဍုင်သ္အာင်ကီုရ၊ၜိုန်ရစိုပ်အာဍုင်သ္အာင်(ဍုင်သေံ)ကီုလေဝ်ဂွံဆၜိုတ်ဂွံတက်ကျာဖုင်ကဵုအိန်ရဳကီုရဟိုတ်နူမံင်ဒၟံင်သ္ၚောဲခြာညးသ္ကအ်တုဲ၊ဂွံအာကၠုင်လေဝ်သ္ၚောဲခြာလောန်ရ၊ပိုင်ပြဳဂှ်ဟိုတ်နူကၠောန်စဟွံဂွံ၊ကမၠောန်ဟွံပြေပြံင်တုဲဒးက္လေင်စဴကၠုင်ဌာန်တိဍာ်ကွာန်ဇကုပၠန်ရ၊ဟွံဂွံဆဵုကဝေင်ဇြဟာန်ဇကုလောန်
ၜက်ကၠုင်ပွိုင်ပိသၞာံပၠန်ရ၊စိုပ်အခါမွဲဂှ်ပိုင်ပြဳဟွံယှုအ်ဇဲတုဲဆက်က္လေင်အာဍုင်သ္အာင်ဍုင်သေံတေံပၠန်ရ၊စိုပ်အာဍုင်သေံတေံပၠန်လေဝ်၊ဟွံစိုပ်ဒၞာဲကဝေင်ဇြဟာန်ဇကုပၠန်ဏီဖိုဟ်၊ကၠောန်အာမံင်ဒၞာဲဇကုမံင်ဂှ်လေဝ်ဟွံပြေပြံင်၊ပြံင်အာပြံင်ကၠုင်ကမၠောန်ဂှ်လေဝ်ဟွံခိုဟ်၊
အဃောပိုင်ပြဳဂှ်ချပ်တဴဒၟံင်၊ဗက်အာဇရေင်ကဝေင်
ဇြဟာန်ဇကုနွံဂှ်ခိုဟ်ဟာ၊ဗီုလဵုဒှ်ဒှ်ရလေဝ်၊
ဒၞာဲအိန်ရဳနွံဂှ်ဗက်အာဒဵုစိုပ်ဏောင်၊ပိုင်ပြဳဂှ်စိုပ်အာ
ဇရေင်ကဝေင်ဇြဟာန်ဇကုတုဲ၊မိပ်သၠောင်သ္ပဝ်ဂွံဆဵု
ကဝေင်ဇြဟာန်ဇကု၊စိုပ်အာဒၞာဲတေံတုဲဆဵုကဵု
ကဝေင်ဇြဟာန်ဇကုတုဲ၊တက်ကျာမိပ်အီဂြိုင်ဟွံဂွံဆဵုလအ်၊အိန်ရဳဂှ်စိုတ်ဂၠာန်မံင်ပိုင်ပြဳလေဝ်တီကေတ်ဟွံမာန်၊အဃောပိုင်ပြဳနွံမံင်ပ္ဍဲကွာန်ရညးတၞဟ်တအ်လပူမံင်ပရောပရာအိန်ရဳကၠတ်စွံလဝ်ကဝေင်တၞဟ်ဟ်ဂှ်၊
ပိုင်ပြဳဟွံသ္ပမိင်ဟွံသ္ပကာဟိုတ်ပတှ်ေမံင်စိုတ်အိန်ရဳတုဲ၊ဟိုတ်ဟွံဆဵုနမတ်တုဲ၊ချပ်မံင်ပ္ဍဲစိုတ်ဇကုညဳသာတှ်ေညးတၞဟ်ထပက်ပလီုရန်လဝ်သာ်ဏံတုဲဟွံပတှ်ေကၠုင်ဍက်က်ရ၊ပိုင်ပြဳလေဝ်စိုပ်အာဒၞာဲအိန်ရဳတုဲ
ဟိုတ်နူပိုင်ပြဳလိက်အခေါင်အရာဟွံမွဲတုဲဂွံအာကၠုင်မွဲစွံကဵုအိန်ရဳဂှ်အာဟွံဂွံတုဲ၊အခိင်အိန်ရဳအာဝေင်
ဍေံကၠတ်တောဲမံင်ကဵုညးတၞဟ်၊
ကဵုပိုင်ပြဳလေဝ်ဍေံဟွံမိက်အာ၊ကဵုမၞိဟ်တေံလေဝ်ဍေံကၠတ်ဆာန်မံင်ဖိုဟ်၊ကဵုဇကုလေဝ်ဍေံဟွံထပိုတ်ဏီ
ဖိုဟ်၊ဒှ်မံင်ကဝေင်ကဵုဇကုဖိုဟ်လေဝ်၊
ဒှ်မံင်သံယောဇိုန်၊အိန်ရဳဗှ်ေအာဝေင်မံင်ဂှ်၊
ဗှ်ေတက်လဝ်ဗီုရုပ်မွဲစွံဂှ်ညးဂှ်ရော။
သ္ကအ်ရဲအဲလေဝ်ပိုင်ပြဳ။ကၠောန်မံင်ကမၠောန်မွဲစွံ၊
ဠညးတၞဟ်လဴကဵုပိုင်ပြဳဂှ်ဍေံစွံလဝ်ကဝေင်ကဵုမၞိဟ်တေံ
ပိုင်ပြဳဂှ်စွံလဝ်ၚုဟ်မးဆာန်လ္တူဍေံသက်ပ္တောံၜိုတ်ဟၟဲ
မင်ကၠုင်အိန်ရဳလေဝ်လအ်လောန်ဂၠိုင်ကဵုသၞာံရ၊
သစ္စပိုင်ပြဳလေဝ်ဟွံကဵုလီုအာလ္တူအိန်ရဳဏီရ၊
လ္တူပိုင်ပြဳဂှ်အိန်ရဳကၠတ်စွံမံင်ကဝေင်ဏီဖိုဟ်၊
ၜိုန်ရညးတၞဟ်လဴကဵုပိုင်ပြဳကီုလေဝ်ဟိုတ်နူ
ဟွံဆဵုနမတ်တုဲဟွံပံက်လဴထ္ၜးကဵုအိန်ရဳရ၊
စိုပ်အခါမွဲတ္ၚဲဂှ်ပိုင်ပြဳအဃောကၠောန်မံင်ကမၠောန်တုဲ၊
ဟိုတ်နူသတိယောင်ယာအာမွဲသာ်၊
တဲပိုင်ပြဳဂှ်ဒးအာစက်ဒးဇိင်လဝ်ဒးအာရုင်ဂဥုဲရ၊
က္လေင်နူရုင်ဂဥုဲဂှ်တုဲဆက်ဖုင်ကဵုအိန်ရဳရ၊
Hello အိန်ရဳ တဲအဲဒးအာစက်ယျဒးဇိင်လဝ်၊
လ္ပလဴစကဵုမိမပ္ဍဲကွာန်တေံဏးဖေက်မိမဒှ်ဓဝိင်ဂၠိုင်
'ယွံယွံ'ပိုင်ပြဳအဲဟွံလဴလ္ပဂွိင်ပိုင်ပြဳ၊တုဲဒှ်အာ
မွဲသတ္တဟပၠန်ရ၊ဇကုလဴတဲတုဲအာဍေံလေဝ်ဟွံကၠုင်ကျောဝ်ဍေံလေဝ်ဟွံဆက်ဖုင်၊
ပိုင်ပြဳဆက်ဏာဖုင်ကဵုအိန်ရဳ၊…အိန်ရဳမုဒှ်ဗှ်ေဟွံသၟာန်စပရူအဲရော၊ဗှ်ေလေဝ်ဟွံကၠုင်ကျောဝ်မုဒှ်ရော၊
အိန်ရဳဖျေံထောံဖုင်ဟဂှ်၊ပိုင်ပြဳလေဝ်ဟွံက္လေင်ဆက်
စဵုကဵုတဲပိုင်ပြဳဗၠးအာ၊ဍေံဟွံသၟာန်သၟုက်မွဲသာ်၊ပိုင်ပြဳလေဝ်စိုတ်ဍောတ်မုဟိုတ်ဍေံဟွံသၟာန်ရော၊ကဝေင်လေဝ်ကဝေင်ဇကုဖိုဟ်ရ၊ဒၞာဲဂှ်လေဝ်ပိုင်ပြဳအေင်ဒုင်ထောံမွဲဝါပၠန်ရ၊ပေါဲသ္ဘင်ဒှ်က္သေအ်ကဝေင်ဇြဟာန်ဇကုအာဂေတ်ဗဵုဝေင်သ္ဘင်စိုအ်အိန်ရဳ၊
ဗီုလဵုအိန်ရဳဟီုတိုန်ရောအဲအာဟွံမာန်ဟကု၊
ဇိုင်ချိုတ်ကွာ်ဟွံမာန်အဲဟွံရအာလေဝ်၊
ဗှ်ေဟွံအာတှ်ေအဲအာစကေတ်တ်ရဏးအိန်ရဳ၊
ပိုင်ပြဳဂှ်အာကဵုညးတၞဟ်လေဝ်ဟွံသေင်၊အာကဵုမသကောဒေံအိန်ရဳတအ်ရ၊ပိုင်ပြဳ…စိုပ်အာအတေံတုဲ၊
အဃောပိုင်ပြဳဂေတ်ဗဵုဝေင်မံင်တုဲ၊ဆဵုညာတ်အာအိန်ရဳကၠာအိန်ရဳဂှ်ဟွံညာတ်ပိုင်ပြဳဏီ၊အိန်ရဳတက်မံင်ကျာကဵုမၞိဟ်တြုံတၞဟ်ဟ်မွဲဂှ်ဆဵုညာတ်အာပ္ဍဲမတ်ဇကုရ၊
အလန်ဏံမှသွဟ်ဍေံဂွံမံက်၊ဗီုဂွံထေင်မှာဏာဂှ်ဟွံသေင်ရအလန်ဏံ၊ဒးဒှ်ဍာံမွဲပိုတ်ဗှ်ေချူပတိတ်ဏာယျသွံ၊အေသၟတ်တြုံဍေံတက်မံင်ကျာဂှ်အိန်ရဳကဵုညသၟတ်တြုံဂှ်ကေင်တက်လဝ်ဗီုမွဲစွံလေဝ်ပိုင်ပြဳကေင်ဆဵုလဝ်နွံမံင်ရ၊အလန်ဏံမ္ဂးပုစ္ဆာဏံသွဟ်လောဲလောဲရ၊
ပိုင်ပြဳဆဵုအိန်ရဳလေဝ်ဟွံသၟာန်ဏာပုဟ်၊ပါဲဓလေတ်ထောံမတ်ဇကုရ၊ကာလစိုပ်ဒၞာဲမံင်မဂး၊
ဆက်ဖုက်ကဵုကဝေင်ဇြဟာန်ဇကု၊အိန်ရဳမုပ
ဗှ်ေဟီုဗှ်ေအာဟွံမာန်ဇိုင်ချိုတ်ဂး၊ဗှ်ေကၠတ်တောဲမံင်ကဵုမၞိဟ်တေံမွဲဖိုဟ်ဟာ၊မုပဗှ်ေဂွံလီဠာန်မံင်အဲရော၊
ကဵုမၞိဟ်တေံလေဝ်ဗှ်ေကဵုလဝ်စိုတ်ကဵုအဲလေဝ်ဗှ်ေဟွံထပိုတ်ဏီဖိုဟ်ဟာ၊ဟွံသေင်ပုဟ်ပိုင်ပြဳရဲအဲဏောင်၊
အိန်ရဳဟွံမိက်ဂွံဒုင်ယၟုဏီဖိုဟ်ရ၊မေတ္တာဗှ်ေဂှ်
ညံင်ရဴဍာ်ဂျိရ၊ဘဝပိုယ်ညးၜါဂှ်၊ၜိုန်ရသၞာံလအ်အာကီုလေဝ်၊ၜိုန်ရဗှ်ေဟွံထပိုတ်အဲကီုလေဝ်၊အဲကဵုဗှ်ေဂှ်
ညံင်ညးတၞဟ်မွဲရ၊ဘဝဗှ်ေကဵုအဲဂှ်ညးမွဲမွဲဂၠံင်၊
ဘဝဗှ်ေဂွံသာယာမၞိဟ်ဗှ်ေဆာန်ဂှ်ဗှ်ေပံင်အာညိ၊
အဲကဵုအိန်ရဳလေဝ်အုပ်ကၠေံနိဂီုပ္ဍဲကဵုဍုင်သေံဏံရ၊
နူ၄၃ဂှ်ဒှ်အာ၃၄ရ၊ၜိုန်စွံၚုဟ်မးဒှ်အာမးမးရ။
ဒေံဆာန် ဠာန်လဝ် ဓဝ်လၞီ
ဂွံအီ လၞီစိုတ် ဝိုတ်အာ
ဟိုတ်နူ ကူချပ် က္သပ်မှာ
ဝါစာ မှာကၠုင် ၚုင်လၞီ
ဂလာန်ဝတ္ထုဒးဒှ်ဍာံမွဲပိုဒ်
ချူ ဆီမန်ဇေတ် ဒူရာ