မန်ဟီု
✯✯✯✯✯✯
တိဍာ်မန်ဖအိုတ် ဟိုတ်ကမၠောန်ဟၟဲ
ပိုဲအာဍုင်မ္ၚး ဒးကၠောန်ဇၟာပ်တ္ၚဲ
ဂၠာဲပ္ကောံဒြပ်ကီု သီုဂၞဴဂွံဖဲ
မိမဗျု လ္ၚုသှ်ေသီုဝိဝဲ
ဗၟာဟီု
✯✯✯✯✯✯
ဟိုတ်မန်ဟွံကၠောန် ကမၠောန်ဂၠိုၚ်တဴ
ပိုဲတံကၠုင်ကၠောန် သီုကောန်ဗြဴနှဴ
တိဍာ်မန်ဂှ် မိပ်မြဟ်လောန်အဴ
စိုပ်တုဲလံ ပိုဲတံဟွံမိက်စဴ
ဒဒှ်မန်
✯✯✯✯✯✯
မန်ကၠောန်ဍုင်မ္ၚး ဒးမံင်ဒးတိက်
ဂွံစသုင်ကီု သီုကဵုဒးထၞိက်
ဒဒိုက်လောန်ဂှ် ဟိုတ်ဒှ်ကောန်ဍိက်
ၜိုန်ဂှ်လံ မန်တံမိပ်ညံင်ကၠိက်
ဒဒှ်ဗၟာ
✯✯✯✯✯✯
ဗၟာကၠောန်ဍုင်မန် ဖန်မိပ်လောန်ကၠာ
သ္ၚိဋ္ဌာန်သီုဂၠံင် ဂွံမံင်ဂွံအာ
သြန်မန်ပြင်ကွေံ ဍေံကေတ်ဖျဴဏာ
မံင်လံဂှ် ဒှ်သေဋ္ဌဳမဟာ
က္လေင်ဗ္စာ
✯✯✯✯✯✯
လံညိပၠန်မ္ဂး ပ္ဍဲရးမန်ကၠာ
ကွေတ်ရှ်ေသှ်ေကီ သီုအခိုက်ကၞာ
ကၠာဲကၠေံကၠက်ဏောင် ကဵုသောင်ချပ်ဗ္စာ
ယွံမည လ္ပဝိဝိင်ညိကၠာ
ကရုဏာကေဝ်ဇြုင် ချူ ဥပေက္ခာ မန်