------------=---------------
ညးလ္ၚဵုဟီု ... လကျာ်ဂှ် ”အခွင့်ထူးခံလူတန်းစား“
ညးလ္ၚဵုဟီု ... လကျာ်ဂှ် “ပၠေင်သြန်ဝေင်သ္ဘင်“
ညးလ္ၚဵုဟီု ... လကျာ်ဂှ် ”ဂၠာဲမံင်သြဇာအကြာပရေင်ဍုင်ကွာန်“
ဗီုညးညးဟီု
ညအ်ဍေံဟီု ... ဂလိုင်လကျာ်ဂလိုင်ဂှ် ဓရ်မေတ္တာအောန်မံင် ကၟိန်ဍုင်ပိုယ်တအ်ဂှ်။
အဲလေဝ် ... မိက်ဂွံဟီု ညးဆက်စပ်တအ်ကီု
ဆာန်ဂကူတှ်ေ ညံင်ဂကူဂွံဟတူလတူဇိုင်ဂကူမာန်ဂှ် ဂစာန်ကဵုညိ။
ဆာန်သၟတ်တှ်ေ ညံင်သၟတ်ဂွံဟတူလတူဇိုင်သၟတ်မန်ဂှ် ဂစာန်ကဵုညိ။
ပွမ ဇကုပါမှ ပေဲါတုဲ... ဟွံကော်ပိုယ်လကျာ် .. ဍေံတအ်ထေင် ဍေံတအ်အာကေတ်ဂွံဟာ .. ရပ်လဝ်မူဝါဒဏအ် တုဲ လ္ဗလုပ်ဓလီုဓဍိုက်တေံ ပရေင်ဍုင်ကွာန်သၟတ်တအ်ညိ။
သၟတ်မန်တအ် သီုကဵုအရီုအဗင် ညးကဍိုပ်သ္ကိုပ်ဘာသာတအ် ဟွံပါတုဲ နကဵုဇိုင်ဍေံ ဍေံအာကေတ်မာန်ဟေင် ပရေင်ဍုင်ကွာန်ဍေံ ဂျိုင်ရ။ လဂုဏ်ပါမှ ပိုယ်စန်ဒက်ဂွံ ကျာ်ဇနော်ပါမှ ပိုယ်ပကောံမနိဟ်ဂွံ ဂုဏ်အ္စာကော်မှ ဍေံတအ်ကလုင်ဂှ် ... ဒှ်ဟိုတ်ဂကူမန် ဂွံဠက်ပြဟ် ဂွံကၠေံပြဟ်ရ။
ဗ္တောန်ကွဳလိုန် တံင်ဝံင်ထာတ်ညိ ကေတ်စဟွံမွဲ ... ။ ဂွိင်ကဵီု တံင်ဝံင်ထာတ်တုဲ ဟွံဂံင်ဗ္တောန်ကွဳလိုန်ဂှ်ရ ဆလအ်လေဝ် ဟွံလုပ်ကွီလိုန်ရ။
ညအ်လေဝ် ဟဂှ်ရ က္လုင်မွဲတၞောဝ် ဂုဏ်အ္စာတအ် ဒးပါ၊ ပြဟ်ဟ်ဏအ် ဒးအာဗီုဏအ် ...
ကၠုင်မွဲအခါ ပိုယ်ဒးပါမှ သၟတ်တအ် အာဂွံ၊ ပိုယ်ဟွံပါ လၟုဟ်လီုရ ပတိုန်မံင် ဂလာန် ရပ်မံင် ဝါဒလၟိုန် ကဵုမံင် (ဆင်ခြေ) ဗီုဏအ်လမိုန်ရတှ်ေ .. ဆလအ်လေဝ် သၟတ်တအ် တုပ်တိုန်သၟတ်ဟွံသေင်တုဲ .. မွဲလ္ဗာ်ပလန်ဂှ် သင်တအ် လုပ်ကေတ်မံင်သြဇာ အကြာပေဲါသၟတ်ဟာဂှ်လေဝ် ထေက်ကဵုဒးဒှ်တင်သၟာန်ရ။
မၞိဟ်ဍာံ ဒနာဲဍာံဟီုဂှ် နွံကၠုင်မှ ပေဲါအံင်ဇၞးနွံ။
ပရေင်ဍုင်ကွာန် တုပ်ကု်ပရေင်ဍုင်ကွာန်မှ အံင်ဇၞးနွံ။
ပရေင်ဍုင်ကွာန် တုပ်မံင်ကဵု ပေဲါအခိုက်အက္နာ ဘာ သ္ဘင်လံင်သင်ဇဳ သ္ဘင်လလး သ္ဘင်ပဝ်သၟတ်တှ်ေ ဆလအ်လေဝ် ပရေင်ဍုင်ကွာန် အံင်ဇၞးဟွံသေင်။
ဒနာဲဍေံ ၚုဟ်မးဍေံ နွံမံင်တုဲတုဲရ။
သ္ဘဴဒှ်မံင်ဍာံဂှ် ဇကုဟွံစွံအရီုတုဲ ပွမစံင်ခြင်မံင်ကဵု သဘဴဗ္တောံ ပညပ်မ္ဂး ကလိဂွံ ညာဏ် ကၠိုဟ်တိုန် သဘာဝဒှ်လီု လောက သင်္ခါဏအ်ဟွံသေင်။
ပရေင်ဍုင်ကွာန်လေဝ် တင်နင်ရမျာင်ဇေတ်တ် ဟွံကလိဂွံမ္ဂး အထေင် လညာတ် ရတှ်ေ ဗျူဟာ ဗလောတ်အာနကဵု နတဲတုဲ .. ဟိုတ်နူ သြဇာ ဘာသာ တုဲ ပရေင်ကု်ကေတ်လာဘ် ပွဂြုဲစှ်ေ (ခြစာမှု) လ္ဗကဵုဒှ်အာ အကြာ သၟာန်ကလောန်ပရေင်ဍုင်ကွာန်။
ဗ္ဒဂွံလဝ်ဂုဏ်အ္စာ ကျာ်ဇၞော်မွဲတုဲ ... နကဵုရမျှာင်ဂုဏ်အ္စာ ကျာ်ဇၞော် ပွမကဵုဓလီုဏာ အလုံဂကောံ အတိုင်ပၟိက်ဇကုဂှ်မ္ဂး .. တုပ်ကဵု တက်ပလီုထောံမံင်ဂကောံ ရ။
မန်ပိုယ်ဂှ် ဗွဲအစောံ အခိုက်ဒးရှ်ေသှ်ေသင်နွံမံင်တုဲ ဝိုန်ဟွံစှ်ေသဘဴလေဝ် ဟွံမိက်သှ်ေခ္လေဝ်ရ ... ဟွံဒးစိုတ် ဟွံပြေပြံင်တှ်ေ ပဲါတိတ်အာနူဂကောံရနွံ။ အခိင်ဂှ်တှ်ေသှ်ေမံင် ဘောဂကျာ်ဇၞော် ကဵု မၞိဟ်ဗ္ဒမံင် ကာတ်မံင် ဂုဏ်အ္စာ ၂ ပိတုဲ သှ်ေမံင် ညးတိုန်တၟိ ဟွံတိုန် ဟိုတ်ဖိုလ်တအ်တုဲ ကလောန်အာမံင် ခြခြ ခြေံခြေံရ။
သရုပ်တုဲ မိက်ဂွံဗကန်ဂှ် .. လုပ်ပေဲါသွဟ် ဝိနယ်တှ်ေ ဗှ်အဓိပ္ဗါယ် ဝိနယ်ညိ။
လုပ်ပေဲါသွဟ် အဘိဓရ်တှ်ေ ဗှ်သ္ကအ်တဲ အဘိဓရ်ညိ။ ညအ်မ္ဂး သွဟ်တှ်ေ အံင်ဇၞး။
ဇကု လုပ်ကၠောန်အကြာ ညးဍုင်ကွာန် ပရေင်ဍုင်ကွာန်ရဏောင်တှ်ေ ဗှ်အဓိပ္ဗါယ် လ္ၚတ်ကေတ် သ္ကအ်တဲ လိက်အုပ် ပရေင်ဍုင်ကွာန်တအ်ညိ ..။ ကာလဂှ်မှ ဝေါဟာဍေံ အဓိပ္ဗါယ်ဍေံ ၚုဟ်မးဍေံ ဂွံစွံဒၞာဲဒးတုဲ ဂွံပသောင်ဒး ။ သာ်ဂှ်ဟွံသေင်မ္ဂး အာမံင်နကဵု သွာင်ဒ္ဂေတ်စရိတ် မွဲနဲသၟးရတှ်ေ တုပ်ကဵု ဗှ်လဝ် သဒ္ဒါတုဲ သွဟ်မံင် သီုဇာတ် သီုဌာန် သီုယမိက်တှ်ေ ... လဂွံဍေံတိတ်ကၠုင် ချူဗပေင်ပုစ္ဆာရဂွံ။ တုဲတှ်ေ လဂွံဟွံအံင်ရတိတ်ကၠုင်။
ပရေင်ပညာဂှ် ဗေဒ သိပ္ဗ နွံမံင်ဗွဲဟွံသာပုဟ်။ ဓမ္မ ကျာ်ဝိုန်သှ်ပုစ္ဆာပြဿနာမာန်ဖအိုတ်ကီုလေဝ် ဇကုလ္ၚတ်လဝ် ကဆံင်လဵုတုဲ သ္မာန်ဇကုဇကုညိ။ ဆကဆံင်သဇိုင် ဆကဆံင်ဆက်မိတ်ရတှ်ေ ... ကဵုဏာသ္ဂုတ်သွာတ်နကဵု နိယာမ မွဲမွဲဂှ် ဒးစွံသတိရ။
ဆဵုညာတ်ဒးလိက်ဏအ်တုဲ ... ဒုင်စသိုင်ဝါတ်မံင်ညိကီု။ ဒှ်မံင်ကွေံကွေံဟာ ဂှ် ဒှ်ကၠုင်တင်သၟာန်ပ္ဍဲဇကုဇကုရ။
အဲနာဲ (ပညာစိုတ်)