~~~~~~~
နာဲပိုယ် ဗ္ၜူတုဲ စိုပ်ကၠုၚ်သ္ၚိပိုယ်၊ ဣစဳဒေံလေဝ် နွံမံၚ်ပ္ဍဲသ္ၚိပိုယ်ကီု။
"ကောဇၞော် ရာန်ဖျဴဒၞပ်တုဲ စဴသ္ၚိရ ဒၞပ်တဆိပ်ချေံဂှ် ရာန်ဏာမွဲဆဴ"
"ဒၞပ်အဲတဆိပ်စိၚ်ဏောၚ် ယဝ်ရာန်ဖျဴတဆိပ်ချေံတှ်ေ ဣၝဲဗှ်ေတအ် ဟီုပၠန်ရ"
"အဵု! ဇကုဗ္ၜူမံၚ်တှ်ေ! လ္ပသုၚ်ရ"
"မုပ အဲသုၚ်ဆၜိုတ်တိက်သၠိၚ်ဓဝ်ရ အဲကြအ်မံၚ်လေဝ်ဟွံသေၚ်"
"အး! စဴအာအတိုၚ်ဂှ် ဂွံဒးတမ်ကၟဟ်ပၠန်"
"အဠဳတေံဂွံဒး! ဠဍေံရပ်ကၟဟ်ဂှ် အဲစိုပ်အာအလဵုဟွံတီရ"
"အေဗီုဏံရ ဂွံဒးညာန်မံၚ် ညးသ္ကအ်တွဵုဂှ်"
"အဲလေဝ်ဟွံညာန်ကဵုဍေံ၊ ဍေံဟီုအဲတှ်ေ အဲအာထောံ နူသ္ၚိပၠန်ရ"
"အလဵုစပုၚ်အလဵုရော"
"စပုၚ်ကၞာထးပံက်ၜါတေံရ"
"သဘၚ်ပံက်ၜါ လောန်အာတှ်ေရော"
"ဂၠာဲဒၞာဲတၞဟ်ပၠန်ရ ကမၠောန်ဝါတ်ဟွံသေၚ်"
ဟီုကဵုနာဲဇၞော်ပိုယ်မ္ဂး ဗီုဏံတွဵုရ၊ ညးဂှ်ဟီုဟီုရ ကလေၚ်ဗၠအ် တိုဟ်တိုဟ် ဟွံဒုၚ်ကျပုဟ်၊ ဒးလေဝ် ဒးဂြိုၚ် ဆာန်လေဝ်ဆာန်ဍူ။ ဣနာဲဇၞော်ညာန်ကဵုညးယျမ္ဂး ညးဟွံမွဲရဒၞာဲဂှ်။ ၜုၚ်တက်ယျတှ်ေ နာဲဇၞော်ရ ဂိုဟ်ဂေန်ကၠုၚ်။
ၜိုန်ဂှ်ကီုလေဝ် ပါဲနူသုၚ်တုဲ သွက်ဂွံပတိုန်ဒုဟ်လေဝ် ဟွံမွဲကီုရ။ ဂွံယှုက်ယှုဲထုဲထံၚ်ကု ကောန်ဇာတ်သမ္ဘာညးတၞဟ်ဂှ် ဟွံမွဲ။ အေၚ်ဒုၚ်၊ ဟွံၜုၚ်တက်၊ အခိၚ်ဟွံဗ္ၜူမ္ဂး မၞိဟ်ဟီုအရေဝ်ဍာတ်လ္တူနာဲပိုယ် ၜါဟွံမွဲရ။ ကၠောန်ကဵုဖအိုတ် မုဟွံကရောတ်မွဲလှ်ေ။ ညးဆာန်ဣနာဲဇၞော်ကွေံကွေံ။ ဟိုတ်ဂှ်ရ ဒးဆာန်ဠာန်ညး။
ယဝ်ပတေၚ်သီုညးၜါတှ်ေ ပိုတ်ပြဟ်၊ အခါညးဗပေၚ်ပၟိက်ကဵုအဲ အဲဗပေၚ်ပၟိက်ကုညးမာန်မ္ဂး ဘဝအိန်ထံၚ်လေဝ် မိပ်ဇြိပ်သာယာ ဒှ်အာအိန်ထံၚ် ဆာန်ဆာန်ဠာန်ဠာန်မွဲမာန်ကီု။ အာယုက်အိန်ထံၚ်လေဝ်ဂၠိၚ်မာန်ကီုရ။ သိုက်တုပ်ဝါတ်တုပ်ဂှ် ဟွံကျာတ်ပုဟ်၊ ဟၟဲကဵုတသိုက်စိုတ်ကာယာဂှ် ဝါတ်အိုတ်ရ။
ဆာန်အာဲရတ်
၂၀ - ၁ - ၂လ္ၚီ၂၀
Comments
Post a Comment