မ္ၚဵုသီုညးဖအိုတ်ရအဴ
ဂးဂးအလန်ဏံ
သွက်စုင်ပြံက်နှဴ
ဂစေပ်ရာဲခၟာဲကြဴ
သၞဴစုတ်မွဲပ္ၚာန်
စစမ်မွဲအလန်ပၠန်ဏး
ဒၞာဲဗၠေတ်ဂှ်စၞောန်ထ္ၜး
ဒၞာဲဟွံကၠးဂှ်ဒၠောံဗ္တောန်ညိတင်ဂုဏ်သီုကဵုညးဖအိုတ်ရအဴ
-------------*****-------------
ဂလာန်ဗ္ကန်သွက်ကောန်
ယွံကောန်ယွံကောန် ကမၠောန်ဟွံခိုဟ် ဟွံၜိုဟ်သြိုဟ်ပုဟ်
ကမၠောန်နွံဒုဟ် လၟုဟ်ကၠောန်မဂး ဒးနရက်မာန်
ယဝ်ကောန်တအ်ဒ္ဂေတ် ဟွံဒးဝေတ်ဂၠိုင် ညးဂမၠိုင်ဆာန်
ဟွံခိုဟ်ယဝ်ဂ္စာန် ဂၠံင်ဍာန်ဟၟဲဂှ် ကောန်တအ်ဒှ်ဒုဟ်
ဟိုတ်မိဆာန်ကောန် မိဗ္တောန်ဟီုဂး ဟွံစးဂလာန်
ကောန်ဟွံလီဠာန် ဂ္စာန်ကၠောန်ဟွံဇူ ဇၞူၜိုဟ်ဘဝ
ဂလာန်မိဗ္ကန် တန်စွံပ္ဍဲဂြိုဟ် တီကၠိုဟ်ဗုဒ္ဓ
မေတ္တာမိမ စေတနာပြဲ သၠဲလးဇြဟာန်
သုရာဝိဝိင် မိပ်လဟိင်မံင် ညံင်စိုပ်ဍုင်သွဝ်
ဟီုပေင်ဂၠးကဝ် လ္ပပ္တဝ်က္ဍိုပ်ညိ မိဂွိင်ကောန်လီု
သုင်တုဲဝိဝိင် ဝိုတ်တၠိင်ဂၠံင်ဍာန် သၠာန်လုပ်က္ဍဟ်လီု
မၞိဟ်လေဝ်ဒိုဟ်ဓီု ယဲသီုကှ်ရ လ္ပသုင်မိပ်သ္ပဝ်
ဟိုတ်ဆာန်ကောန်လောန် ဒၠောံဗ္တောန်မံင်ဟေင် လ္ပထေင်မှာဏး
ကောန်သ္ဍိုက်ဂွံကၠး သောင်ထ္ၜးမံင်ကီု သီုသက်သဳရ
မိလက်ဍောင်ပ္ကဴ မချဴၝောံကိုဋ် ပၠောပ်စိုတ်ဍာံပြ
သွက်ကောန်ပုတ္တ ပၠတရဴစၞောန် ကောန်ဂွံစဳကၠး
ဗီုမိဒၠောံဗ္တောန် ကောန်ဒ္ဂေတ်ဗက်မ္ဂး ၚုဟ်မးခိုဟ်လောန်
ဗီုအပါစၞောန် ညံင်ပၞောန်တပ်တး ယဝ်ကၠးပ္ဍဲစိုတ်
ချပ်တုဲပါ်ပါဲ ဒၞာဲဒးဂှ်ကေတ် ဗၠေတ်ဂှ်ပါဲဝိုတ်
ချပ်ဗ္စာကဵုအိုတ် စွံစိုတ်ကဵုမ္ၚိုဟ် လ္ပဒိုဟ်ညိကောန်
ယဝ်ကောန်က္လၚ်မိ ဂဥုဲဂျိဟေၚ် ဝေၚ်ပါဲလ္ပသုၚ်
ဘွကောန်က္ဆံၚ်သၠုၚ် ညးဍုၚ်ကွာန်ဂး ဒးရးကွေံကောန်
ယဝ်ကောန်ဟွံက္လၚ် က္တၚ်ကၠုၚ်တောဝ်မ္ဂး ညးကွာန်လက်ဒေါန်
ရိုဟ်ညာတ်မုက်ကောန် မိဒးအောန်စိုတ် ဟိုတ်က္ဆံၚ်သဝ်ကၠုၚ်
မၞိဟ်ချူဂမၠိုင်👇👇👇✍️✍️✍️
သိုက်လွဳ လောကကမ်တၟိ ဆာန်ဍုင်
ကရုဏာကေဝ်ဇြုင် ဗညာလာဲ ဆီမန်ဇေတ်