----- (review)
ပ္ဍဲကောံဓရီုသၞာံဏအ်ဂှ် ညးတအ် တြးကဵုမံၚ်ပရၚ်တဲ လိက်အုပ် "သၞောဝ်ဥပဒေသ ဂိုဏ်ရာမညနိကာယ ဗွဲခမၞောန်" ဂှ်လေဝ် ဂွံဆဵုကေတ်ရ။
လိက်အုပ်သၞောဝ်ဝွံ ဒှ်လိက်အုပ်သၟတ်တုဲ ဗီုလိက်အုပ်သ္ကေံတဲမွဲရ။ ဗွဲမုက်လိက်မ္ဂး မၞုံ ၃၆ မုက်တုဲ ပ္ဍဲခတာပ်လိက်အုပ်သၟတ်ဝွံ ဘဒ္ဒန္တကေသရ (ပဓာနဟိတဓရ) ဂကောံရာမညဓမ္မာစရိယ၊ အလုံဒေသရးမန် ၁၃၈၁ သၞာံ (၂၀၁၉) သာ်ဝွံ ချူလဝ်လေဝ် ဂွံဆဵုကေတ်ရ။
လိက်အုပ်ဝွံ
အတိုၚ်ဗွဲနိဒါန်လိက်မ္ဂး စၟတ်တ္ၚဲ 24 Aug, 2019 ဂှ် ချူတုဲရောၚ် စၟတ်သမ္တီကေတ်ဂွံရ။ ဗွဲနိဒါန်လိက်အုပ်သၟတ်ဝွံ ဘဒ္ဒန္တကေသရ (ဟိတဓရ) ဂကောံရာမညဓမ္မာစရိယ၊ အလုံဒေသရးမန် ဒှ်ညးမချူနိဒါန်လိက်အုပ်သၞောဝ်ဝွံရ။
ဗွဲနိဒါန်လိက်အုပ်ဝွံမ္ဂး ဂွံကတ်လ္ၚတ်ကေတ် သၞောဝ်ဥပဒေသ ဂိုဏ်ရာမညနိကာယဝွံ ဗွဲလၟေၚ် ၄ လၟေၚ်ဂွံဆဵုကေတ်ရ။ ဗွဲလၟေၚ်ကိုပ်ကၠာအိုတ်ဂှ် ခေတ်သၟိၚ်ဓမ္မစေတီ ပ္ဍဲသၞာံ ၈၃၃ ၊ ဗွဲလၟေၚ် ၂ မ္ဂး ပ္ဍဲသၞာံ ၁၂၁၄ သၞာံ၊ လၟေၚ် (၃) မ္ဂး ၁၂၈၂ သၞာံ၊ ဗွဲလၟေၚ် ၄ မ္ဂး သၞာံ ၁၃၃၃ တအ် ပံၚ်သီုဖအိုတ် ၄ အလန်ဂွံဆဵုကေတ်ရ။
ဂိုဏ်ရာမညနိကာယဝွံမ္ဂး (၁၃၈၀ သၞာံ)
လၟိဟ်ဘာ ၉၈၂
လၟိဟ် ခမဳ ၅၉၂၉
လၟိဟ် သာမဏီ ၃၈၆၄
ပံၚ်သီုဖအိုတ် သၚ်ဂိုဏ်ရာမညနိကာယ ဒှ်အာ ၉၇၉၃ ဇကုမဒှ်ရ။
နူတၠဂုဏ် အာလောက