ကၠုၚ်နူတၚ်ဏှ် ရာဇဝၚ်မန်
နဲမန်တြေံ ဗီုပြေၚ်ပၞာန် နွံအၚ်္ဂ (၁၂) ဂကူ
၁။ သဳဟသေနၚ်္ဂ ပြေၚ်လဝ်ပၞာန်ဇကု နကဵုလွဟ်နာနာ မၞုံကဵုစိုတ်မဂံၚ်သ္ကာ တုပ်ပၟာညံၚ်ရဴသၟိၚ်ဇာဒိသိုၚ်ကီုရ။ ၜိုန်ရသၞသတြုဗိုၚ်လဝ်သီုကဵုပန်ဒိုဟ်ကီုလေဝ် ဟဂွံဖေက်ဂၟံက်သမ္ၚံက်သမ္ၚာတ်တုဲ လုပ်ဒကးကၠေံဒပ်ပၞာန် ညးတၞဟ်မာန်ဂှ် ပၞာန်သၟိၚ်ဇာဒိသိုၚ် မ္ဂးယၟုရ။
၂။ ဗျဂ္ဃသေနၚ်္ဂ ပြေၚ်လဝ်ပၞာန်ဇကု နကဵုလွဟ်ဍောတ်တ်ဇၞော်ဇၞော် ညံၚ်ရဴသၟိၚ်ကၠအောပ်ဗ္ဒမံၚ်ပ္ဍဲဂြိုပ်ခြုံရာပ်ကီုရ ဒှ်တုဲ ညာတ်သၞသတြုတိတ်ကၠုၚ် သၟိပ်ရပ်ကေတ်ဗွဲမဂံၚ်သ္ကာဂှ် ပၞာန်သၟိၚ်ကၠ မ္ဂးယၟုရ။
၃။ သုပဏ္ဏသေနၚ်္ဂ ပြေၚ်လဝ်ပၞာန်ဇကု နကဵုယာန်အာကာသ ဒၟံၚ်ပ္ဍဲဒၞာဲသၠုၚ်ၚ်တုဲ ပွမပန်ဗာ်ထပက် နကဵုလွဟ်သေနာတ် ဗၞုဟ်ဇြၚ် ညံၚ်ရဴသၟိၚ်သ္ပဝ် ဗိုတ်ရပ်ကေတ်နာ်ဂှ် ပၞာန်သၟိၚ်သ္ပဝ် မ္ဂးယၟုရ။
၄။ မေဃသေနၚ်္ဂ ပြေၚ်လဝ်ဇကုမဍိုက်ပေၚ်ကဵု အပေါတ်လွဟ်အိုဿီုတုဲ ပွမပန်ဗလးဏာကံလွဟ် ညံၚ်ရဴဗြဲ မဂူဖျေံကီု၊ ပန်ဗလးဏာကံပၟတ် ယက်မဂၠုဓီု သီုဒိုဟ်ပန်ကီု ဒှ်ရတုဲ ပွမလုပ်တဝ်စၞေဟ်ကဵုသၞသာ်ဂှ်ဝွံ ပၞာန်ဗဂူဗြဲ မ္ဂးယၟုရ။
၅။ ပုပ္ဖသေနၚ်္ဂ ပြေၚ်လဝ်ပၞာန်ဇကု ညံၚ်ရဴထာၚ်ပ္ကဴဒကှ် အထိုၚ်ပ္ကဴဒကှ် ဂၠိုၚ်ကဵုထပ် ဗ္ဂပ်လဝ်လွဟ်ဍောတ်ဇၞော် ပေၚ်ၚ်တုဲ ညာတ်သၞသတြုဗက် ပၞာန်ဇကုကြဴဂှ် ဇက်လုပ်ထပ်ကဵုထပ် တဝ်စၞေဟ်ပြိုၚ်ပ္ကာန်သာ်ဝွံ ပၞာန်ထာ်ပ္ကဴ အထိုက်ပ္ကဴ မ္ဂးယၟုရ။
၆။ မဏ္ဍုကာရသေနၚ်္ဂ ပြေၚ်လဝ်ပၞာန်ဇကု နကဵုလွဟ်ဇၞော်ဍောတ်ပေၚ်ၚ်တုဲ ညာတ်သၞသတြုဗက် မဒံၚ်တိုန်ဂတမၞုံအာကာရ ဗီုၚဴမဒံၚ်အာဂှ် ပၞာန်ၚဴ မ္ဂးယၟုရ။
၇။ ပၞာန်ၚေက်ဂရး ပြေၚ်လဝ်ပၞာန်ဇကု နကဵုလွဟ်ဇၞော်ဍောတ်ပေၚ်ၚ်တုဲ ညာတ်သၞသတြုဗက် ပွမတဝ်စၞေဟ် ဂြးတိုန်အာဂတ စဵုကဵုသၞအး သၞအိုတ်ဂှ် ပၞာန်ၚေက်ဂရး မ္ဂးယၟုရ။
၈။ ပၞာန်ဒြၚ်တၟအ် ပြေၚ်လဝ်ပၞာန်ဇကု နကဵုလွဟ်ဇၞော်ဍောတ်ပေၚ်ၚ်တုဲ ညာတ်သၞသတြုဗက် ဗော်သွးဂမၠိုၚ် မဂၠိုၚ် ဗွဲမဗိုန်ဗတ်ခိုၚ်ကၠိုက်တုဲ လုပ်တဝ်စၞေဟ်ကဵုသၞဒှ်ဒှ်၊ သၞဗိုၚ်ဂွံဒှ်ဒှ်၊ ပွမဒုၚ်တဝ်စၞေဟ်ဟွံချဳအာနူဒၞာဲ ညံၚ်ရဴ မထောံလဝ်ဒြၚ်တၟအ် ဗိုန်ဒမၠိဂှ် ပၞာန်ဒြၚ်တၟအ် မ္ဂးယၟုရ။
၉။ ပၞာန်ဗွဝ်သာဲ ပြေၚ်လဝ်ပၞာန်ဇကု နကဵုလွဟ်ဇၞော်ဍောတ်ပေၚ်ၚ်တုဲ ညာတ်သၞသတြုဗက် ပွမဗိုၚ်လဝ်သၞ ထပ်ကဵုထပ် ကောံလုပ်ကောံလုပ် နကဵုဗွိုၚ်ဒပ်ဇကုထပ်ကဵုထပ် ညံၚ်ရဴဗွဝ်သာဲပဝ်လုပ်တဝ်စၞေဟ်ကဵုသၞဂှ် ပၞာန်ဗွဝ်သာဲ မ္ဂးယၟုရ။
၁၀။ ပၞာန်ပါၚ်ဓမၚ် ပြေၚ်လဝ်ပၞာန်ဇကု နကဵုဒပ်စိၚ်ချေံ မၞိဟ်ဂံၚ်သ္ကာ လပါ်ပါၚ်ဇၞော်၊ လပါ်ဍုတ်ဍောတ် ကဵုဗိုၚ်လဝ်သၞသီုၜါလပါ်( ပဲါ ပုၚ်) တုဲ အဒေါဝ်ကဵုပၞာန်သၞသတြု (ညးတၞဟ်)လုပ် မတုပ်တဴညံၚ်ရဴ ပါၚ်ဓမၚ်ပါမ်ကဂှ် ပၞာန်ပါၚ်ဓမၚ် မ္ဂးယၟုရ။
၁၁။ ပၞာန်မုခ်စောတ် ပြေၚ်လဝ်ပၞာန်ဇကု လပါ်ပါၚ်ဇၞော်၊ လပါ်ဍုတ်ဍောတ် ညံၚ်ရဴမုခ်စောတ် ဍောတ်စွံဗွဲဂတ ဇၞော်စွံလက္ကရဴ ဇၞော်တဴဗွဲမလောန်ဂှ် ပၞာန်စောတ် မ္ဂးယၟုရ။
၁၂။ ပၞာန်ၝောံကိုဋ် ညးဇၞော်သၟိၚ်ဨကရာဇ် အမာတ်သ္ကိုပ်ပၞာန် ဂွံမာန်ဇၞးသၞသတြု ဒးလုပ်တဝ်စၞေဟ် နကဵုလွဟ် ပၠံၚ်ပသဲ ဂံၚ်ၚ်တုဲ တုပ်တဴညံၚ်ရဴဓုပ်ပြကာဂှ် ပၞာန်ၝောံကိုဋ် မ္ဂးယၟုရ။ ( ဂဥုပ်ပၞာန်လေဝ် ဂးရ။)
No comments:
Post a Comment