ပ္ဍဲဂိတုဂျူလာဲ (၁၆) ဒပ်အလဵုသဳ သၟဝ် စကခ (၂၀) လုပ်ဗ္တိုက် သီကေတ်ထောံ ဗ္ဒိုပ်ဒပ်ခရိုၚ်ဗိက် ဗော်ဍုၚ်မန်တၟိ (NMSP) တုဲဂှ် ဆက်ဂြးပသောၚ်ဒၟံၚ် တိဍာ် ပွိုၚ် (၆) တ္ၚဲတုဲ ပ္ဍဲဂိတု ဂျူလာဲ (၂၂) လ္ပာ်က္လေၚ်ဂှ် စံၚ်ပလီုထောံကွာန် သုမၚ်္ဂလံ ရ သာ်ဝွံ နာဲတၟံဆာန် သ္ကိုပ်ဒပ်ဒေသ ခရိုၚ်ဗိက် NMSP ဟီုရ။
“ ဂျူလာဲ (၁၆) ဂှ် ဍေံတအ် ဗ္တိုက်သီကေတ် ဗ္ဒိုပ်။ ဗၠေတ်တုဲ ဗ္တိုက်ဒးအာ ဂးလဝ်ဗီုဂှ်။ ညံၚ်ဂွံ ဓမံက်ကဵု ပရေၚ်ဒဒှ်ဍာံဍာံဂှ် နူပိုဲ ပ္တိုန်ထ္ၜးလဝ် ဒၞါဲမဆေၚ်စပ် အဆံၚ်အဆံၚ်နွံ။ ဆဂး ဍေံတအ် ဆက်မံၚ်ဒၟံၚ် ဒဵုကဵု ဂျူလာဲ (၂၂) တုဲ အခါဍေံတအ် ကြပ်စဴဂှ် စံၚ်ထောံ ကွာန်သုမၚ်္ဂလံ တုဲ ဂျူလာဲ (၂၃) ဖာနူဂယးဂှ် က္လေၚ်စဴအာ” ရဴဝွံ ဂးတဴရ။
ပရေၚ်ဒဒှ်ပေါဲဗ္တိုက်ဝွံ ရန်လဝ် သွက်ဂွံတိုန်ဗ္တိုက် ဒပ်သ္ကိုပ်ဗိုလ်ဇၞော်ပါန်ညောံ မပါ်တိတ် နူဗော်ဍုၚ်မန်တၟိ ဂှ်ဏေါၚ်တုဲ ဗ္တိုက်ဒး ဗၠေတ်အာ သာ်ဝွံ လ္ပာ်အလဵုသဳ က္လေၚ်လဝ် ပရိုၚ်ရ။ ဆ္ဂး ဗ္ဒိုပ် NMSP ကဵု ဗ္ဒိုပ် သ္ကိုပ်ဗိုလ်ဇၞော် ပါန်ညောံတအ်ဂှ် ကြပ်ဒၟံၚ် ညးသ္ကအ်ဟွံသေၚ်၊ သ္ၚောဲခြာဒၟံၚ် ဗၞတ် (၄၀) ကဳလောမဳတာရ။
ပ္ဍဲအစဳဇန် ပရေၚ်ပၞာန် လၟုဟ်ဏံဂှ်ဝွံ လ္ပာ်ဒပ်အလဵုသဳ ဒြဟတ် ၜိုတ် (၈၀) ကံက်နုက်နၚ် နူ ခမရ (၅၈၁)၊ခလရ၂၈၈၊ခမရ၅၈၉၊ခမရ၅၆၆၊ ခမရ၅၉ရ သၟဝ်တဲ စကခ (၂၀) ဂှ်တုဲ တိုန်ဗ္တိုက်ကေတ် ဗ္ဒိုပ်ဒပ်ဗိက် နွံကဵုဒြဟတ် ဗၞတ် (၄၀) တလဂှ်ရ။
ကွာန်သုမၚ်္ဂလံ ဒးဒုၚ်စံၚ်ဂှ်ဝွံ နွံကဵုလၟိဟ်သ္ၚိ ၜိုတ်(၂၀) တုဲ ပ္ဍဲသၞာံဏံမံက်ဂှ်ရ စပ္တန်လဝ်။ ညံၚ်ဂွံ ပသောၚ်ကဵု ကိစ္စဏံဂှ် ဗော်ဍုၚ်မန်တၟိ ပ္တိုန်ထ္ၜး အာတ်မိက်လဝ် ကုသမ္မတကီု ဂးရ။
ကွာန်သုမၚ်္ဂလံ ဝွံ နွံပ္ဍဲပယဵုသေံဗၟာ အကြာ ၜါန်သဖါန်ဏွိ ကဵု ၜါန်သဖါန်ယာဲ ခရိုၚ်ဗဇောပ် ဂတှေ်ဍုၚ်သေံ သ္ကုတ်သမၠုၚ်ကျာ တေံတုဲ တၟော်ကဵု ပယဵုဗၟာမ္ဂး ဍေံနွံဒၟံၚ်ၜိုတ် လ္တူကွာန် လေညာ၊ ပျဳကျဳမာန်တာၚ် ပွိုၚ်ဍုၚ် ဗုက်ပျေန် ခရိုၚ်ဗိက် ရးတနၚ်သဳ တေံရ။
အလဵုသဳဗၟာဝွံ သွက်ဂကောံ ရဲဒိုအ်လဝ် ပန်ပှော်တအ်ဂှ်မ္ဂး သက်သမ္တီကဵု ဗွိုၚ်ပယဵုတိဍာ် ချိုတ်တ် ပၠိုတ်တ် ဟွံမွဲရ။ ဟိုတ် ဟွံသ္ပကဵုသမ္တီ သာ်ဏံဂှ်လေဝ် နွံပၟိက်မ္ဂး ဗီုဒးစိုတ် သ္ဂောံကရေပ်ဓရတ်ဂွံ ရန်သာ်ဂှ်တုဲ လ္ပာ်အလဵုသဳ ကဟဳကၠုၚ် အတိုၚ်ဏံရ။ ပွဗီုဗီုဏံဂှ် အဏံသၟး ဟွံသေၚ် ပ္ဍဲလ္ပာ် တိဍာ် ကံၚ်ဇြဳက္လေၚ်ပ္တန်ရးသေံ (RCSS) ကဵု တိဍာ် ဗော်ပရေၚ်တောတက် ရးသေံ (SSPP) တေံလေဝ် ဒပ်အလဵုသဳတအ် စကာကၠုၚ် နဲဏံကွေံကွေံ ရဲသ္ၚဳဂၠိပ် ပရေၚ်ပၞာန်တအ်ဟီုရ။
စပ်ကဵု ဒပ်အလဵုသဳ ဇန်ဏာပၞာန် ပရေၚ်ဂြးပသောၚ် တိဍာ်ဏံဂှ်တုဲ ပ္ဍဲဂိတု ဂျူလာဲ (၁၈) ဂှ် နူကဵု ဗော်ဍုၚ်မန်တၟိ ပ္တိုန်ထ္ၜးကဵု ဌာန်ဂအုပ်ပၞာန် ရးအဂၞဲ၊ ရုၚ်ဌာန်ဂအုပ် ပရေၚ်ၜိုဟ်လလံဗၟာ ကေုာံ ဒၞါဲမဆေၚ်စပ် တအ် သီုဖအိုတ်တုဲ ဂၠိုက်ဂၠာဲ ဓမံက်ကဵု ပရေၚ်ဒဒှ်ဍာံဍာံညိ အာတ်မိက်လဝ်ရ။ အဟိန် အာတ်မိက်ဒၟံၚ် သွဟ်ဍာံဍာံ ပ္ဍဲဌာန် အဆံၚ်ဆံၚ်တေံဂှ်ရ လ္ပာ်ဏံဂှ် ဒပ်အလဵုသဳ တအ် စံၚ်ထောံကွာန် သုမၚ်္ဂလံ ရ။
“ ဂျူလာဲ (၁၆) ဂှ် ဍေံတအ် ဗ္တိုက်သီကေတ် ဗ္ဒိုပ်။ ဗၠေတ်တုဲ ဗ္တိုက်ဒးအာ ဂးလဝ်ဗီုဂှ်။ ညံၚ်ဂွံ ဓမံက်ကဵု ပရေၚ်ဒဒှ်ဍာံဍာံဂှ် နူပိုဲ ပ္တိုန်ထ္ၜးလဝ် ဒၞါဲမဆေၚ်စပ် အဆံၚ်အဆံၚ်နွံ။ ဆဂး ဍေံတအ် ဆက်မံၚ်ဒၟံၚ် ဒဵုကဵု ဂျူလာဲ (၂၂) တုဲ အခါဍေံတအ် ကြပ်စဴဂှ် စံၚ်ထောံ ကွာန်သုမၚ်္ဂလံ တုဲ ဂျူလာဲ (၂၃) ဖာနူဂယးဂှ် က္လေၚ်စဴအာ” ရဴဝွံ ဂးတဴရ။
ပရေၚ်ဒဒှ်ပေါဲဗ္တိုက်ဝွံ ရန်လဝ် သွက်ဂွံတိုန်ဗ္တိုက် ဒပ်သ္ကိုပ်ဗိုလ်ဇၞော်ပါန်ညောံ မပါ်တိတ် နူဗော်ဍုၚ်မန်တၟိ ဂှ်ဏေါၚ်တုဲ ဗ္တိုက်ဒး ဗၠေတ်အာ သာ်ဝွံ လ္ပာ်အလဵုသဳ က္လေၚ်လဝ် ပရိုၚ်ရ။ ဆ္ဂး ဗ္ဒိုပ် NMSP ကဵု ဗ္ဒိုပ် သ္ကိုပ်ဗိုလ်ဇၞော် ပါန်ညောံတအ်ဂှ် ကြပ်ဒၟံၚ် ညးသ္ကအ်ဟွံသေၚ်၊ သ္ၚောဲခြာဒၟံၚ် ဗၞတ် (၄၀) ကဳလောမဳတာရ။
ပ္ဍဲအစဳဇန် ပရေၚ်ပၞာန် လၟုဟ်ဏံဂှ်ဝွံ လ္ပာ်ဒပ်အလဵုသဳ ဒြဟတ် ၜိုတ် (၈၀) ကံက်နုက်နၚ် နူ ခမရ (၅၈၁)၊ခလရ၂၈၈၊ခမရ၅၈၉၊ခမရ၅၆၆၊ ခမရ၅၉ရ သၟဝ်တဲ စကခ (၂၀) ဂှ်တုဲ တိုန်ဗ္တိုက်ကေတ် ဗ္ဒိုပ်ဒပ်ဗိက် နွံကဵုဒြဟတ် ဗၞတ် (၄၀) တလဂှ်ရ။
ကွာန်သုမၚ်္ဂလံ ဒးဒုၚ်စံၚ်ဂှ်ဝွံ နွံကဵုလၟိဟ်သ္ၚိ ၜိုတ်(၂၀) တုဲ ပ္ဍဲသၞာံဏံမံက်ဂှ်ရ စပ္တန်လဝ်။ ညံၚ်ဂွံ ပသောၚ်ကဵု ကိစ္စဏံဂှ် ဗော်ဍုၚ်မန်တၟိ ပ္တိုန်ထ္ၜး အာတ်မိက်လဝ် ကုသမ္မတကီု ဂးရ။
ကွာန်သုမၚ်္ဂလံ ဝွံ နွံပ္ဍဲပယဵုသေံဗၟာ အကြာ ၜါန်သဖါန်ဏွိ ကဵု ၜါန်သဖါန်ယာဲ ခရိုၚ်ဗဇောပ် ဂတှေ်ဍုၚ်သေံ သ္ကုတ်သမၠုၚ်ကျာ တေံတုဲ တၟော်ကဵု ပယဵုဗၟာမ္ဂး ဍေံနွံဒၟံၚ်ၜိုတ် လ္တူကွာန် လေညာ၊ ပျဳကျဳမာန်တာၚ် ပွိုၚ်ဍုၚ် ဗုက်ပျေန် ခရိုၚ်ဗိက် ရးတနၚ်သဳ တေံရ။
အလဵုသဳဗၟာဝွံ သွက်ဂကောံ ရဲဒိုအ်လဝ် ပန်ပှော်တအ်ဂှ်မ္ဂး သက်သမ္တီကဵု ဗွိုၚ်ပယဵုတိဍာ် ချိုတ်တ် ပၠိုတ်တ် ဟွံမွဲရ။ ဟိုတ် ဟွံသ္ပကဵုသမ္တီ သာ်ဏံဂှ်လေဝ် နွံပၟိက်မ္ဂး ဗီုဒးစိုတ် သ္ဂောံကရေပ်ဓရတ်ဂွံ ရန်သာ်ဂှ်တုဲ လ္ပာ်အလဵုသဳ ကဟဳကၠုၚ် အတိုၚ်ဏံရ။ ပွဗီုဗီုဏံဂှ် အဏံသၟး ဟွံသေၚ် ပ္ဍဲလ္ပာ် တိဍာ် ကံၚ်ဇြဳက္လေၚ်ပ္တန်ရးသေံ (RCSS) ကဵု တိဍာ် ဗော်ပရေၚ်တောတက် ရးသေံ (SSPP) တေံလေဝ် ဒပ်အလဵုသဳတအ် စကာကၠုၚ် နဲဏံကွေံကွေံ ရဲသ္ၚဳဂၠိပ် ပရေၚ်ပၞာန်တအ်ဟီုရ။
စပ်ကဵု ဒပ်အလဵုသဳ ဇန်ဏာပၞာန် ပရေၚ်ဂြးပသောၚ် တိဍာ်ဏံဂှ်တုဲ ပ္ဍဲဂိတု ဂျူလာဲ (၁၈) ဂှ် နူကဵု ဗော်ဍုၚ်မန်တၟိ ပ္တိုန်ထ္ၜးကဵု ဌာန်ဂအုပ်ပၞာန် ရးအဂၞဲ၊ ရုၚ်ဌာန်ဂအုပ် ပရေၚ်ၜိုဟ်လလံဗၟာ ကေုာံ ဒၞါဲမဆေၚ်စပ် တအ် သီုဖအိုတ်တုဲ ဂၠိုက်ဂၠာဲ ဓမံက်ကဵု ပရေၚ်ဒဒှ်ဍာံဍာံညိ အာတ်မိက်လဝ်ရ။ အဟိန် အာတ်မိက်ဒၟံၚ် သွဟ်ဍာံဍာံ ပ္ဍဲဌာန် အဆံၚ်ဆံၚ်တေံဂှ်ရ လ္ပာ်ဏံဂှ် ဒပ်အလဵုသဳ တအ် စံၚ်ထောံကွာန် သုမၚ်္ဂလံ ရ။