ပူဂဵုဂွိၚ်ကဵုဂကူမန်-လိက်မန်ဇေတ်တ်

စနူအခိၚ်မန်ပိုဲကျအာပၞာန်ညးတုဲ လိက်ပတ်မန် ဒးသုန်ဂြာံအာ အကြာပၟတ်အကြာပတေၚ်အိုတ်ရ။ လိက်သၠရိုုတ်သၠတာ ပြကိုဟ်ခိုဟ်ဟ်စပ်ကဵုလိက်လောကုတ္တဵု၊ ဗပါဌ်ပါၚ်ကျာ််တြဲ ပိဋကတ်ပိ ပါဠိအက္ခရ် မပ္တံကဵုအဋ္ဌ ကထာတအ်ဂှ်ကီု၊ လိက်ကၞပ်စပ်ကဵုလိက်လောကဳ ဗေဒၚ် ဟောရာ နက္ချတ်ဇာတာ တဗျရောဂ နိဒါန် ဂြန်ဂဥုဲ မှာသၟိတ်ဂြဳ အာကာသဂြဳ မပ္တံကဵုမၞ်ယၞ်ဥုံသွး ဒှ်အာပတေၚ်ချး သုန်ဂြာံအိုတ်အာတုဲ ပ္ဍဲအပ္ဍဲအကြာဘဲပၞာန်တအ်ဂှ် ကျာ်ဇၞော်အ္စာမၞုံယၟု "ဥတ္တမာရမ္ဘ" တန်တဴဒၟံၚ်ပ္ဍဲဍုၚ်အစွောံ ညာတ်ဒးပွသာ်ဝွံတုဲ လၚ်ဇွောဝ်စိုတ်ဆာန်ဂကူ၊ ဆာန်လိက်ပတ် ၊ ဟွံရန်ကဵုဘဲဗဟေက်၊ ဟွံရန်ကဵုကာယဒှ်လၟောၚ်တုဲ ချပ်အာသွက်ကောန်ဂကူမန် အနာဂတ်ဂတ ဂှ် ချူခၞံတိုန်လိက်ပတ်မန်၊ သ္ပတံနူခတဵုဇၞော်၊ ပြကိုဟ်လောကဳ၊ လောကုတ္တဵု မပ္တံကဵုဗုဒ္ဓဝၚ်၊ ဇာတ်၊ ပါဠိကျာ်တွံလဝ် ဗၞတ်ဗ္ၜတ်ဇကုဂွံလဝ် ချူကှေ်လ္ပာ်ပရေၚ်လောကဳ - ပြကိုဟ်လောကသိဒ္ဓိ၊ ချူခၞံကၠာအိုတ်၊ သ္ပတမ်နူဂှ်တုဲ ဓါတုဝၚ်၊ ရာဇာဝၚ်၊ ကဗျလၚ်္ကာနာနာသာ် သွက်ကောန်ဗွဲကြဴစဴဗွဲဂတ ဂွံဗ္တောန်ဂွံဗှ် ဂွံရပ်စပ်သုၚ်စောဲကၠုၚ်စဵုကဵုတ္ၚဲဏအ် လၟုဟ်ဏီရ။ ရံၚ်ကေတ်ဗီုပြၚ်ဝၚ်ပ္ညုၚ်ထ္ၜးလဝ်သာ်ဝွံတုဲ လိက်ပတ်ပိုဲ ၜိုန်အိုတ်ပိုတ်အာကီုလေဝ် ခန္ဓကာယကောန်ဂကူ ပိုဲဝွံ ဟွံအိုတ်ဟွံချိုတ်ဏီမ္ဂး လိက်ပတ်ပိုဲမံက်ဂတဝ်တၟးက္တဵုဒှ်ကၠုၚ်မာန်မံၚ်ဏီရောၚ်သွံ။ လိက်ကၠေံဂကူကၠေံဟီုမ္ဂးဂှ် ရံၚ်ကေတ်ကဵုဂလာန်သာ်ဝွံတုဲ ဒှ်မာန်-ဟွံမာန် ဗ္စာရဏာနကဵုညာဏ်အိုတ်ညိ။