သၟိၚ်ဗမာအံၚ်ဇေယျတအ် သီဂွံလဝ်ဍုၚ်ဟံသာဝတဳ (ဗဂေါ)တုဲ၊ ဟိုတ်နူတိဍာ်မန်တအ်ဇေတ်တ် ဍေံကြေပ် ဓရတ်ဍဵုဍိုက်ကောန်ဍုၚ်ဟံသာဝတဳတအ်ဂှ် " သ္ဂောံကၠောန်စအာပရေၚ်ပိုန်ဒြပ်ဂှ် လ္ပဟီုဏီ သ္ဂောံမံၚ်စံၚ်စသုၚ်အာ ၜိုတ်လွဳလမျီုဇကုဇကုဂှ် ပ္ဍဲသ္ၚိစှ်မ-မြ-မွဲဟေၚ် ကဵုအခေါၚ်ပိုန်ပြဳကၠောန်ၜိုတ်အာရ။" သ္ၚိစှ်မမြမွဲဟီုဂှ် ဂွံကၠောန်ကလောန်တၞဟ်သ်အာၚ်ဂှ်လ္ပဟီုဏီ၊ အခေါၚ်ဂွံဒန်အှော်ဂှ်လေဝ်ဟွံမွဲ ဆၜိုတ်ကၠောန်ဖျုန် ဒန်စာၚ်ဟေၚ် ပ္ဍဲပွိုၚ်မွဲတ္ၚဲ အခိၚ်အိုတ်အာတုဲ ကောန်ဍုၚ်ဗဂေါတအ် ဒှ်ဒဒိုခ်ဇၞော်ကဵုဇြဟတ်ရ။
နနဲသာ်ဏအ်သၟိၚ်ဗမာပ္တိတ်လဝ်ပၟိၚ်တုဲ ပ္ဍဲမန်တအ် ပြသၞာပရေၚ်ဍုၚ်ကွာန်၊ ပရေၚ်ပိုန်ဒြပ် ဂွံသောၚ်ကၠးဟွံမွဲ၊ နကဵုပၟိၚ်ဍေံတအ်ဂွံမံၚ်စံၚ်စသုၚ်အာ ကဵုဒဒိုခ်ပရိုက်ဘဲနာနာတုဲ မၚ်ဒၟံၚ်အခိၚ်ချိုတ်အိုတ်ရ။ ဂျိုၚ်မံၚ်လေဝ်ဟွံတၟေၚ်၊ လ္ၚဵုဂှ် ဒုၚ်ဟွံမာန်တုဲ ဇကုဇကုဂှ် ဇကုဂစိုတ်ကေတ်ကေတ်ရ။ ပိုန်ဒြပ်လေဝ်အခေါၚ်ဟွံမွဲ ၜိုတ်ဍေံပရအ်ကဵုဂှ်ရ သ္ဂောံစအာဂွံဆက်ဂျိုၚ်အာလမျီု။
အလန်ဏအ်တှေ် မန်တံသ္ဂောံစန်ပ္ကောံညးသ္ကံဂှ် လ္ပဟီုှဏီ၊ ပလံၚ်မံၚ်အခိၚ်ကဵုမြမွဲဂှ် မန်ကဵုမန်ဒှ်သၞဟွံကိတ်ညဳညးသ္ကအ်အိုတ်ရ။ ရံၚ်အာကဵုပရေၚ်ဇြဟတ်သြန်မ္ဂး အခေါၚ်ကလောန်ပရေၚ်ပိုန်ဒြပ် ဟွံမွဲ၊ ရံၚ်အာဇြဟတ်မၞိဟ်လေဝ် ဟွံကိတ်ညဳညးသ္ကံ၊ မၞိဟ်ဂွံဂံၚ်ပၠန်ဂတးကဵုဍေံဟွံမွဲတုဲ နနဲသၞဴဆီကမၠက်ဂကူမွဲနဲ ပၠန်ဂှ် ဍေံဖန်ဇန်ပ္တိတ်တၟိမွဲပၠန်ရ။ "အလုံဍုၚ်မွဲယဝ်ရကောန်ဝုတ်မန်တအ် စှေ်စဒၞာဲအိန်ထံၚ်ကဵုကောန်ပၞာန် ဗမာဍေံတအ်မ္ဂး ကဵုအခေါၚ်ပိုန်ပြဳ - မြ -မွဲရောၚ်" ပၟိၚ်ဍေံတိတ်ကၠုၚ်ဗီုဏအ်ပၠန်ရ။
မန်ဍုၚ်ဗဂေါတအ်ဂွံမိၚ်ကေတ်ပၟိၚ်ဍေံတုဲ လ္ၚဵုမိပ်စိုတ်အိုတ်ရ။ ရဲတၠကောန်ဝုတ်နွံတအ် ချပ်ကၠုၚ်လ္ပာ် ကောန်ဝုတ်ဇကု သွက်ဂွံဖျေံစဒၞာဲကဵု ကုကောန်ပၞာန်ဗမာအိုတ်ရ။ မန်ညးမဆာန်ဂကူတအ် ဒၟာနူ မြမွဲဓဝ် ကောန်ဝုတ်ဇကုလေဝ် မ္ဒးကဵုစကောန်ပၞာန်ဍေံ၊ ဂကူဇကုလေဝ် မ္ဒးကၠက်အာနကဵုဂလာန်"က-လေၚ်အကြာကဝေက်၊ၚ္ၚုဲလေၚ်အကြာဖရံက်"ကီုရ။ ဒၟာနူမြဏအ်မွဲ ဂကူမန်တအ် လေၚ်အာသီုယာဲတကောဒေံေတၞောဝ်ဒတောဝ်ရ။ လ္ၚဵုဂှ် ၜိုန်ရချပ်ဂွံကီုလေဝ် ကၞောတ်တဲဒးချပ် ကၠုၚ်လ္ပာ်ကောန်ဝုတ်ဇကုကီုရ။
ညးလ္ၚဵုကောန်ဝုတ်ဇကုဂွံအယုက် (၁၀)သၞာံဓဝ်တုဲ ဂတနူဏအ် ၅-သၞာံပၠန်မ္ဂး ကောန်ဝုတ်ပိုဲ-ပိုဲဖျေံစဒၞာဲ ကဵုကောန်ပၞာန်ဗမာတုဲ ပိုဲလေဝ်ဂွံအခေါၚ်ပိုၚ်ပြဳ-မြ-မွဲကီုရ။ သ္ပဟိုတ်မြမွဲဏအ် ပွိုၚ်(၆၇)သၞာံ၊ မန်ဍုၚ်ဗဂေါကၠေံ ကၠက်အာ ဂကူကၠာဲအာအိုတ်ရ။ အခိၚ်မန်ဍုၚ်ဗဂေါ ဗီုလဵုစိုတ်ဓါတ်ဆာန်ဂကူနွံနွံ၊ အရေဝ်ဘာသာ သာသနာဗီုလဵုဆာန်ဆာန် ယေန်သၞာၚ်အခိုက်ကၞာမန် ၜိုတ်လဵုမိက်ဂွံမၚ်မွဲ မၚ်မွဲ၊ ကၞောတ်တဲမြိပါကၠုၚ်ကဵုလမျီု ဂးတုဲ၊ အရေဝ်-လိခ်-ယေန်သၞာၚ်တအ် မ္ဒးသၠာဲဏာကဵုမြမွဲဓဝ်ရ။ ဒၟာနူမြမွဲဓဝ် အလုံမွဲဍုၚ်ဒးဒုၚ်ၚ္ၚိက်ကမၠက်ဏာ ကဵုဂကူဗမာဂှ် ကဵုဂွံက္လေၚ်ဗှ်ဗၞုဟ်ဒးအိုတ်ညိ။
နနဲသာ်ဏအ်သၟိၚ်ဗမာပ္တိတ်လဝ်ပၟိၚ်တုဲ ပ္ဍဲမန်တအ် ပြသၞာပရေၚ်ဍုၚ်ကွာန်၊ ပရေၚ်ပိုန်ဒြပ် ဂွံသောၚ်ကၠးဟွံမွဲ၊ နကဵုပၟိၚ်ဍေံတအ်ဂွံမံၚ်စံၚ်စသုၚ်အာ ကဵုဒဒိုခ်ပရိုက်ဘဲနာနာတုဲ မၚ်ဒၟံၚ်အခိၚ်ချိုတ်အိုတ်ရ။ ဂျိုၚ်မံၚ်လေဝ်ဟွံတၟေၚ်၊ လ္ၚဵုဂှ် ဒုၚ်ဟွံမာန်တုဲ ဇကုဇကုဂှ် ဇကုဂစိုတ်ကေတ်ကေတ်ရ။ ပိုန်ဒြပ်လေဝ်အခေါၚ်ဟွံမွဲ ၜိုတ်ဍေံပရအ်ကဵုဂှ်ရ သ္ဂောံစအာဂွံဆက်ဂျိုၚ်အာလမျီု။
အလန်ဏအ်တှေ် မန်တံသ္ဂောံစန်ပ္ကောံညးသ္ကံဂှ် လ္ပဟီုှဏီ၊ ပလံၚ်မံၚ်အခိၚ်ကဵုမြမွဲဂှ် မန်ကဵုမန်ဒှ်သၞဟွံကိတ်ညဳညးသ္ကအ်အိုတ်ရ။ ရံၚ်အာကဵုပရေၚ်ဇြဟတ်သြန်မ္ဂး အခေါၚ်ကလောန်ပရေၚ်ပိုန်ဒြပ် ဟွံမွဲ၊ ရံၚ်အာဇြဟတ်မၞိဟ်လေဝ် ဟွံကိတ်ညဳညးသ္ကံ၊ မၞိဟ်ဂွံဂံၚ်ပၠန်ဂတးကဵုဍေံဟွံမွဲတုဲ နနဲသၞဴဆီကမၠက်ဂကူမွဲနဲ ပၠန်ဂှ် ဍေံဖန်ဇန်ပ္တိတ်တၟိမွဲပၠန်ရ။ "အလုံဍုၚ်မွဲယဝ်ရကောန်ဝုတ်မန်တအ် စှေ်စဒၞာဲအိန်ထံၚ်ကဵုကောန်ပၞာန် ဗမာဍေံတအ်မ္ဂး ကဵုအခေါၚ်ပိုန်ပြဳ - မြ -မွဲရောၚ်" ပၟိၚ်ဍေံတိတ်ကၠုၚ်ဗီုဏအ်ပၠန်ရ။
မန်ဍုၚ်ဗဂေါတအ်ဂွံမိၚ်ကေတ်ပၟိၚ်ဍေံတုဲ လ္ၚဵုမိပ်စိုတ်အိုတ်ရ။ ရဲတၠကောန်ဝုတ်နွံတအ် ချပ်ကၠုၚ်လ္ပာ် ကောန်ဝုတ်ဇကု သွက်ဂွံဖျေံစဒၞာဲကဵု ကုကောန်ပၞာန်ဗမာအိုတ်ရ။ မန်ညးမဆာန်ဂကူတအ် ဒၟာနူ မြမွဲဓဝ် ကောန်ဝုတ်ဇကုလေဝ် မ္ဒးကဵုစကောန်ပၞာန်ဍေံ၊ ဂကူဇကုလေဝ် မ္ဒးကၠက်အာနကဵုဂလာန်"က-လေၚ်အကြာကဝေက်၊ၚ္ၚုဲလေၚ်အကြာဖရံက်"ကီုရ။ ဒၟာနူမြဏအ်မွဲ ဂကူမန်တအ် လေၚ်အာသီုယာဲတကောဒေံေတၞောဝ်ဒတောဝ်ရ။ လ္ၚဵုဂှ် ၜိုန်ရချပ်ဂွံကီုလေဝ် ကၞောတ်တဲဒးချပ် ကၠုၚ်လ္ပာ်ကောန်ဝုတ်ဇကုကီုရ။
ညးလ္ၚဵုကောန်ဝုတ်ဇကုဂွံအယုက် (၁၀)သၞာံဓဝ်တုဲ ဂတနူဏအ် ၅-သၞာံပၠန်မ္ဂး ကောန်ဝုတ်ပိုဲ-ပိုဲဖျေံစဒၞာဲ ကဵုကောန်ပၞာန်ဗမာတုဲ ပိုဲလေဝ်ဂွံအခေါၚ်ပိုၚ်ပြဳ-မြ-မွဲကီုရ။ သ္ပဟိုတ်မြမွဲဏအ် ပွိုၚ်(၆၇)သၞာံ၊ မန်ဍုၚ်ဗဂေါကၠေံ ကၠက်အာ ဂကူကၠာဲအာအိုတ်ရ။ အခိၚ်မန်ဍုၚ်ဗဂေါ ဗီုလဵုစိုတ်ဓါတ်ဆာန်ဂကူနွံနွံ၊ အရေဝ်ဘာသာ သာသနာဗီုလဵုဆာန်ဆာန် ယေန်သၞာၚ်အခိုက်ကၞာမန် ၜိုတ်လဵုမိက်ဂွံမၚ်မွဲ မၚ်မွဲ၊ ကၞောတ်တဲမြိပါကၠုၚ်ကဵုလမျီု ဂးတုဲ၊ အရေဝ်-လိခ်-ယေန်သၞာၚ်တအ် မ္ဒးသၠာဲဏာကဵုမြမွဲဓဝ်ရ။ ဒၟာနူမြမွဲဓဝ် အလုံမွဲဍုၚ်ဒးဒုၚ်ၚ္ၚိက်ကမၠက်ဏာ ကဵုဂကူဗမာဂှ် ကဵုဂွံက္လေၚ်ဗှ်ဗၞုဟ်ဒးအိုတ်ညိ။